(Unicode)
မင်းမွန်သည် အလုပ်လုပ်နေရင်း ဇာနည့်ကို ချောင်းချောင်းကြည့်နေသည်။ ပထမတော့ ဇာနည်လည်း အမှုမဲ့အမှတ်မဲ့ပေမဲ့ နောက်ကျ သတိထားမိသွားသည်။ မင်းမွန်ကို ကြည့်ရတာ သူ့ဆီမှ အကူအညီတစ်ခုခုလိုချင်နေသည့် ပုံပင်။ အကူအညီက ကြီးပုံရ၍ သူ့အရိပ်အကဲကို အကဲခတ်နေပုံပဲ။
" ဇာနည်.."
" အေး "
အလုပ်ထဲ၌ စကားပြောလျှင် ခေါင်းဆောင်က အသံကျယ်ကြီးဖြင့် ငေါက်တတ်တာကြောင့် မင်းမွန်က သူ့ကို မသိမသာ တိုးတိုးလေးပြောလာသည်။
" မင်း ရည်းစားထားမကြည့်ချင်ဘူးလား။"
" အဆန်းကြီးပါလား ဟျောင့် ၊ မထားပါဘူး၊ ငါ့ပါငါ အေးဆေးနေပါရစေ။ "
" ဟိုနေ့က ရတီစိုး ဆိုရင်ရော။ "
"ဟာ... မင်း ဘာတွေ လာပြောနေတာလဲ။ ငါတို့က ခဏပဲ စကားပြောဖူးတာ။ ရည်းစားဖြစ်ရလောက်တဲ့အထိ ငါလည်း သူ့ကို သဘောမကျဘူး။ သူလည်း ငါ့ကို သဘောကျလာမှာမဟုတ်ဘူး။ "
" သူ သဘောမကျဘူးလို့ မင်းကို ဘယ်သူပြောလဲ။ "
ဇာနည်လည်း ခေါင်းတစ်ချက်ခါပြလိုက်ပြီး ကိုယ့်အလုပ်ကိုသာ အာရုံစိုက်လိုက်တော့သည်။ မင်းမွန်ကတော့ သူ့စကားကို အရေးမစိုက်၍ ရှုံ့မဲ့သွားလေသည်။
မင်းမွန်သည် ထိုမျှဖြင့် မရပ်သေး အလုပ်ဆင်းတော့လည်း သူ့ကို အပူလာကပ်ပြန်သည်။ သူ ရည်းစားထားတာ၊ မထားတာကို အရင်က အဲ့လောက်အရေးမစိုက်ဖူးသူက ထိုသို့ အတင်းကပ်နေလေတော့ အနည်းငယ် ထူးဆန်းသလို ခံစားလာရသည်။
" မင်း ဘာဖြစ်နေတာလဲကွာ။ "
" လုပ်ပါ ဇာနည်ရဲ့။ သူက မင်းကို သဘောကျတယ်တဲ့။ "
" ဒါပေမဲ့ ငါမှ သဘောမကျတာ။"
" မင်း သဘောမကျရင်လည်း ဒီအတိုင်းတွဲလိုက်လေ၊ နောက်တော့ သဘောကျလာမှာပေါ့။ သူက မဆိုးပါဘူးနော်။ "
" မင်းမွန်! မင်း ဘာလို့ ဒီလောက်လိုက်ဖြစ်နေတာလဲကွာ။ "
ဇာနည့်မှာ စိတ်ပေါက်ပေါက်ဖြင့် အော်လိုက်မိတော့သည်။ ထိုအခါ မင်းမွန်လည်း လဒမှိုင် မှိုင်ကျသွားသည်။ သူတို့ အခုရောက်နေတာ သူတို့နေသည့် ခြံရှေ့ဖြစ်သည်။
DU LÄSER
HONEYSUCKLE [Completed]
RomantikAs Long as there is a honeysuckle, we are never far away. 🤍🌿 စိမ်းရယ်...ကျွန်တော် လိမ္မာမှာပါ စိမ္းရယ္...ကြၽန္ေတာ္ လိမၼာမွာပါ fic cv from Pinterest #Crd to owner Start date - Aug 3, 2021 End- Nov 9, 2021