"ခွန်းကကျွန်တော်နဲ့ SIRO လိုက်ခဲ့လိုက်ပါ "
"ဟုတ်ကဲ့"
အီလည်လည်မျက်နှာပေးနဲ့ရပ်နေသူကသူ့ကိုအခုထိကျေနပ်သေးဟန်မတူ။product အကြောင်းကိုဂဃနနသိဖို့၊အားသာချက်တွေ အားနည်းချက်တွေ အစရှိတာတွေသိဖို့လိုတာကြောင့် မော်ကွန်းခေါ်တာကိုသူငြင်းချင်ရင်တောင် ငြင်းလို့မရ။နောက်မကြာ လပ်တော့ပ်ထည့်ထားဟန်တူတဲ့ Cross Bag နဲ့သူ့နားကိုပြန်ပြီးရောက်ချလာသည်။သူအဆင်သင့်ဖြစ်လို့သွားချင်ရင်သွားလို့ရပါပြီဆိုတဲ့သဘော။သူ့ဘေးနားကစူပုတ်ပုတ်ဖြစ်နေတဲ့ကောင်လေးကိုပဲကျော်ပြီး ကားဆီကိုလျှောက်လာလိုက်သည်။ ပြုံးနေမိတာကိုတော့သတိမထားမိ။
"ကျွန်တော့်ကို stalk နေတာတော့မဟုတ်ဖူးမလား"
သောက်လက်စရေကိုမျိုချပြီးလို့သာ သီးမသွားခြင်း။ ဘာတဲ့။ Stalk နေတာ ဘယ်သူကဘယ်သူ့ကိုလဲ။
"ငါကမင်းကို stalk နေတာလို့ပြောချင်တာလား"
သူ့ကိုကျော်ပြီးကားပေါ်တက်တော့မဲ့လူရဲ့လက်ကိုဆွဲထားလိုက်သည်။
"မဟုတ်ရင် မဟုတ်ဘူးပေါ့ ကျွန်တော့်ကိုလာမထိနဲ့"
အော်ဟော သူကပဲတင်တင်စီးစီး။ရတယ်လေ။
ကားတံခါးကို ဆောင့်ပိတ်လိုက်တော့ ကိုမျိုးရော ဒရိုင်ဘာကပါသူ့ကိုကြည့်လာသည်။သူ့မျက်နှာတည်တင်းနေတော့ကြည့်ရုံလွဲဘာမှမပြောရဲကြ။နောက်ခန်းက သူ့ဘေးမှာဟိုကောင်လေးကထိုင်နေ၏။
နောက်ကားပေါ်ကရေဒီယိုသံက ငြိမ့်ငြိမ့်ညောင်းညောင်းစိုင်းထီးဆိုင်သီချင်းပျံ့လွင့်နေသည်။ဟိုကောင်လေးကိုကြည့်တော့ကားမှန်ကိုငေးပြီး ပါးစပ်ကတလှုပ်လှုပ်။ဘာလဲသီချင်းလိုက်ဆိုနေတာလား။
"ကိုမျိုး သီချင်းကိုပိတ်လိုက်ပါ နားငြီးတယ်"
"ဗျာ ဟုတ် ဟုတ်ကဲ့"
ကားမှန်ကနေတဆင့်အပြင်ကိုကြည့်နေလျက်ပဲ သူအသံတိတ်ဆဲလိုက်သည်။ သူလိုက်ဆိုနေမှန်းသိလို့သက်သက်မဲ့ပိတ်ခိုင်းတာ။ကားပေါ်မှာ ခြေထောက်နှစ်ချောင်းကို ဘဝင်လေဟပ်တဲ့ပုံစံနဲ့ ချိတ်ထိုင်နေပုံကအစ ။ ကျက်သရေကိုမရှိဘူး။
YOU ARE READING
ID-entity (Completed)
RomanceA romantic love story with no drama! မယုံကြည်ဘူးလို့ပြောတဲ့အခါမြှားနတ်မောင်ကရယ်တယ် ရူးမိုက်ရတာမကြိုက်တဲ့သူကိုမှ အငြှိုးနဲ့ပေးတဲ့သင်ခန်းစာဟာ ရူးရူးမိုက်မိုက်ပါပဲ အမည်နာမတစ်ခုက ကိုယ့်ကမ္ဘာဖြစ်လာတဲ့အခါ နေခြည်တွေဟာသူပြုံးမှနွေးတဲ့အကြောင်း.. Publish dat...
