ချင်းယီက စုန်မိသားစုနဲ့ ညိနှိုင်းဆွေးနွေးစရာတွေရှိနေသေးတာကြောင့် လုဟန် တစ်ယောက်တည်း ပြန်ဖို့ ပြင်လိုက်တယ်။လုဟန်ရဲ့ တိုက်ခိုက်ရေးစွမ်းရည်တွေကို မကြာသေးခင်ကမှ မျက်ဝါးထင်ထင်မြင်ထားတာကြောင့် ဘယ်သူမှမတားရဲကြပေ....
အခန်းထဲပြန်ရောက်တာနဲ့ ဖန်ရုံရှီးရဲ့အလောင်းထဲကနေ ထုတ်လာတဲ့ အမြူတေကို သေချာပြန်ကြည့်လိုက်တယ်။လှိုဏ်ဂူထဲက ကုသရေးဖုတ်ကောင်ရဲ့ အမြုတေနဲ့တူသယောင်ရှိပေမယ့် ဒီအမြူတေက ပိုပြီး လုံးဝိုင်းနေတယ်။
အမြူတေသုံးပြီး စွမ်းရည်နိုးထအောင်လုပ်တာနဲ့ သဘာဝအလျှောက် စွမ်းရည်နိုးထလာခြင်းကြောင့်များ အခုလို ကွာခြားနေတာလား???ဘေးအခန်းဆီကနေ အသံတစ်ချို့ကြားတာကြောင့် ချင်းယီပြန်လာပြီထင်ပြီး ချင်းယီဆီသွားဖို့ပြင်လိုက်တယ်။
တံခါးမပိတ်ထားတာကြောင့် ချင်းယီရဲ့အခန်းထဲကို တိုက်ရိုက်ဝင်သွားခဲ့တယ်။
အခန်းထဲမှာ မူဖေးနဲ့ကျန်းစစ်လော့တို့ ရောက်နေကြတယ်။ ဖန်ရုံရှီးရဲ့သတင်းကို ကြားထားပြီးကြပြီထင်တယ်....
လုဟန်ကို မြင်တာနဲ့ ချင်းယီက သူ့ဘေးမှာ လာထိုင်ဖို့ လက်ဟန်ခြေဟန်ပြနေတယ်။
ချင်းယီ..."ဖြစ်ပုံကတော့ အဲ့လိုပဲ....အခုလောလောဆယ်တော့ ဖန်ရုံရှီးရဲ့ဖြစ်စဉ်က်ိုစုံစမ်းနေတုန်းပဲရှိသေးတယ်..အဖြေအတိအကျမပြောနိူင်သေးဘူး..."
မူဖေး အတော်လေးစိတ်ပျက်သွားတယ်။နှစ်ပေါင်းများစွာ စောင့်ရှောက်ခဲ့တဲ့သူက အခုလို အဖြစ်ဆိုးမျိုးနဲ့ အဆုံးသတ်သွားတာကို လက်ခံဖို့ ခက်ခဲနေတယ်....
ကျန်းစစ်လော့က မူဖေးရဲ့ ပုခုံးကို ပုတ်ပြီး နှစ်သိမ့်ပေးနေတယ်...မူဖေးကလဲ ကျန်းစစ်လော့ရဲ့ လက်တွေကို တင်းကြပ်စွာဆုပ်ကိုင်ပြီး နှစ်သိမ့်မှုကိုတောင်းခံနေတယ်။
"ငါနဲ့ အားမူအရင်အောက်ဆင်းနှင့်မယ်..."
ကျန်းစစ်လော့က လုဟန်ကို ခေါင်းတစ်ချက်ညိတ်ပြပြီး မူဖေးကို ခေါ်ထုတ်သွားတယ်။
"စုန်ကွမ်ယုရဲ့ဒဏ်ရာကို ကုပေးနေတုန်း ကူစသက်သွားတယ်လို့ပြောရအောင် ကူစက်နှုန်းက တအားမြန်လွန်းနေတယ်မထင်ဘူးလား??"
YOU ARE READING
How to die as heavy as mount Tai
Adventureဝိညာဉ်သန့်စင်ရေးရာဌာနရဲ့ အလုပ်သင်သစ်လေး Lu heng ရဲ့ တာဝန်ထမ်းဆောင်ခြင်းများ
