اشوف امي مفرفحه عليه تحتار شتسويله تعدل المخاد جوه راسه لو تمسح على وجهه مامصدگه رجع الها ..
غدير :- محمد شگال الدكتور عفيه .
محمد :- كله من هذا العلاج يگول ذبو بالزباله على اي اساس تنطوهيا .
غدير :- عززه والله توقعت لأن من اخذه وره شويه انگلبت معدته .
بيبي روعه :- چا اذا انتي هيچ فهيمه چان بدال مانصرف وناخذه للمستشفى نخليچ انتي تعالجي .
اهووو بيبي دومها مفشلتني ومضحكتهم عليه صريحه بزياده الله يسلمها ..
ام علي :- عفيه وشنو شگال الدكتور بعد على وضعه ؟!
محمد :- يگول بس هالشهر وراها مبلش ويا علاج طبيعي علمود يرجع يمشي ويحرك ايده .
بيبي روعه :- شيسووله يعني ؟!
غدير :- بيبي اجهزه خاصه يحركون ايده بيها ورجله وبعدين يلزمونه ويمشو بيها بمراكز .
بيبي روعه :- چا انتو ليش تاخذو لمراكز مو اگللكم هاي غديره فهيمه وتعالجه .
غدير :- اهووو بيبي والله بعد مااگولچ شي كله تفشليني .
بيبي روعه :- اشاقيچ ياصخله بسرعه تطنگرين .
گعدت على جهه ضايجه لاحظت بيبي تحاول تطردنه من ابويه كل شويه وگالت گومو دوختو كافي ..
تمددت على القنفه عد راس ابويه وسويت نفسي نايمه واحاول مااغفه صدگ حتى اسمع بيبي وبابا شنو يحچون ..
شگد انتظرت اخر شي صدگ غفيت .
.............
( نور )
گاعده بالحديقه هالمره طالعه وحدي مبتسمه واني امسح على بطني واسولف ويه طفلي ..
نور :- اجيبلك ازرق اموت على هذا اللون واذا طلعت تشبهني يصير عليك حلو بكيفي لتگول مغروره واذا بنيه هم اجيبلچ ازرق بس كون ماتطلع تشبه ابوك كون بس تشبهني .
وسام :- اي حتى يطلع صاك .
التفتت بفزع :- خوفتني شبيك .
وسام :- اسف مو قصدي .
نور :- من شوكت انت هنا ؟!
وسام :- توني اجيت .
اجه گعد على المسطبه ويايه بس بعيد عني يعني بيني وبينه مسافه يگعدون بيها اثنين اشخاص .
وسام :- اكو سؤال بنفسي اسأله الچ .
نور :- تفضل .
وسام :- شنو اتفضل عازمتني على اكل .
نور :- اي تفضل اسأل لعد شگول .
وسام :- على كيفچ تعاي اخذيلچ راجدي .
نور :- تسأل لو تگوم ؟!
وسام :- ها يعني اني اگوم هاي طرده .
بارت 4
ابدأ من البداية
