ဗညားအခန်းတံခါးကိုဖွင့်ဖွင့်ချင်း သူတို့အခန်းထဲမှာထိုင်နေတဲ့မော်ကွန်းကိုတွေ့လိုက်ရသည်။သူ့အခန်းမှာသူသွားမနေပဲ သူများအခန်းမှာပိုင်စိုးပိုင်နင်း ကုတင်ပေါ်တက်ပြီးတော့ဖုန်းကလိနေသည်။စိုင်းကတော့မော်ကွန်းကိုမြင်တော့ တစ်ဖက်အခန်းကခွန်းဆီသွားလိုက်ဦးမယ်ဆိုပြီးတော့ထွက်သွားသည်။
မြင်လား သူညစာငတ်တော့မယ်။မော်ကွန်းခြွေ ကောင်းကျိုးမပေးတဲ့ကောင်။
"မော်ကွန်းခြွေ"
သူချိုသာမနေတဲ့အသံနဲ့ခေါ်လိုက်တော့ သူ့ကိုလှည့်ကြည့်လာသည်။
"ဘာလဲ ကိုယ့်အချစ်ကကိုယ့်ကိုတွေ့တော့ပျော်သွားတာလား"
"−ီးကိုပျော် မင်းအခန်းမင်းသွားကွာ ငါ့အခန်းထဲကိုဘာလာရှုပ်တာလဲ"
"အခုတော့နှင်ထုတ်နေပြီပေါ့ စိတ်မကောင်းပါဘူး ငါမသွားချင်ဘူး"
"မင်းဘယ်လိုဖြစ်နေတာလဲ မင်းပဲတွေ့ရအောင်လုပ်ပေးဆိုလို့ငါတို့ဒီိကိုရောက်လာတာလေ မင်းဟာလေးဆီကိုမင်းသွားပါလား"
"သူနဲ့ငါနဲ့ရန်ဖြစ်ထားတယ်"
ဗညားရေစိုနေတဲ့ခေါင်းကဆံပင်တွေကိုပဲပြန်ပြီးဖွလိုက်သည်။ ရန်တောင်ဖြစ်ထားသေးသတဲ့။
"ရန်ဖြစ်ထားတယ် ဘာလို့ရန်ဖြစ်တာလဲ မင်းနဲ့ရောဟိုဟာကအဆင်ပြေပြီလား"
"သူကငါ့ကောင်လေးတော့ဖြစ်သွားပြီ"
"ဒါဆိုကိုယ့်အခန်းကိုပြန်သွားပြီးတော့ အဆင့်တွေတက်တော့လေ သွား သွား"
"ဗညားမင်းဘယ်လိုဖြစ်နေတာလဲ မဟုတ်မှလွဲရော မင်းစိုင်းကိုတစ်ခုခုမဟုတ်တာလုပ်ဖို့ငါ့ကိုနှင်ထုတ်နေတာမလား"
ဗညားမတ်တပ်ရပ်နေတာညောင်းလာလို့ပဲကုတင်စွန်းမှာဝင်ထိုင်လိုက်ပြီး လည်ပင်းမှာပတ်ထားတဲ့သဘက်နဲ့ရိုက်လိုက်သည်။
"အား နာတယ်ကွ"
"သိရင်လည်းအလိုက်တသိထွက်သွားတော့ မင်းရန်ဖြစ်ထားတာနဲ့အဲလိုငါ့ဆီကိုပဲလာနေတော့မှာလား ငါ့ကိုပဲယူလိုက်တော့မှာလား"
STAI LEGGENDO
ID-entity (Completed)
Storie d'amoreA romantic love story with no drama! မယုံကြည်ဘူးလို့ပြောတဲ့အခါမြှားနတ်မောင်ကရယ်တယ် ရူးမိုက်ရတာမကြိုက်တဲ့သူကိုမှ အငြှိုးနဲ့ပေးတဲ့သင်ခန်းစာဟာ ရူးရူးမိုက်မိုက်ပါပဲ အမည်နာမတစ်ခုက ကိုယ့်ကမ္ဘာဖြစ်လာတဲ့အခါ နေခြည်တွေဟာသူပြုံးမှနွေးတဲ့အကြောင်း.. Publish dat...
