بارت 29 الاخير
&
•
•
•
وأنا الذي باتَ الليالي ساهرًا
يرعى النجومَ لعلهُ يلقاكِ
مادامَ قلبي والفؤاد ومُهجتي
أسرى لديكِ فأكرمي أسراكِ
•
•
•
&
.........
( نور )
من يلتقون وسام وعلاء اخلي ايدي على گلبي من الخوف خاصه من حچتلي نهى على علاء من ضرب وسام ..
گمت اخاف يلتقون او يصير بيناتهم حديث احس عبالك بينهم حرب حتى بالنظرات رغم وسام انسان مسالم وينحب بس علاء ماعنده حب لأحد ..
ابد ماانسه وگفات وسام ويايه اجتي ايام يگعد حارس بباب العماره اللي چنت بيها اني واطفالي بس حتى يتطمن علينه ..
ولهذا اله معزه خاصه وامتنان على كل لحظه وگف ويايه وطمني ..
چان جاي هو ويا اوراق تخص الشقه اللي چنت ماخذتها لأن ملك بأسمي مشتريتها كايا وبعد عقد بيني وبين كايا وفلوسي اللي بالبنگ ..
چنه گاعدين بالمكتب احنه ال 3 وعلاء اتنرفز وعصب من شاف الاوراق ..
علاء :- اني ارفضهن كلهن .
باوعتله بـ استغراب :- ليش ؟!
علاء :- مامحتاجه احد يتصدق عليچ .
وسام :- شنو هالحچي شنو صدقه البنيه جابتهم بتعبها .
علاء :- عفواً ياتعب !؟ ليش هي شنو چانت تشتغل مجرد تنطي الألهام لكايا وهذا هم شغل ؟!
وسام :- البنيه انطتهيا من گلبها لأن نور چانت محتاجه .
علاء :- هذه انت گلتها چانت محتاجه وحالياً هي يم رجلها ومامحتاجه شي من احد .
وسام :- وهسه شنو ؟!
علاء :- رجع الاوراق وگوللها نور رفضت تستلم كلشي .
نور :- على اي اساس تحچي بلساني انت اني رايدتهم ماالك حق ترفض بدون ماتاخذ رأيي مااسمحلك تقرر اي قرار عني .
علاء :- ليش انتي محتاجتهم هسه ؟!
نور :- اي محتاجتهم مااريد ابقه بمنيتك ولا اصلاً راح ابقه يمك .
علاء :- اكو وحده تعيش بمنيه ويه رجلها ؟!
نور :- انت واعدتني وره العملية ارجع ويه اهلي ونتطلگ لو خاف مو گد كلمتك .
علاء :- هيچ صارت نور قصدچ ماعندي حچايه ؟؟
نور :- ليش هذا مو وعدك اليه شنو عندك نيه تغير كلامك .
صفن بوجهي شويه وبعدين رد بهدوء ..
علاء :- لا روحي الله ومحمد وعلي وياچ .
