الماكرة و الثعلب ( مكتملة )

الحلقة 21

بارت 84
بقلم :كوين

اسية دقات و سمح ليها صخر بالدخول
اسية : صخر يااك متزوجتيش بيها غير كتهتر ياك
صخر قرب ليها و دوز بايديه بشوية على حناكها و هو يخنقها بشوية و قرب لوذنيها كيدوي بشوية : ماكذباتش هي مراتي ولكن ( نطق بحقد ) بغيتك تندميها على النهار اللي عتباتها في القصر ندميها في كلشي الا القتل بغيتها تبقا حية باش يطول عذابها
اسية رتاحت : من اعذاءك ياك احبيبة
صخر طلق من عنقها و عينيه كينفثو الشر : اكبر عدو لية بغيت عزة النفس اللي فيها تهدم
اسية: ولا عليك ( كتبلحس ) نوجد ليك راسي هذا الليلة راه ليلة دخلتك ( بغمزة )
صخر بحقد: غنمشي نطل على مراتي العزيزة
مشا صخر و سول الخدامة على فين كاينة نازلي .. قالت ليه راها في احد الغرف وجهاتها الخادمة ليهم ...
مشا لديك الغرفة و حل عليها الباب بلا ما يدق ..
نازلي قفزات يالله كانت بغات تحيد كسوتها .. خافت من نضرات الكره اللي كيوجههم ليها
صخر كيقرب ليها بحال الثعلب مترصد فريستو حتى وصل ليها و هضر
صخر : بغيت حقي
نازلي : حقك( طلعاتو وهبطاتو ) قالو لية عندك كباري تاع القح**** سير شوف معاهم
صخر : اممم بلاتي نفكر واش تيقتي راسك هههههههههه ( بقا كيضحك حتى يموت ) انا نقيس وحدة بحالك كحلة و نيفك كبير و شعرك حرش تلقاك كلك مزغبة بحال القرد صوتك حرش كثر من صوتي عينيك كيخلعو مافيك حتى شي حاجة مسغدة لا انوثة لا رجولة حتى الرجال منكلاسيوكش منهم عرفتي براكة عليك الحيوانات راك بحالهم و بالضبط الحمير ناري نتي بالزاف غاما نبغيه يقيس ذاك الغار عندك اللي قاسوه الف واحد قبل مني ( كيعوج في فمو ) بنتي شريفة و طهلا فيها مافراسوش بنتو اكبر قح*** في المدينة اجي خدمي في الكباريات تاعي وخا مغاديش تجيبي ليا الكليان
مشا الثعلب مخلي نازلي مكسورة انوثتتها و شرفها طعن فيهم اكثر واحد حاقدة عليه و كتكرهو كثر من لأول هو الثعلب مستحيل و مستحيل تسامح ليه غادي تندمو .. طاحت على وقفتها و غوتااات الحمد لله الغرفة عازلة للصوت
نازلي العافيةفي قلبها : عاااااااااااااااا الثعلب( بحقد و كتنهج ) كنكرهك اصخر كنكرهك هو طعن في انوثتي اللي كيذوبو فيها الرجال و جمالي الخلاب ( باستهزاء ) بغيتي اللعب انا واجدة للعب شحال مالعبت وغادي نلعب معاك اصخر غادي نندمك
صخر خرج من عندها فرحان لاهانتها يمشي يدوز ليلة مع اسية في الاخير خاصو يحتافل بعرسو

بارت 85
بقلم : كوين

في الصباح
نزلات نازلي بحالة ما وقع والو .. لقات صخر كيفطر و حداه اسية شعرها فازك ... تقصدات تخليه مبلل هاكاك باش توصل لنازلي ميساج راها نعسات معاه البارح و دوزات معاه الليلة اللي كانت نازلي خاصها دوزها معاه
نازلي ضحكات باستهزاء عايقة بفعايل اسية مافراسهاش باللي اكثر واحد كتكرهو هو الثعلب.. جات تقعد و الثعلب حبسها
الثعلب : بلاصتك في الكوزينة(طلعها و هبطها ) منقبلش ناكل مع وحدة بحالك
نازلي : كنت بغيت نبعد الكرسي عليك قاليا عييت من ريحة الخنز
صخر غاما طول معاها الهضرة جبد سلاحو وجهو ليها حتى شهقات اسية : هبالك خليه عندك ماشي انا اللي نضيع ذرة اعصاب معاك (خدم السلاح ) مفهوووم
نازلي سكتات و قلبات وجهها عرفات باللي الثعلب مايخدم معاه غير الدق من ورى ضهرو ..
مشات للكوزينة لقات الخدامة كتحط ليها الفطور.. دهنات الطوسط بالشكلاط .. بدات كتاكلو مع كاس تاع الحليب سخون هاكاك .. مني سالات فطورها طلعات لبيتها سداتو بالساروت... و هي تحبس انفاسها ثواني معدودة و هي تغوت بالجهد
نازلي : هاااااااا
شافت حتى شي واحد ماجاوبها ولا طلع لعندها استنتجات ان هذا الغرفة عازلة للصوت ... بقات كتقلب قنت بقنت مالقاتش الكاميرا
نازلي : طلع بعدا راجل مكيتجسش علية .
جبدات نازلي تيليفونها عيطات لروبوت ..
الروبوت شاف نمرة تليفونها و هو يجاوبها
الروبوت : اش بغيتي الزين
نازلي : جمع راسك ما موالفاش معاك هذا الضحك
الروبوت: قالو لية تزوجتي بالثعلب تي كي درتي ليها
نازلي : كيفاش سقتي الخبار
الروبوت : الخبر منتاشر في الجرائد
نازلي بخوف : ياكما مليوحة تصويرتي
الروبوت : لا لا عرفتك من كنيتك الزاهيدي
نازلي : بغيتك تصيفط لية جميع معلومات على الثعلب شركاتو املاكو كلشي
الروبوت : عندي ليك واحد الخبر
نازلي سمعات الحس و هي تقطع و الروبوت تصدم مني قطعات عليه
الروبوت : تي لاش قطعتي كنا بغينا غار نقولو ليك راه خوك جا لعندي
رجع الروبوت قابل البيسيات عشقو الاول و الاخير
بارت 86
بقلم: كوين

دخلات اسية بلا مادق .. بانت ليها نازلي هازة تيليفونها و بحالة متوترة
اسية : يا كما كتعيطي لحبيب القلب ( ضحكات باستهزاء ) ههههههه تلقايه فرح مني تهنا منك اش بغا بهذا الكمارة لا زين لا مجي بكري خايبة تفو ( دفلات في الارض ) ماتشوفك موحمة بخيوبيتك مامتيقاش انه مطرة نشوفك كل نهار فتي الخيبوبية لهيه
نازلي كتشوف فيها بقات فيها دخلاتها لراسها حتى هي غادي دوق من سمها .. ضحكات نازلي ضحكة صفرة ليها
نازلي : انا خايبة و عاجبني راسي و نتي مالك ديها في راسك
اسية : كنشفق عليك
مشات اسية و نازلي كتفكر في خطة تلاهي الثعلب عليها و تحيد هذا اسية من القصر
وصلها ميساج من عند الروبوت فيه جميع معلومات الثعلب .. قراتهم كلهم ماعرفاتش كيفاش حتى دخل المافيا و لكن شافت انه عزيزة عليه واحد الشركة بزاااف و هي الشركة الام خاصة بتصنيع السيارات عرفات الامر من كمية الاستثمارات اللي كيوجههم ليها
نازلي بشر : غادي ندمرك الثعلب (بتفكير ) ولكن علاش عزيزة عليك هذا الشركة .. ( قلبات في تاريخ الشركة لقاتو مجهول فقط ضهرو انجازات الشركة ) ولد طيط حتى من غوغل شاريه اكيد شي قصة من ورى معزتو لهذا الشركة و لكن مغنمشي حتى نغرقها ليك نوريك تهين نازلي ( ناضت من الناموسية كتشكر في راسها ) البيوضية و العينين الزرقين و الشعر الطويل الكحل و الجمال و الحسن و الشخصية القوية (تلاحت في لناموسية ) يا لجمالي و تجي نتا تهيني ( كتقلدو ) مانعسش مع وحدة بحالك بحالة غير انا مليوحة عليك
داز النهار .. و جا الثعلب .. تعشا هو و اسية في الطبلة و نازلي تعشات في الكوزينة ماكتبغيش ضسر عليها الخدم داكشي باش غير كتاكل و كتنوض مكتهضر مع حتى واحد فيهم ...
دازت من حدا الثعلب اللي شافها و ضحك بشر
الثعلب : عندي ليك خبر زوين غدا
بارت 87
بقلم : كوين

نازلي : اينا خبر ؟؟
الثعلب : غدا تعرفي مالك زربانة
تزيرات اسية صحابها بغا ياخد حقوقو وخا نازلي كتلبس الطويل باش تخبي البيوضية الا انها طايتة واعرة
نازلي : مزيان
طلعات نازلي لبيتها و هي تسدو بالساروت و مشات نعسات في انتضار يوم غد ...
في الصباح
نازلي ناعسة حتى ترمى عليها الماء .. قفزات مني بانت ليها اسية هازة السطل و الثعلب حداها كيشوف فيها بشر
نازلي مخلوعة : اش واقع اش طاري ( كانت نازلي مغطية وجهها بالزيف فيها واحد القاعدة مني كتنعس كدير الزيف على وجهها اما كون شافوها بلا ماكياج و عرفها الثعلب راها نفسها ذات الاعين الزرقاء
الثعلب :نوضي عندك شي شغل خاصك تقديه
نازلي : وخا خمسة الدقائق و هاني معاكم
اسية كتعوج : يالله سربي دغيا ..
خرج الثعلب و اسية و نازلي حيدات الزيف على وجهها و موسعة عينيها الزورق : هووووف كنت غادي نتكشف
ناضت لبسات حوايجها و قادات وجهها على شكل نازلي الخايبة ... نزلات للتحت بان ليها القصر خاوي و الثعلب و اسية الوسط كيشوفو فيها
نازلي : شنو السبب علاش مفيقني بديك الطريقة
صخر : ياكما صحابك جبتك نبقا نشوف فيك ( رما ليها السطل برجليه )
صخر : الخدامة صيفطهوم نتي للي غادي تكلفي بالقصر
نازلي : منيتك قصر على قدو نخدم فيه بوحدي نتا راك حمق
صخر ضحك بحال الحمق و هو يجمعها دغيا جبد سلاحو و هو ضربها لحدا رجليها حتى نقزات نازلي : يا ويلك مني سكت ليك بزاااف انازلي غتشوفي شي حاجة ماهياش مني
نازلي : وخا ( بشر ) انا غادي نتكلف بالقصر
صخر : الطياب الغسيل ماكلة الحراس و ماكلتنا حتى هي بغيتك تكلفي بيها مابغيت نلقا حتى وسخة في حوايجي مفهووووم
نازلي : مفهووووم
اسية : اووووف غانمشي ندير بروشينغ لشعري
صخر مشا فحالو لشاريكتو و اسية مشات لكوافورة مخليين القصر في ايدين نازلي
نازلي : هو بغاني انا نتكلف بالقصر صافي غادي نتكلف

""" ان لله و ان اليه راجعون """ مشا ذاك القصر مشاااا