الماكرة و الثعلب ( مكتملة )

الحلقة 31

بارت 129
بقلم : كوين

داز اسبوع .. صخر تحت عينيه كحل كل تفكيرو مع مهووستو اللي باقي مافاقت طول المدة و هو معاها كيشرب غار القهوة و شي فيتامينات كيبززهم عليه طوم ياكلهم ... دخل صخر لغرفة نازلي للمرة الالف و هو كيشوف فيها بهوس توحشها و توحش مكرها و صداعها
صخر كيشوف فيها : توحشتك احبيبتي توحشتك اعمري شنوو تصدمتي حتى انا مصدوم من راسي مصدوم كيفاش بغيتك بغيت البنت اللي مكنحملش بغيت البنت اللي كرهي ليها كبير و هاهو غاع داك الكره تضاعف وولا حب انا مهووس بيك مهووس بريحتك بعينيك بكلشي فيك انا مدمن عليك انازلي نتي شفتيها اسبوع انا شفتها مئة عام على غيابك علية و انه ماكنسمعش صوتك حتى انا  ماعندي علاش نهضر  و مكنشوفش كتنفسي حتى انا ماعندي علاش نتنفس كوني متأكدة لا مشيتي من حياتي حتى انا غنمشي من هذا الحياة و نتبعك ههههههههههه ( ضحك بحال الحمق ) شفتي لاي درجة انا مهووس بيك انا فت حب قيس لليلى فت حب روميو لجولييت انا صخر اللي مهووس بنازلي كنهبط راسي ونقول جات ماكرتي ملكات قلبي ( شافها مكتهضرش و هز راسو لسماء و لاول مرة صخر يدعي لله ) ياااا ربي رجع لية نازلي رجع لية قلبي رجع لية اللي كنعتابرها  حلاوة الدنيا عندي رجعها لية عارف قلبي كيفاش كيتعذب بفراقها منقدش اربي منقدش منقدش وانا اول مرة نحس باللي الحب كيتعطا وخا عمرني خديتو قادر نعطيه ليها غير رجعها لية لحياتي رجعها ياربي 
قرب صخر لجبهة نازلي باسها يالله بغا يبعد و هو يشوف عينين نازلي الزرقين محلولين كيشوفو فيه بتعب
صخر فرح و بقا كيضحك ماعرف مايدير : هههههه لا ههه لا هاذي نتي هههه نازلي فقتي مغاديش تخليني ههههه لاااا مكنحلمش .
كليكا صخر على واحد البوطونة جااو الدكاترة كيجريو و صخر كيبوس في نازلي و يضحك و يجمع الضحكة غار بوحدو بحال الحمق مصدوم كيفاش حبيبتو رجعات لهذه الحياة و الله مخيبوش و لاول مرة يدخل الايمان لقلبو ان الله فعلا كاين و كيرأف بعبادو و لله الحمد ❤❤
بارت 130
بقلم : كوين

دخل الدكتور و هو يتفحص مع الفريق ديالو حالة نازلي اللي حالة عينيها باستغراب كتشوف مافاهمة والو ...
الدكتور بفرح : الحمد لله المريضة راها لباس
صخر شاف فيه كيضحك بحال الحمق  روحو عاد حس بيها رجعات ليه شد في ايدين نازلي كيبوس فيها مرارا و تكرارا
صخر بعينين كلهم حب  : نازلي شكرا حيتاش رجعتي لحياتي شكرااا
الفريق كولو عجبو هذا الكوبل وكيفاش صخر كان مهتم بنازلي طول فترة الغيبوبة
خرج صخر كيضحك و هو يتبعو الدكتور
الدكتور : المريضة غادي نقلوها لغرفتها العادية دابا
صخر : مزيان مزيان كون متأكد غادي تاخد مستحقاتك و مضاعفين من الفوق ( هز راسو في ألسماء و نطق ) الحمد لله يا ربي الحمد لله
بعد دقائق
نازلي في غرفتها كضور في عينيها بتعب حتى طلع عندها صخر
صخر كيشوف فيها بهوس ممتيقش حاس براسو وسط شي حلم انها معاه و رجعات ليه
نازلي : بغيت نشوف واليدية
صخر كيرسم خطوط على وجهها بحب : حتى تولي لباس
نازلي بصوت عيان: راني لباس  بغيت نشوف عائلتي
صخر خنزر :دويت معاك مغادي تشوفي عائلتك الا مني نبغي انا و باقي غاي نتفاهمو على الهروب اللي هربتي حتى وصلتي لهذا الحالة
خرج صخر ساد عليها الباب بالجهد و هو كيمشي و يجي معصب و يحك في وجهو و كينهج بالاعصاب باغي يخرج النار اللي فيه مني جبدات عائلتها اه هو غار غار عليها من عائلتها هو متوقعش اكيد انها مني غادي تفيق غادي تبغي تشوفو هو الاول و لكن هو عارف ان في قلبها كاين اللي مسبقاه عليه يعني نازلي حبيبتو اللي ليه غير هو مشاركة قلبها مع بزاف تاع الناس على عكس هو مشارك حبو و قلبو معاها غير هي هادشي عصبو  و عصبو بزاف ماكرهش شي عصا سحرية يرميها لقلبها تولي تبغيه بوحدو و كيفاش يقد يدير و هو كيشوف في عينيها كره كبير مكتقدش حتى تكمل فيه الشوفة 
بارت 131
بقلم: كوين