الماكرة و الثعلب ( مكتملة )

الحلقة 32

بارت 136
بقلم : كوين

مشاو عائلة نازلي فحالهم اما عند دوك الجوج
صخر هاز نازلي اللي خايفة لا طيح شادة فيه شدة وحدة و ضاربة الطم ..
حطها صخر في بيتو وكي وقفات نازلي تكات على الحيط و هي تشوف فيه شي شوفات و بدات كتهضر :ياااا  الفااااااهم انا تهزني هاكاك قدام الدار غادي يصحابو بيناتنا شي حاجة منييييتك
صخر تكا عليها كيشوف فيها : وعلى اش كيصحابهم ياك حنا مزوجين
نازلي كوني سكتات ياربي كوني سكتات و مقالتش هذا الهضرة : اصلا قريب نطلق مستحيل نبقا مع واحد بحالك
صخر في ثانية ولا اقل من ثانية ولا وحش تحول لمجنون و حمق بمعنى الكلمة ولاو شوفاتو بحال الحمق كيفاش هي متكونش ليه  والاهم الخيط الوحيد اللي كيربطو بيها بغات تقطعو و تهرسو وغادي تهرس معاه قلبو .. هز ايديه حتال السماء و نزل عليها بتصرفيقة حتى ختل توازن نازلي وطاحت و زادت تقصحات في رجليها
صخر كيهرس كل حاجة ضايرة بيه كيتحرق جسمو و قلبو و عقلو فقط تخيلو هو انو يتحيد ليه ادمانو ضمرو وسعاك لا تحيد ليه اش غادي يوقع ؟؟
هرس التلفازة و الفاز البيسي و الخاميات قطعهم و باقي مابردش .. نازلي كتشوف مصدومة ماشي اول مرة يتبادلو بيناتهم كلام بحال السم فاشنو وقع ليه حتى ولا بحال هاكا حتى ولا وحش عمرها شافتو بحال هاكا و لاول مرة في حياتها تخاف و تخاف كثر ما تصور .. تقنتات مع الحيط كتشوف بيت كيسوى الملايين تدمر في رمشة عين .. حبس صخر و تنفس مزيان و وخا هكاك مبردش قال كلمة وحدة
صخر بعينين حمرين كينهج : علاش ؟
نازلي : كيفاش علاش ( باقا زايدة فيه )
صخر تم جاي لعندها و تحنا لعندها كيدوز بصباعو على وجهها بهوس بحال شي حاجة ثمينة خايف يهرسها : علاش بغيتي تفرقيهم ؟؟
صخر مقدش يقول تفرقينا لسانو تشلل على هذا الكلمة
نازلي : هم ؟؟شكون نفارق
صخر : غنوصليك حاجة وحدة اغلى حاجة في حياتي لقيتها و مغادي تفرقني عليها غير الموت و هذا الموضوع الزامي عليك و على كلشي ( كيلعب بشعرها ) و على اي واحد يبغي يفارقنا
نازلي مشا عقلها بعيد كتقول في خاطرها حتى نتا وليتي تحب و لكن شكون غادي تكون هذا البنت ؟؟
بارت 137
بقلم:كوين

بقا الصمت سيد الموقف صخر كيشوف في محبوبتو بحال الحمق ماكرهش ياكلها و نازلي كتفكر كيفاش ترد ليه التصرفيقة مغاديش تنساها ليه وخا ماعرفت شنو يوقع و هي ممنتابهاش لشوفات صخر ليها حيتاش غير الحمار اللي مايفهمش اذن نازلي حمارة
صخر : سيري تنعسي
نازلي : عكازي فينو
صخر بتاسم بجنب عجبو الحال تعتامد عليه تم هازها غادي بيها لبيتها حطها فوق ناموسيتها و عيط لخدامة تجيب ليها العكاز ومشا لبيتو .. كي دخل دخل لدوش دوش و كل تفكيرو مع نازلي واش تقد تبغيه صراحة الموضوع صعيب هو حاول يقتلها و يقتل عائلتها دخل خوها ليث للحبس و تزوج بيها بزز ماعرفت اش بغا يوقع صعيب تبغيه نازلي ماعمرو شاف بحالها قوية انثوية و ذكية و عينيها الزرقين اللي عمرو ينساهم 💙
في جهة اخرى
كانت تصويرة نازلي مع صخر هازها من قدام باب القصر تصورات بالزوم .. كان كيشوف فيها معصب حتى كمشها بشوية و بدا كيضحك
كمال كيضحك : هاهاهاهاهاا نازلي مصورة لية مع ذاك الزا*** لا وهازها من الفوق هاز شي حاجة اللي ديالي ديالي انااا تاع كمال لا لا غادي نقتلو و ترجع لية و نعيشها في قصر بوحدنا نبقا نعذبها فيه اه اه ( بحال المختل ) هادشي اللي ندير اه اه كنكرههم اه كنكرههم كلهم غاع الناس اللي كنبغي كنكرهم ( سكيزوفرينا ) كنبغيها و كنكرهها ( طاح على رجليه و غوت بالجهد كيبكي  ) عااااااااااااااااااااا مااااااااماااااااااااا
فلاش باك
حفيضة جالسة كتوكل كمال اللي كياكل الصوبة بالمعلقة و عاطياه الخاطر كضحك معاه حتى جا الاخ لكبير لكمال كيغوت
صخر بحقد: باقي كتعطيه الحنان اللي عمرني ذقتو
حفيضةبحزم : صااااخر
صخر غوت : اش صخر اااااااااش كتبغيه كثر مني عمرني عقلت عطيتيني الحنان تربيت على يد الجيران كناكل من طارو تاع الزبل وانا شنو كوني ديتيني للخيرية و لا هذا الحالة علااااش كتفرقي بيني و بينو علااااااش
حفيضة :هو ولدي المرضي ماشي بحالك
صخر ضرب في صدرو و كيغوت:وانا شنو امي شنووو نجيب ليك العالم حتاال بين ايديك غير عطيني شوية تاع  الحنان ( بصوت كيبكي القلب ) غير شوية
كمال كيشوف ذاك المنضر ضحك من ديما كيعجبو يشوف خوه كيتعذب وخا كيبغيه و لكن صخر ديما كيضربو داكشي علاش قدما كيكره خوه قدما كيبغيه
صخر شاف كمال كيضحك ودفل ليه على وجهو و خرج حاقد
حفيضة : الحمار دفل لية على حبيبي
مشات حفيضة كتمسح وجه كمال و تعاود تفشو و تلعب معاه
*****
رجع بيه كمال الماضي كيفاش تربات فيه عقدة سكيزوفرينا فجميع تصرفاتو وهاهو كيطبقها مع جميع الناس اللي كيبغي
****
نازلي كتفكر : حمار لاخور انا يصرفقني و الله ايما تبقا فيه انا نوريه اش كنسوى غدا ندمو
و هي كتنعس و طول الوقت كتفكر مع ابليس اش دير ليه
بارت 138
بقلم : كوين