الماكرة و الثعلب ( مكتملة )

الحلقة 1

بارت 1
بقلم : كوين

قاعدة في الجردة تاع لافاك هازة مذكرتها كتكتب في مشاعرها اتجاهو و احساسها اتجاهو كتبغيه كتبغيه بزاااف كتحس باللي قلبها ليه غير هو ..
في مذكرتها "" احبك اكثر من اي شيء اكثر من نفسي اشعر ان قلبي ملك لك و روحي ملك لك عيوني ملك لك لقد ملكتني يا سيد قلبي ""
حتى كتحس بشي واحد غمض ليها عينيها .. تنهدات بغضب و قالت: اوووف كمال حيد ايديك
كمال كيضحك : باش عرفتيني
نازلي بخفوت : قلبي عرفك
كمال : شنوو مسمعتكش
نازلي ضحكات : هههه والو والو
بقاو كيتمشاو و كيهضرو في نفس الوقت
كمال : تفو داخلين عند هذاك استاذ المحاسبة مكنحملوش يخخ
نازلي : مالو وخا فروضو صعاب كيتعامل في النقط و زايدون نتا مكتبيش تخدم
كمال لمح محبوبتو ولا قلبو كيضرب كيحس بيه بغا يخرج و هي كضحك مهامهاش .. نازلي شافتو فين كيشوف بان ليها كيشوف في عدوتها هي تيتيزة تاع لافاك يسرى بنت رجل اعمال كبير في المغرب... تنهدات بكره و هي حاسة بقلبها في غصة علاش لا حبيبها مهتم بوحدة خرى
كمال ضحك ليسرى لي شافت فيه طلعاتو و هبطاتو هو و نازلي و كملات هضرتها مع صحاباتها كضحك
كمال لاحظ ردة فعلها و تحرج : احم احم يالله نوصلك
نازلي كتحس بالحرقة في قلبها بالغيرة : لا لا تعطلت على الدار
زادت نازلي في حالها شدات الطوبيس حتى حطها في الحي فين ساكنة كانت 4 تاع العشية و هي دخل للدار في ساكنة سمعات الصداع و هي تلقاهم مجموعين .. كان عمر اب نازلي قاعد في الصالون مع مرتو فتيحة .. واليدين طيبين قلبهم بيض رباو ولادهم احسن تربية .. عمر خدام كموضف في المقاطعة و لكن تقاعد اما فتيحة فكتافات انها تكون فقط ربة بيت .. ولدو جوج ولاد و بنت اللي هي نازلي الوسطانية .. الولد الاول ليث خدام كضابط شرطة عمرو 28 سنة وخا عندو دارو بوحدو قرر يعيش معاهم وسيم بزاااف تيتيز على الجهد عينيه في الاسود ضريف غير و كان قاصح في الخدمة عزيز عليه واليديه و كيتفاهم مع ختو نازلي ..
بارت 2
بقلم : كوين

نازلي 19 سنة هي الدلوعة تاع الدار سبحان من خلقها عينيها زرقين بحال البحر لونهم غامق كتلبس بحال الدراري مخبية جمالها اللي يطيح زوازو من فوق السور ...ذكية على الجهد ناشطة دائما مكتبينش احزانها شخصيتها قوية حدودية و اجتماعية في نفس الوقت واحد الميكس خطير صعيب تفهم لبنادم كتبغي كمال الدري اللي كان معاها حتى هو داير لافاك تاع الاقتصاد غيرو كان هو كيبغي يسرى التيتيزة تاع لافاك كضل دير المكياج و تجلخ في راسها باش تبان زوينة على عكس نازلي اللي جمالها طبيعي خلاب بيووو غير مخبياه عمرها ورات عينيها الزورق لشي واحد كدير ليلونتي باش متجيهاش العين... واخيرا البعلوك تاع العائلة .. ايمن عندو 15 سنة داير بحال العافية مكيتحاملش مع نازلي بحال المش و الفار دائما مخاصمين عينيه زرقين بحال ختو على عكس ليث اللي طلع العكس ديالهم عينيه كحلين ... فوق منهم كلهم كاين جداتهم ام عمر هي ديك المراة اللي عرفات في الزمان و شافت و عاشت قويصحة و لكن قلبها بيض مات راجلها و قررات تبقا مع ولدها عمر من بين ولادها كلهم حيتاش كترتاح ليه ..
نازلي : سلام عليكم
الكل : وعليكم بمثلها
ايمن ميق فيها : تفوو شكون شفنا كمارتو
نازلي سمعاتو وضحكات بشر : ماما خويا كيغيب بزااف سولت عليه في المدرسة
فتيحة ضربات فخاضها : اويلي وحدي على كيبطل
نازلي : والله هانتي شوفيه و سيري سولي
ايمن :ماما راه بيت نولي لاعب تاع الكرة
فتيحة : ايوى الله يجعلها ضربك
عمر بحزم: فتيحة
فتيحة صمطات و نازلي جلسات حدا خوها ليث
ليث : صافا مع القرايا
نازلي: باا مال ( pas Mal)
عمر لايمن : لالقيت فوق 5 سوايع حسابي معاك هو اللخر
ايمن خنزر في نازلي مزيان و هي خرجات ليه لسانها
ليث : تقولو غاما خوت
ايمن بينو و بين راسو :و الله لا بقات فيك ( مشا كيتسلت طلع لبيتها هز دبدوبها عزيز عليها و مشا عند كلبها روكي و حط ليه نونوس في فمو .. بدا الكلب كيعض في نونوس حيتاش اي حاجة حطيتيها في فم الكلب راه كيعضها .. بقاو كيجر فيها ايمن و روكي كيجر حتى تقطعات و مشا بحالة مادار والو )
طلعات نازلي الفوق بان ليها روكي ناعس و حداه نونوسها اللي مقطع غوتااااات حتى تخلع عليها كلشي طلعو عندها...
بارت 3
بقلم :كوين