سكريبت❤
-مش هتجوزها ده مستحيل.
-يا سيف يا ابني.
وشه أحمر وقطع كلام أبوه وهو بيزعق :
-دي مرات اخويا عارف يعني ايه مرات أخويا
-ارملته
-وده عذر يعني عشان اتجوزها...
-أنت عايز حفيدي يتربي بعيد عني.... افرض بسمة قررت تتجوز تاني... اسيب حفيدي يتربي في بيت واحد غريب... أنت أولي بيه
-أولي بيها ازاي مفكرتش في نهي... أنا متجوز وبحب مراتي ازاي عايز تدمر حياتي بالشكل ده.... عايز تخرب بيتي.... عايز نهي تسيبني.
بصله ببرود وقال :
-لو بتحبك هتقبل وهتتحمل.
-حضرتك عارف بتقول ايه عايزني أقول لمراتي إني هتجوز عليها ومفروض تتقبل ده... أنا مستحيل اجرحها كده.
مسك أبوه ايده وقال :
-سيف بسمة عايز تسيب بيتنا وتروح بيت أهلها وأنا مقدرش امنعها والبنت صغيرة وحلوة واكيد هتلفت نظر حد وممكن تتجوز كمان وساعتها حفيدي هيتربي بعيد عني .... بسمة لازم تفضل هنا معانا عشان حسام حفيدي يتربي معايا... ده اللي اتبقالي من صالح أخوك يا سيف... ابوس ايديك وافق... مقدرش ابعد عن حسام كفاية صالح راح مني.
............
-كنت قاعدة في اوضتي في بيت حمايا بحضر هدومي أنا وابني عشان نمشي.... جوزي مات من سنة وسابني لوحدي بس ساب أجمل ذكري ليه وهي حسام ابني اللي عنده خمس سنين... لسه بفتكر يوم موته كان أسوء يوم في حياتي... حسيت أن الحياة بقت سودة في وشي حسيت إني وحيدة وغريبة عن البيت ده.... لولا أن حمايا وحماتي اترجوني اقعد عشان حسام يتربي وسطهم كنت روحت بيت أهلي... بس كفاية كده أنا لازم ارجع بيت أهلي.... مليش حد هنا عشان اقعد عشانه.
دخل حمايا وحماتي الأوضة وطلبوا يتكلموا معايا
.......
-طلقني بقولك طلقني
صرخت نهي في وشه وفتحت الدولاب وهي بتلم هدومها.. مسك سيف ايدها وقال :
-نهي اسمعيني بس
-اسمع ايه قولي اسمع ايه قولي عايز تتجوز عليا يا سيف... وارملة اخوك.... بعد كل اللي عملته عشانك.... بعد وقفتي معاك... أنا وقفت قدام اهلي عشانك.... ليه تكسرني بالشكل ده.
-عشان حسام وأبويا... ابويا عايز حسام يتربي وسطنا
-وابوك مفكرش في بنتك ميار ليه لما تشوف أبوها متجوز علي أمها.... طلقني يا سيف واتجوز براحتك بس ابوس ايديك طلقني.
مسك سيف ايديها وقال بصدق:
-أنا بحبك يا نهي أنت الوحيدة اللي في قلبي جوازي من بسمة هيكون صوري بس أنا عمري ما ابصلها أو أحبها... بس مقدرش أشوف بابا بالحالة دي وارفض.... موت صالح دمر ابويا ولو حسام بعد عنه هيتدمر أكتر.
هديت نهي شوية ودموعها نزلت.. مسح دموعها وكمل :
-انتي الوحيدة اللي هتكوني في قلبي للأبد.. وعد يا نهي بسمة مهما حصل هتبقي مرات أخويا وعمري ما هبصلها.
........
-مستحيل انتوا بتقولوا ايه! انتوا عايزني ادمر بيت بحالة.... أكسر قلب ست زي واخد جوزها منها.
حماها:ده الحل الوحيد... أنا مستحيل ابعد عن حفيدي حسام... الحل الوحيد عشان تبقي معانا تتجوزي سيف... انتي مش هتبعديني عن حفيدي.... لازم تتجوزي سيف
-ولو رفضت
-يبقي هتطلعي من هنا من غير حسام أنا هعمل المستحيل عشان خاطر حسام!
......
بعد أسبوع
بعد كتب كتابي أنا وسيف كنت قاعدة في اوضتي أنا وصالح مش مصدقة إني اتجوزت أخوه... اتجوزت حد تاني غير صالح.... مش مصدقة أن حد تاني يلمسني غير صالح الله يسامحك يا حمايا دمرت حياتي... حسيت بالباب بيتفتح ودخل سيف فحطيت رأسي في الأرض وفركت أيدي بتوتر :
-ارفعي وشك وبلاش شغل التمثيل ده أنا مش هلمسك ولا هفكر اعمل كده.
بصتله بصدمة من كلامه... كان وشه أحمر وبيبصلي بقرف وكمل :
-طبعا انتي فرحانة دلوقتي... خطتك نجحت وقدرتي تجبريني اتجوزك عملتي مسرحية حلوة.... قلتي هتمشي من البيت عشان ابويا يضطر يجوزك ليا.... للاسف اهلي ميعرفوش انك رخيصة بس انا عارف واحلفلك يا بسمة إني هحول حياتك لجحيم
#زواج_بالإجبار
#سولييه_نصار
لو لقيت 100فوت هنزلكم باقي الاسكريبت النهاردة بأمر الله انطلقوا ❤
