بارت 9
&
•
•
•
هَـب الحَنين
أنـتَ وَينـك ؟
لا قَريب و نِـ؏ـتنيلَك
لا تِجي و نِلمحَها ؏ِـينك
راح نِمشي
و لأن ماڪو أنـتَ بَعد إلـمن نِدوم ؟
هيَ ظَـلت ذِڪرياتَـك
و أنتَ
و شويّه سوالِف
و أنتَ وَينك ؟
فاڪدينَك .
•
•
•
&
..........
( نور )
احس الم مو طبيعي بصدري خليت ايدي عليه احاول ابرد نار گلبي على ابني ..
رفعت راسي للسماء ماالي غير رب العالمين سألته سؤال مااعرف شلون اجه لعقلي ..
معقوله امي تخاف عليه مثل مااخاف على اطفالي معقولة من اتأذه هي تتأذه مثلي ..
شو احس الم بگلبي واني اتخيلهم فاتحين گلب فهد ..
عقلي انقسم نصين قسم يفكر بفهد وقسم ب سيلا اللي عفتها وماادري بيها نايمه گاعده ..
مااريد اصير مثل اهلي اضحي ببنتي علمود ابني ..
التفتت على وسام للمره الالف :- وسام خابر كايا .
وسام :- ياعيني كل خمس دقايق مخابرها ومتطمنه على سيلا .
نور :- شبيك انطيك فلوس الرصيد بس خابرها لتذلني .
وسام :- مااذلچ ياعيني بس اني علمودچ لأن گاعده بقلق .
طلع تلفونه من جيبه واتصل بـ كايا هالايام متعلمه كلمه جديده مني بالعراقي ومچلبه بيها بدون متعرف معناها اول ماردت على وسام گالت .
كايا :- وجع .
نور :- كيف حال سيلا ؟!
كايا :-اووه عزيزتي رائعه انها نائمه .
نور :- انظري الى وجهها ارجوكِ هل هو ازرق .
كايا :- لااا انه جميل كالقطن .
نور :- هل بكت ؟!
كايا :- لا ابداً .
نور :- حسناً ابقي قريبه من هاتفكِ وانتبهي لها ارجوكِ .
سديته منها والتفتت على خالتي ام احمد ..
نور :- شو تأخرو ؟!
ام احمد :- گولي ياالله حبيبتي وادعيله يطلع بسلامه .
نور :- يمه راح اموت خوف گلبي شاب نار على ابني بعد ماعندي صبر .
سحبتني لحضنها عبالك چنت محتاجه احد يحضني ..
بچيت بحرگه وحسره على حالي وحال اطفالي ..
ليش ماعدهم حظ مثل امهم ..
فهودي روحي صارت بي عبالك گلبي حس راح يصير بي شي ..
