الجزء الثاني والأخير
مقدرتش اتحمل أكتر من كده محسيتش بنفسي إلا وأنا بجيبها من شعرها وبضرب فيها وأنا بزعق :
-آه يا خطافة الرجالة... بتستغلي الفرصة..
شديتها من شعرها لحد ما اتقطع في ايدي....
قوموني اهلها من عليها فزعقت وأنا بكلم إياد:
-إياد أنت جوزي والله... دوول بيكدبوا عليك... إياد ابوس ايديك افتكرني... إياد
-اطلبولها البوليس النصابة دي
-إياد إياد أنا مريم مراتك متخلوهمش ياخدوني... إياد ابوس ايديك ساعدني
كنت ببكي بحرقه قدامه وهو كان بيبصلي بصدمة وكأنه مش مصدق.
-سيبوها
قال بصوت عالي.
قربت نورا منه وقالت :
-يا حبيبي دي خدامة... حبت تعمل الشويتين دوول عشان رفضت ازودلها مرتبها... أنت متعرفش الخدامين دوول جشعين وبيتعاملوا ازاي...
اتدخل أبوها وقال بتوتر :
-خلاص متقلقوش يا ولاد أنا بلغت البوليس...
قعدت أبكي وأنا ببص لإياد وبترجاه بعيني أنه يفتكرني بس هو فضل يبصلي بصدمة...
...
بعد شوية
جه البوليس واخدني وأنا ببكي وسط ابتسامة نورا الخبيثة...
.....
كنت في الزنزانة ببكي وأنا بفتكر ذكرياتي مع إياد... فجأة دخل الحارس ونادي بإسمي وقال أن حد دفعلي الكفالة.... جالي أمل أن إياد هو اللي دفعلي الكفالة... طلعت ولقيتها رضوي.... حضنتها وأنا ببكي وبقول :
-خديني من هنا أبوس ايديكي
......
-خلاص كفاية يا مريم هتموتي نفسك من العياط
-خلاص يا رضوي هيتجوزها... أنا انتهيت
مسكت رضوي أيدي وقالت :
-لا ما انتهاش ولا حاجة... انتي في إيدك ترجعيه -ازاي؟!!!
-مريم انتي مراته يعني عندكم ذكريات كتيرة تقدري تفكريه... كلميه عن ذكرياتكم
-بس الدكتور قالي كده غلط عليه
-لا طبعا ازاي يقولك كده.
لسه مريم هترد بس فهمت هو ليه قال كده... أكيد نورا اتفقت معاه
ابتسمت مريم بأمل وقالت :
-أنا عرفت هعمل ايه.
......
-انتي متأكدة من اللي هتعمليه يا مريم!
-دي الطريقة الوحيدة.
....
قدرت ادخل بيت عيلة نورا في زحمة كتب الكتاب... كانوا عاملين حفلة قبل كتب الكتاب وطلبوا خادمات كتير وانا دخلت وسطهم.....
كنت متنكرة طبعا في شكل ست كبيرة... شوفت إياد من بعيد قاعد جمب نورا وبيضحك... ودي كانت فرصتي الوحيدة... طلعت علي الاستيج ومسكت المايك من اللي بيغني بالعافية وبدأت أغني اغنيتي المفضلة أنا وإياد
سألتك حبيبي لوين رايحين؟
خلينا خلينا وتسبقنا سنين
سألتك حبيبي لوين رايحين؟
خلينا خلينا وتسبقنا سنين
إذا كنا ع طول، التقينا ع طول
ليش منتلفت خايفين؟
أنا كل ما بشوفك، كأني بشوفك لأول مرة حبيبي
أنا كل ما تودعنا، كإن تودعنا لآخر مرة حبيبي
أنا كل ما بشوفك، كأني بشوفك لأول مرة حبيبي
أنا كل ما تودعنا، كإن تودعنا لآخر مرة حبيبي
قلي، إحكيلي نحنا مين وليش منتلفت خايفين؟
قلي، إحكيلي نحنا مين وليش منتلفت خايفين؟
ومن مين خايفين؟
من مين، آه
فتحت عيني ودموعي نزلت لما خلصت الأغنية ولقيت أياد بيقرب مني... عينيه كانت مدمعة مد ايده وشال الباروكة المزيفة....
-أنت افتكرتني
قلت وأنا بعيط
هز رأسه وقال :
-أسف عشان خليتك تعيشي كل ده سامحيني يا مريم.... سامحيني..
حضنته جامد وأنا بعيط وفجأة سمعنا نورا بتزعق وتقول :
-إياد أنت بتعمل ايه النهاردة كتب كتابنا.
أبتسم ببرود وقال :
-اعتبريني طلقتك قبل ما أكتب عليك بعدين شدني من أيدي وطلعنا ورحنا بيتنا.
....
بعديها بفترة إياد عمل حفلة علي شرفي
-تسمحيلي بالرقصة دي يا مريمتي
قالها إياد قدام كل المدعويين... مسكت ايده وخدني في النص وقعدنا نرقص أنا وهو.. همسلي في ودني وقال :
-قولتلك قبل كده أنك حبي الوحيد
ضحكت وانا بقول :
-وأنت حبي الوحيد ❤
تمت
#حبي_الوحيد
#سولييه_نصار
وبكده يكون خلص الاسكريبت نلتقي في سكريبت جديد بإسم روان
