الماكرة و الثعلب ( مكتملة )

الحلقة 15

بارت 58
بقلم : كوين

الرجل فرحان اللي لقا نازلي هزها مع هو تبارك الله و ركبها في وحدة من الطموبيلات و بقا سايق بيها حتى خرج من المدينة متوجه لقصر الثعلب ...وصل لقصر الثعلب نزل من الطموبيل متوجه عند الحرس
الرجل : خليني ندوز جبت للثعلب امانتو
الحارس باستهزاء : اينا امانة غتكون عندك مع الثعلب
الرجل : طل في الطموبيل تشوف
مشا الحارس مع الرجل طلو على الطموبيل لقاوها خاوية
الحارس باستهزاء : ياكما باغي توريه الكوسان راه عندو ماحسن
الرجل بصدمة : راه جبت البنت اللي كيقلب عليها الثعلب لقيتها في الحي
الحارس: سييير سييير من هنا اوليدي
مشا الحارس مخلي الرجل مصدوم كيفاش هربات نازلي
فلاش بااك ***
نازلي مني مشا الرجل استرجعات وعيها ناضت طلات من الشرجم و استدركات انها في قصر الثعلب .. خرجات منو دغيا لحسن حضها لقات الباب محلول و بقات غادة في الغابة ..
***
صخر في الغابة مع توم كيصيدو الحمام بالقرطاس و رجالو ضايرين بيه وخا الغابة ملكو حتى كيسمعو حس الخطوات
نازلي سمعات القرطاس حاولات تبعد منو و لكن عاد مزادت قربات لصوت القرطاس ...
صخر لرجالو : قلبو على منين جاي هذا الخطوات
تشتتو رجال الثعلب كيقلبو في جميع الاماكن و صخر طالق وذنيه بغا يشوف شكون هذا اللي دخل لمحميتو .. حتى كتبان ليه بحال شي ملاك شادة في راسها اللي كيسيل منو الدم و باينة فيها الدوخة .. نازلي حسات بشي واحد علات راسها حتى كتصدم داكشي اللي خافت منو طاحت فيه ها هو قدامها و شافها بصورة ذات الاعين الزرقاء
صخر تصدم مني شافها هاهي سارقتو اللي كان كيقلب عليها ذات الاعين الزرقاء و لكن هاذي عينيها قهويين ...ضحك بمكر و وجه ليها المكحلة ( البندقية ) اللي كان كيصيد بيها و ضرب بالرصاص
بووووووم
بارت 59
بقلم : كوين

نازلي تفزعات غمضات عينيها حتى حلاتهم مني شافت صخر باقي مثبت عينيه فيها بكره قلبات راسها مالقات فيها والو
صخر كيقرب ليها بشوية و هو كيهضر : القطة وقعت في الفخ و المشكلة نتي اللي جيتي عندي برجليك ماشي انا اش غادي ندير فيك ( وصل عندها و هو كيشوف في عينيها القهويين لعبارة على عدسات مخبيين جمال عينيها الزرقين )
صخر باستغراب : فين هما عينيك الزرقين
نازلي مابغاتش دوي حيتاش لا دوات غادي يعرفها راها نازلي الخايبة من صوتها بقات كتشوف فيه و كتوقع اي حركة منو
صخر : القط كلا ليك لسانك ماكرة و لكن مكرك غادي يتحد معاية نتي تجرأتي و خديتي لية وثائق مهمين باش تحرري ليث الزاهيدي و كل من كيتجرأ على الثعلب كتكون نهايتو وحدة هي ( بفحيح ثعبان ) هي الموت
نازلي خرجات عينيها اش غادي دير في هذا الوحلة اللي وحلات فيها
صخر : شفارة و حمارة و مكلخة و زيزونة من الفوق ( حيتاش مكدويش )
نازلي صبعات ليه ( دارت ليه فاك باديها )
صخر تعصب ضربها بطرشة حتى طاحت و هي طيح ليها عدسة من عينيها و ضارت شافت فيه بعينيها ليمنية الزرقة الغامقة اللي كتصور جمال البحر و السماء مع بعضهم البعض ...
صخر طيح المكحلة من ايديه و هو كيشوف في ديك العين الزرقة ليمنية حيتاش طاحت ليها عداسة تاع عين وحدة ماشي بجوج باقي ديك القهوية في بلاصتها .. بقا كيشوف في عينيها بتأمل في ابداع خلق الله علاش كول مرة كيشوف عينيها الزرقين كيطيح اسير ليهم و كيغرق في بحرهم .. نازلي شافتو ساهي فيها .. شدات التراب في ايديها و رماتو على وجهو حتى عمات صخر و بقا كيحك عينيه باش يمسح التراب .. شدات المكحلة و هربات من الغابة ... بقات غادة و كتشوف الطيور شنو هي البلاصة اللي كيهربو منها يعني منين جايين باش تعرف الطريق فين جات حيتاش البلاصة اللي كيهربو منها الطيور هي اللي فيها الطموبيلات و البشر مكيكونوش مولفين الصداع ..
بارت 60
بقلم ؛ كوين