بارت 24
&
•
•
•
وإن خانتك إختياراتك فلن يخُونك!!
لُطف الله ولن يخذلك إنقاذه.🦋❤️
•
•
•
&
.........
( نور )
فتحت عيوني ببطئ استغربت المكان اللي نايمه بي اتلفتت شفت نفسي نايمه بالغرفه ..
اطفالي ماكو معناها وره ماغفيت جابني هنا ..
گمت للحمام غسلت وجهي وطلعت بدلت ملابسي بشي مريح لأن نايمه بالفستان ..
طلعت من الغرفه لگيته گاعد ومخلي فهودي بحضنه وگباله سيلا يريگهم ..
رفع راسه باوعلي بـ ابتسامه حزينه :- صباح الورد .
رديت بهدوء :- صباح النور .
رجع يوكل بالاطفال واني اراقب حركاته ..
احسه حزين مدري لأن عرفت قصته گمت اشوفه حزين ..
حيل كسر گلبي لعد شگد كاتم بگلبه طول هاي الفتره وهو فاقد زوجة وطفله وشافهن محروگات ..
رفع راسه مره ثانيه عليه شافني واگفه بمكاني ..
عقد حاجبه :- شبيچ ؟!
هزيت راسي برفض واتقربت منهم :- مابيه شي .
سحبت كرسي وگعدت بصف سيلا اتريگ ..
حچه وهو يخلي لگمه بحلگ سيلا :- خلصي اكل وحظري الجهال وتحظري بعد ساعتين لطيارتنه .
نور :- بعد هواي شعدنه مستعجلين .
علاء :- يعني انتي ماتعرفين اجراءات مطار بغداد ؟!
نور :- بس اول مره من سافرنه بسهولة .
علاء :- اي جواز دبلماسي وبدون تفتيش عبرنه .
نور :- اني جوازي مو دبلماسي .
علاء :- اني زورتلچ واحد .
يحچيها بسهوله كأنما شي عادي وطبيعي التزوير ..
نور :- هسه اثبتتلي انت مجرم .
علاء :- يعني لازم مجرم يلا اگدر اسوي هيچ ؟!
نور :- طبعاً واني اخاف على نفسي وعلى اطفالي شلون ابقه ويه واحد مجرم .
رد بعدم مبالاة :- اذا تردين وره العملية رجعي ل اهلچ .
نور :- والله تخليني ارجع ؟
رفع راسه باوعلي بنظره ماعرفت افسرها :- مااگدر اجبرچ اكثر .
نور :- تمام لعد لا تنسى وعدك .
علاء بهدوء :- لتخافين ماانسى .
