بارت 8
&
•
•
•
وانه وانت نموت سكته
غالي ومضيعله غالي
الليله بس انت اعله بالي
عزيز عسكر
•
•
•
&
.........
( نور )
گاعد على سرير المستشفى سيلا بحضني وفهد بحضن وسام وكايا كل شويه ماخذه صور النه ..
مي خطيه اجتي من الصبح ساعدتني اسبح وابدل ابد معافتني تروح وترجع ..
يلعب بفهودي عباله يفتهم ..
نور :- تره مايضحك بعده صغير كلشي مايفتهم .
وسام :- حتى لو اتخيله يضحك .
نور :- اسألك سؤال .
وسام :- اجاوبچ جواب .
ابتسمت هاي دائماً كلمة علاء اليه ..
وسام :- ها وين صفنتي !!.
نور :- هنا ماصفنت ردت اسألك شلون جبت الاوراق من علاء ؟!
وسام :- اني اگلچ يامحفوظة السلامة .
(( بعد مادخلتي لصالة الولادة واتطمنت عليچ ولدتي هذا الگمر وهذيچ الخايسه اني رحت گبل لأمي ..
لگيتها گاعده شاده راسها وصافنه ..
وسام :- ها يمه شلونچ ؟!
باوعتلي ودارت وجها عني بدون ماترد زعلانه مني عبالها بسببي طلعتي من البيت لو اني طاردچ ..
وسام :- يمه عندي موضوع وياچ .
ام احمد :- ماعندي مواضيع وياك اني .
وسام :- يخص قمر .
باوعتلي بلهفه :- شبيها خوما بيها شي هي وين ؟!
وسام :- اهدي خلي احچيلچ .
ام احمد :- اي يمه احچي .
وسام :- بيوم اللي اجه علاء على العزيمه لاحظت خوفها وتوترها من عدنه وثاني يوم حاولت تتصرف طبيعي بحكم خبرتي عرفتها تمثل علينه لحگتها للحديقه وگفت بمكان متلاحظني بي وسمعت خطتها هي وهاي المصرية وسمعتها تدور على عنوان وحده اسمها كايا حفظت العنوان وعرفت الوقت اللي تطلع بي ..
ام احمد :- منين هاي كايا ؟!
وسام :- وحده مصممه ماال ازياء فد وحده وقحه يمه لسانها اطول منها .
ام احمد :- على اساس انت مقصر المهم هسه قمر وين ؟!
وسام :- رحت وره ماطلعت بساعتين راقبتهم راحو لفندق بعدين رجعو لنفس العنوان نزلت نور هي واللي وياها .
ام احمد :- شمدريك اسمها نور ؟!
وسام :- كلشي اعرف المهم خلي اكملچ دخلت نور ماطولت 10 دقايق ونزلوها تصرخ ولازمه بطنها ..
