آسميتها جارية فأصبحت سيدة قلبي

بارت 21

بارت 21

&

•

•

•

الحياة قد حطمتني عدة مرات، رأيت أموراً لم أكن أريد أن أراها، عشت الحزن و الفشل، ولكن الشيء المؤكد دائماً، أنني أنهض

•

•

•

&

........
( نور )

طول الزياره احس بتعب وارهاق بس گلبي مرتاح ..

صدگ زيارة اهل البيت راحه نفسيه ..

اكثر مكان چنت رايده ازوره التل الزينبي گعدت هناك واتخيلت منظر السيدة وحيده بدون اهلها بچيت عليها مو على نفسي ..

اني على الاقل رجعت لـ اهلي ويحاولون يرضوني وكلهم حواليني بس هي رجعت وحدها ..

خلصنه الزياره وطلعنه اني وعلي بمطعم ..

نور :- صار شگد مماكله كباب عراقي .

علي :- الف عافيه حبيبتي .

نور :- الله يعافيك .

گاعده انقش واحس مرتاحه بس مابدي ارجع لبيتنه هسه ..

نور :- علي اطلب طلب ؟!

علي :- عيوني الچ .

نور :- مااريد ارجع لبيتنه اريد ابقه هنا .

علي :- منو گالچ ارجعچ لبيتنه اريد اخذچ لمكان حلو .

نور :- صدگ وين ؟!

ابتسم :- مفاجئه .

سكتت عنه بقيت اكل بسرعه حتى اخلص ونطلع متحمسه اشوف وين ياخذني ..

المطعم قريب على الامام العباس طلعنه منه رفعت ايدي ودعت الامام ورحنه نتمشى بـ اتجاه السياره ..

رجعلي الم قوي وگفت بمكاني ماگدرت اتحرك لاحظ وگفتي علي رجعلي بسرعه خايف ..

علي :- شبيچ ؟!

جاوبته بألم :- ماادري علي الم شل جسمي شل مااگدر اتحرك .

سحبني يريد يگعدني على الرصيف ماگدرت صرخت وسديت حلگي اكتم الصرخه ..

علي :- اتحملي گعدي هنا بس اجيب سيارتي واخذچ للمستشفى .

گعدني على القنفه وراح بقيت مدنگه ولازمه بطني ابچي بهدوء من الالم الرايح والجاي يباوع عليه ..

هي دقايق راح بيها علي بس عبالك ساعات بيهن اتمنيت الموت ومااجاني من الألم ..

وگفت سيارته گبالي نزل بسرعه ساعدني اوگف وصعدني بسيارته مددت بالكشن الوره ..

حچيت بألم واني گوه اجر النفس :- علي مااريد مستشفى بس راح انطيك اسم علاج جيبليا الله يخليك .