فكرت للحظات في طعنه والانتهاء من الأمر ولكنها فشلت ...قلبها منعها بدلا من ذلك تظاهرت انها قد اصطدمت بحافة المنضدة ...
نور :اه يا رجلي
حسام :ايه حصل؟! نظر إليها وقد انتابه الشك ولكن لم يظهر عليه بدلا من ذلك ساعدها حتي تجلس علي الكرسي وهو يمسك كفها برقة ويقول بدبلوماسية:
- نور انتي بطلتي تاخدي علاجك صح ؟
توترت قليلا وقالت :
- لا....باخده
هز رأسه بيأس وقال :نور متكدبيش عليا انت بتاخدي الدوا ولا لا
اطرقت صامتة ليهز رأسه بيأس ويقول :
-احنا مش اتفقنا انه عشان تخفي تكملي كورس العلاج ....عايزاني ارجعك المستشفي تاني !!حرام عليكي يا نور ليه بتهدي اللي بنيته !
امسكت نور كفه وهي تقول بندم: آخر مرة يا حسام هلتزم بالعلاج بس فيه مشكلة
حسام:خطفتي حد صح ...طيب مش مشكلة انا هخرجه دلوقتي وهحاول اخليه ميبلغش عنك
نور:لا ما هو بصراحة
حسام :فيه ايه يا نور
نور :بصراحة كده انا قتلته
حسام بصدمة : نعم يا اختي قتلتيه ازاي حرام عليكي....
نهض وهو يضرب علي رأسه بمأساه قائلا:
هنعمل ايه دلوقتي روحنا في داهية يا نور ...روحنا في داهية
نور بحزن :انت هتبلغ عليا صح يا حسام
نظر إليها حسام بحزن وقال :هو ده الحل الوحيد يا نور ...متقلقيش هجيب الاوراق اللي تثبت انك مريضة نفسيا .
امسكت كفه وهي تقول بتوسل :
- لا يا حسام ابوس ايديك شوف حل تاني انا لا حابة اروح السجن ولا حابة اروح المصحة!
حسام :اومال هنعمل ايه ؟
نور :نخبي الجثة يا حسام ودي آخر مرة اعملها وعد
حسام برعب:انا مش كده يا نور ....مستحيل اقبل بكدة انا مش هداري علي جريمة !انتي قتلتي انسان
نور بحقد :عشان ميستحقش يعيش ...عشان خاين زيه زي عمر كان هيخون مراته .
حسام :وانتي مين عشان تعاقبي الناس ...مين قالك تعاقبيهم...فاكرة نفسك ربنا عشان تعاقبي الناس
نور :لا طبعا استغفر الله يا حسام بس
حسام:مبسش يا نور مش من حقك تعاقبي حد خليكي في افعالك انت مسئولة عن نفسك مش التانين .اطرقت بحزن بينما اخرج حسام هاتفه واتصل بالشرطة.
وبعدها كان كل شئ يمشي في سيره الصحيح ...تم إيداع نور مرة اخري في المشفي واشرف عليها حسام وقد اكتشف ان ما زالت خيانة زوجها تؤثر بها لذلك تعامل معاها وبعد وقت طويل أيقن أن شفائها صعب لذلك استمع لكلام والدته وتزوج بقريبته ...بينما بقت نور بالمشفي لفترة طويلة!
........
في يوم ما .
دخلت الممرضة علي حسام وأخبرته بهلع ان نور هربت !
.........
في ملهي ليلي .
وقفت هي بجوار البار ترتدي ملابس مكشوفة ووجهها مغطي بالمكياج....اقترب منها رجل اربعيني وقال :تحبي اطلبلك حاجة يا قمر
ابتسمت نور وقالت ناظرة الي كفه :هو انت متجوز
قال الرجل :ايوة متجوز واحدة حلوة وبحبها بس نكدية بعيد عنك ....ده هيعملك مشكلة
ابتسمت نور بغموض :لا طبعا يا بيبي ده افضل بكتير ...بس ايه رايك انا اعزمك علي درينك في بيتي ده هيوفر لينا خصوصية اكتر.
الرجل :تمام نروح .
........
بعد ساعتين
فتح الرجل عينيه بتشويش وقد أيقن انه معلق رأسا علي عقب....نظر ليجد نور واقفة بركن الغرفة تمسك سكين وترتدي قفازات وملابس سوداء
الرجل بصراخ :ايه اللي انتي بتعمليه ده ؟
اقتربت نور وضربته علي قلبه مباشرة وقالت :اصل انا مقولتلكش ....انا بكره الخاينين
تمت
#احببت_قاتلة
بقلمي سولييه
