الماكرة و الثعلب ( مكتملة )

الحلقة 4

بارت 13
بقلم كوين

نازلي مشات عند البنات اللي كانو باين عزيزة عليهم صاحبتهم وخا مسمومات و معياقات
نازلي : البركة فراسكم
فتون كتبكي : اهئ اهئ ما مشا معاك باس
مشات نازلي فحالها و هي كتفكر في نهاية يسرى اللي كانت بشعة بالنسبة ليها...
في الكوميسرية
واقف ليث مع الفرقة ديالو ..
ليث بحزم : الثعلب مالك كتامة كلها كيصدر منها المخدرات خاص نلقيو عليه القبض ضروري خاص العدالة تحقق ولاد و شباب كيضيعو بسبب المخدرات
واحد من فريقو : صعيب اشاف واش عارف باللي المخابرات و ماواجهوهش بقا غير حنا
ليث : مكاينش مستحيل في قموسي ( كيشوف بعيد ) خاص نقضي عليه
مشاو الفريق بعدما سالاو الاجتماع و ليث حاط قدامو ملف الثعلب
ليث : غادي نقضي عليك انا ليث الزاهيدي غنقضي عليك
.......
في المقبرة .. تجمعو بزاف من لافاك نضرا لشعبية يسرى كيبكيو عليها و هي كتم مراسم دفنها ...
نازلي حتى هي حضرات لابسة زيف كحل و جلابة كتشوف في كفن يسرى بحزن حتى كتلمح كمال حاضر و عينيه حمرين و الحزن ساري على وجهو و مشات لعندو
نازلي: كمال
كمال مبغاش يشوف في وجهها: شنوو
نازلي : الله يرحمها اكمال
كمال بغضب مزير على ايديه: هي ماتت مقتولة كانت تقد تكون معانا دابا ماتت البنت اللي كنبغي مقتولة و بغيتيني نضحك
نازلي تنهدات بحزن : الله بغاها ..
ضور كمال وجهو للجنازة بحيث انه عاطي بضهرو لنازلي .. نازلي تنهدات بحزن و رددات مع نفسها : شكون قتلك ايسرى شكووون
****
بارت 14
بقلم كوين

عند اسية متواجدة في قصر الثعلب كتحتاسي في قهوتها و راسها كيفكر 100 تفكير حتى دخل الثعلب بمشيتو الرجولية و مشات لعندو .. اسية : اممم كون علمتيني بمجيتك
الثعلب : مالكي نتي هي الطموبيل
اسية سرطات القمعة : يالله نتعشاو
الثعلب : مكنتعشاش مع الق****
طلع الثعلب مخليها كتغلي .. رمات بداك الكاس و هي كترعد
اسية : نتا لية الثعلب مغتكون لحتى وحدة من غيري لاسية فقط
طلعات اسية لعندو بخطوات واثقة من نفسها و دقات .. كان الثعلب كيبدل في حوايجو حتى سمع الدقان و جاوب: مافياش اليوم
مشات اسية مني سمعات جوابو كانت باغة دوز معاه ليلة ترضي عطشها ليه
نعس الثعبان و هو مرتاح ما هامو لا بعدد الناس اللي القتل مكيحس بوالو قلبو كحل
*****
في لاصال كتدرب باحترافية
الكوتش هاز واحد المخدة من الميكة و هي كضرب بيها بكل قوتها من التحت من الفوق من اليمين فينما داها كتمشي معاها حتى قال الكوتش
الكوتش: براااافو
ضهرات على وجهها ابتسامة انتصار فرحانة .. مشات لقاعة تغيير الملابس.. شربات قرعة الماء كلها ... داز شهر شهر ما شافتش فيه كمال و لا سمعات عليه شي خبار حتى لافاك ما بقاش كيبان ليها تماك ... تنهدات بحزن على اخر ذكرة جمعاتهم
فلاش باك ***
نازلي كدق عليه في لابارطومون ديالو حتى حل كمال
كمال كيحك في عينيه : مالك ؟؟
نازلي : سيمانة ما بقيتي جيتي التيليفون مكتجاوبش عليه اشنو بغيتيني ندير عادي نجي عندك
كمال : يالله سيري
نازلي درات راسو بين ايديها : ماتت اكمال تجاوز حياتك بلا بيها عفاك
كمال تعصب و عينيه حمارو جرها عندو حتى دخلها للدار و سطحها مع الحيط
كمال : هاديك اللي كدوي عليها راها شرف منك نتي مجرد عاهرة اللي جا يخويه فيك سيري قو*** من حياتي طلعتي لية في ك***
نازلي بعينين حمرين من الغضب لوات ليه ايديه حتى تطرقات باش شادها و جمعاتها معاه لوجهو برجليها و لاحتو
نازلي:حمار نساني عليك
مشات نازلي و هذا المرة ما بكات ما والو قلبها قصاح من جيهتو دلات راسها بزاف ليه
نازلي : اشنو كيسحاب ليه راسو الكلب لاخور
*****
بارت 15
بقلم كوين

جمعات حوايجها في الصاك و خرجات من لاصال .. في هذا شهر تبدلات بزاف مابقاتش كتسوق لبنادم بدلها كمال بزاااف مكتكرهوش يا ايناما مابقاتش كتبغيه كيف الاول ...
عند الثعلب..
قاعد في بيروه و اسية كتمسد ليه كتافو بحنية ...
الثعبان كيشوف في دوك التصاور و ضحك بسخرية و هز تيلفونو و دوز واحد الخط
الثعلب : بغيتكم تخرجوه من خدمتو
قطع الثعلب كيضحك باستهزاء على هذا اللي تجرأ عليه
اسية : اشنو اللي مضحكك احبيبي
الثعبان :ماشي سوقك
ناض من بلاصتو و هي تهز اسية دوك التصاور و بان ليه شاب وسيم دو عيون سوداء لابس بدلة تاع الشرطة
اسية : شكون دمرتي مرة خرى الثعلب شكون .....
*****
دخلو فرقة مكافحة الارهاب للدار.. كانت فتيحة كتنقي الخضرة هي و عكوزتها حتى شافتهم و غوتات
فتيحة : ااااااااااع
بقاو كيقلبو في جميع البيوتة و يرونو حتى طلعو لفوق بان ليهم ناعس ما جايب خبار كان يوم السبت .. دخلو عليه و قيدوه بالمينوط و هو باغي يتفك ما عرف باش تبلا باقي مدوخ بالنعاس
ليث : طلقو مني واش تسطيتو حماقيتو ...
نزلوها و فتيحة كتغوت مع جدة ليث و كيبكيو... طلعوه في السطافيط و ليث كيغوت كيحس برجولتو تهانت بالطريقة باش تشد .. كلشي الجيران خرجو كيطلو من هذا المصيبة اللي طاحو فيها شي كيتشفا و شي بقا فيه الحال كولا و احساسو .. غوتات فتيحة للي خلقها
فتيحة : ولدييييييييييييي
بارت 16
بقلم كوين

كانت في وسط الحصة حتى تزير عليها قلبها
نازلي: يا ربي اش هادشي
كملات ديك الحصة بزز .. شدات طاكسي مافيها ما تجعوق مع الطوبيس حاسة بشي حاجة خايبة طرات حتى وصلات للدار و بان ليها كلشي مجموع قدام الدار... تزير عليها قلبها و دخلات.. حتى كتلمح العائلة كلها مجموعة من غير ليث ...
نازلي : اش واقع
عمر بحسرى : ولدي داوه انازلي البوليس
نازلي : غيكون شي سوء تفاهم ابابا
فتيحة كضرب فخاضها : ولدي مشات حياتو اربي مشاااات
نازلي بخوف : علاش شنو السبب ؟؟
ايمن غمض عينيه و ماكمل كلامو حتى تهز معاه قلب نازلي
ايمن : تهديد الامن الوطني و المساعدة على الإرهاب
طاحت نازلي على وقفتها اقل حاجة مؤبد و ماخفية اعضم
نازلي كترعد بالخوف: خاص نمشي نمشي نشوف خويا خاص ضروري نعتق خويا ..
ناضت نازلي بلا عقل شدات طاكسي للكوميسارية ... وصلات و هي تمشي لاستقبال كتسول على ليث .. غير ذكرات سميتو تلون وجه الشرطي
الشرطي: سمحي لية ماعندي فاش نعاونك
نازلي نضرا لمعرفتها بالقانون .. عرفات مغايعاونها حد في القضية من غير واحد صاحب خوها صونات ليه كانت عندها نمرتو
نازلي: الووو
صاحب خوها سميتو عماد باسى :راه عرفت اش وقع
نازلي:عاوني عفاك خويا ما يديرهاش
عماد: فينك نتي دابا
نازلي: في الكوميسارية
عماد: نتلاقاو حدا قهوة اللي اونفاص معاها
نازلي : وخااا
خرجات نازلي للقهوة بقات كتسنى حتى جا عماد و سلم عليها و جلسوا
نازلي:عارف شي حاجة على القضية و شنو الدليل اللي شدو عليه