الماكرة و الثعلب ( مكتملة )

الحلقة 8

بارت 29
بقلم : كوين

الروبورت قفز من بلاصتو : صافي صافي وخا وخا غير صفطيه انا غنعرف كيفاش نتصرف
قطعات عليه نازلي و هرسات تيليفونها بعدما حفضت نمرة الروبورت
مشات نازلي للبوسطا يالله لقاتهم حلو حطات عندهم داك الملف و دارت في العنوان منزل الروبورت و مشات في حالها
في الصباح ناعسة نازلي منعساتش في الليل حتى كتسمع الزغاريت .. ناضت مخلوعة من بلاصتها و فرحانة حسات باللي الروح رجعات للدار.. ناضت كتجري غادة بالحفا خرجات من بيتها فرحانة .. حتى شافت جداتها كتنقز بالعكاز ديالها و فتيحة كتزغرت شادة التيليفون في ايديها و عمر باباها كيصلي في الارض حامد الله و شاكرو و ايمن فرحان كينقز حتى هو .. عرفات باللي العدالة تحققات
نازلي : شنو واقع
ايمن عينيه بغاو يخرجو منو الفرحة: ليث غيخرج اليوم في العشية من الحبس
نازلي : وخا باش عرفتوو
ايمن : تاصل عماد
فتيحة حطات التيلي على وذنيها :اسعدي فرحي بولدي غيخرج لية من الحبس روووروووري ( زغرتات في التيليفون ) شكرا يا وليدي فرحتينا بهذا الخبر
نازلي طارت على مها خدات التيلي
نازلي: الو عماد واش بالصح الخبر
عماد حك راسو : اه بالصح الخبر ليث غيخرج من الحبس معرفتش كيفاش و علاش و لكن راه تبتات براتو
نازلي :مزيان مزيااان
الجدة خدات تيلي : ياا وليدي الله يفرحك بهذا الخبر كيفما فرحتينا
نازلي بتاسمات ممحتاجاش لنسخ من الملف حيتاش قالت انه الثعلب ايديه واصلة فيقد ياخد الملف بسهولة من القضاء بلا ماا ثتبت البراة تاع ليث فرحات دابا الخوف الوحيد اللي عندها لا عقل عليها الثعلب و هادشي غادي تبينو الايام
بارت 30
بقلم : كوين

حل الثعلب عينيه راسو ضارو .. ثواني استذكر اللي وقع ... ببرودة ناض ضور عينيه على بيتو .. مبان ليه تشفر والو.. مشا لبيروه قلب .. حل الخزنة لقا الملف تاع ليث مشااا و باقي الملفات كاينين .. سد الخزنة بهدوء و هو على عينيه حاجة وحدة صورة عينين زرقين بحال لون البحر في الغروب معقلش على وجه البنت اللي شاف حيتاش استنتج انها بنت فقط من ايديها منين شدها و لكن عينيها عينيها اسروه مبقا مسوق لا الملف لا والو .. فقط العينين الزرقين من هي صاحبتهم جبد تيليفونو و عيط لتوم
الثعلب ببرود : جي دغيا للقصر
توم و من معرفتو للثعلب عرف باللي واقعة شي حاجة ناض الزربة كان ناعسة حداه عاهرة
العاهرة : اووو مالك باقي ماسخيتش
توم : ضوري تقو***
لاح ليها شيك فيه عدد كبير من الفلوس و خرج بالزربة ركب في طموبيلتو سايق بسرعة لعند الثعلب.. مادخل حتى قلبوه الغارد واش هاز شي حاجة بحال الموس معلوم مكيثيق الثعلب في حد .. دخل توم و سول الخدامة
توم : فين كاين الثعلب
الخدامة حانية راسها : في غرفتو ..
طلع توم لجناح الثعلب .. لقاه كيشوف في البالكون ببرود .. مشا عندو توم وقف من وراه
توم : احم الثعلب بغيتيني
جا اتصال توم و لكن خلاه ميمكنش يجاوب و الثعلب كاين
الثعلب :غير جاوب
توم هز التيليفون كيجاوب و هو مصدوم ان الثعلب خلاه .. حتى كيتصدم توم كثر من داكشي اللي كيسمع في التيليفون..
توم قطع الاتصال و ماعرف كيقولها لثعلب : احم احم ليث الزاهيدي قدر يخرج من الحبس ببراة معرفناش كيفاش و نتا الوحيد اللي عندك دليل البراة
الثعلب ضحك ضحك بحال شي هبيل و هو يحبس الضحك و مشا عند توم ضربو ببونية حتى طاح و قال الثعلب غادي فحالو : لقا لية اللي خاد الدليل من خزانتي ( في خاطرو لقا لية صاحبة الأعين الزرقاء )
مبغاش يقول الثعلب انها بنت و عينيها زرقين بحالة غار غار انه يشارك بحال هذا التفاصيل مع شي واحد .
بارت 31
بقلم كوين