ATOMIC

Chapter 11: Free Space

Chapter 11: Free Space

May mga estudyanteng nagkumpulan sa parking palibot nung bagong pula na SUV. “Hoy di ka pwede pumarada diyan” sigaw nung isang lalake. Bumukas yung bintana, napanganga at napaatras yung lalake nang makita si Jay. “Uy Jay…wow bago ah” sabi nung lalake.

“Oo nga e, regalo ng papa ko” sabi ni Jay na lumabas ng kotse. Lumapit yung ibang lalake at sinilip yung loob. “Ganda ah” sabi ng isang lalake kaya napangiti si Jay. “Uy paki tingin tingin naman o” pakiusap ni Jay. “Oo naman my friend, nakakapaglaway tapos pulang pula” biro nung isa kaya nagtawanan sila.

Nagpaalam na si Jay at nagtungo na siya sa tambayan nila. Buo na ang barkada niya doon kaya nagmadali siyang naupo sabay ngumiti. “Parang may bago ah” sabi ni Jenny. “Dumating na daddy ko” sabi ni Jay. “Ows? Dumating na si tito?” tanong ni Bryan.

“Oo surprise attack, sa weekend pala invited kayo sa bahay” sabi ni Jay. “Wow magdidiet ako kasi alam ko madami nanaman makakain don” sabi ni Paulette. “Kain? Wala ako sinabing kainan. Invited kayo maglinis ng bahay. General cleaning” banat ni Jay kaya nagtawanan yung iba habang si Paulette nagtaas ng kilay.

“Saan na yung chocolates namin?” tanong ni Vivian. “Sorry talaga kasi nahihiya naman ako magbungkal sa mga box. Di pa niya kasi nilalabas e. Pero kilala niyo naman daddy ko meron at meron kayo don” sabi ni Jay. “Okay lang no, the wait is worth it” pacute ni Jenny.

“So ano naman ihahanda niyo sa Sabado?” tanong ni Paulette. “Ang kulit mo talaga, general cleaning lang” sabi ni Jay. “Weh, lagi naman basta umuuwi dad mo may kainan e” sabi ni Paulette. “Hoy wag mo uulitin yung joke mo last time” banta ni Vivian kaya tumawa nalang si Jay. May malakas na tone mula sa bulsa ni Jay kaya nilabas niya phone niya.

Nakita ng lahat yung paglaki ng mga mata ng binata kaya yung mag girls agad tumabi sa kanya. “She accepted my friend request” bigkas ni Jay sa tuwa. “Wow finally! We are so proud of you” sabi ni Paulette. “Dali dali open mo na yung FB app, tignan mo na profile niya” sabi ni Vivian.

“Naman, wag na. Sapat na yung natanggap kong alert sa e-mail” sabi ni Jay. “Sige na, tignan mo na” udyok ni Paulette kaya inopen ni Jay yung Facebook app niya pero nagloko ito. “Bakit ayaw?” tanong ng binata kaya nag open din si Stephen ng kanya. “Oo nga down ata” sabi niya.

“Well at least alam ko she accepted it already” sabi ni Jay. “Try mo sa browser, baka nagloloko lang yung app” sabi ni Jenny. Inopen ni Jay yung browser sabay nag log in sa Facebook. Inopen niya yung profile ni Leilani at agad siyang nanlambot.

Mga girls nagtakip ng kanilang mag bibig kaya yung mga nobyo nila nagtataka na. “Ano?” tanong ni Bryan, di makakibo ang mga girls, si Jay niyuko niya ulo niya kaya inagaw ni Ronald phone niya. Nagkumpulan yung tatlong boys, pati sila napanganga nalang sa kanilang nakita.

Napabuntong hininga si Jay, hinaplos na ni Paulette likod niya. “Jay you okay?” tanong ni Jenny. “Sorry pare no one knew” sabi ni Bryan. “In a relationship with Harry Chua” bulong ni Jay sabay inayos salamin niya.

“Sino ba kasi tong…” bigkas ni Bryan pero inagaw ni Jay phone niya. “Hayaan na natin. Private life niya yan” sabi niya. “Pero Jay…no one knew. Maski ako di ko alam. If I new sana pinagsabihan na kita” sabi ni Vivian. “She should have told you” sabi ni Stephen.