سكريبت💖
-مراتي مبتخلفش وانا عايز وريث !..
-ايوة والمطلوب مني ايه يعني ...انا مش دكتورة حتي عشان اساعدك !قالتها مها وهي تمضغ الطعام بشراهة...فرك آدم كفيه وقال بتوتر:-
-عايزك انتِ اللي تجيبي الوريث ده .
اتسعت عينيها بصدمة واخذت تسعل ثم نهضت وهي تقول بغضب :-
-ايه ده انت فاكرني ايه ....هو انت عشان مديري فاكر اني هوافق علي المسخرة دي ؟ده بعدك انا هقدم استقالتي ومش عايزة اشتغل عند واحد زيك !
ثم أسرعت لتذهب ليمسك هو كفها ويقول :-
'-هديكي تلاتة مليون جنية بس وافقي
-كام ؟!!
ابتلع ريقه وقال :-
-هديكي تلاتة مليون جنية وتتجوزيني قلتي ايه ؟!
جلست مها مكانها بذهول وقالت :-
-هتديني تلاتة مليون جنية عشان اتجوزك ..انت بتتكلم جد !
اومأ آدم وقال :-
-ايوة هديكي المبلغ ده وكمان كاش كل اللي مطلوب منك تقبلي تتجوزيني بس لمدة سنة واحدة بس ولما تولدي تاخدي الفلوس كاش وانا هاخد ابني ...بس يا مها من اللحظة اللي هديكي الفلوس تنسي ابنك خالص ...لان ساعتها هيبقي ابني انا ورنيم وهيتسجل بإسمي واسمها..
صمتت ولم تتكلم لينهض هو ويدفع الحساب ثم قال :-
-فكري يا مها مبلغ زي ده ممكن يغير حياتك ازاي وساعتها مش هتضطري تشتغلي سكرتيرة لا عندي ولا عند غيري وتعالجي امك كمان
........
رنيم :-هتتجوز عليا يا آدم خلاص قررت من نفسك انك ترميني عشان مبخلفش عشان تجيب ولي العهد اللي انت عايزه...للدرجادي انا رخيصة عندك!!..
زفر بضيق وقال :- يا حبيبتي هو اللي هنعيده هنزيده!! انا هتجوزها بس عشان
عايز طفل ... وده حقي ...حقي اتجوز تاني عشان اخلف ده شرع ربنا ...بس انا عشان بحبك عملت معاها صفقة هي هتتجوزني لمدة سنة واحدة بس وبعدين هطلقها والولد هيبقي ابنك !...
نظرت إليه بذهول وقالت :-
نعم يا خويا ام ايه دي اللي ترضي ترمي عيالها يا آدم انت بتستهبل.
امسك كفها وقال:-!
يا حبيبتي دي هتاخد تلاتة مليون ...المبلغ ده هيغير حياتها مية وتمانين درجة ...وهي مش هتمانع اكيد ..مش احسن يا حبيبتي ما اجيبلك ضرة تشاركني فيكي طول حياتك ؟انا عملت كده عشان بحبك !استحملي سنة بس وصدقيني هتختفي من حياتنا للأبد
......
انتي اتجننتي يا مها ...هتتجوزي بالطريقة دي ! قالتها صديقتها بصدمة ...لتمسح دموعها ببطئ وهي تقول :-
-وكمان عايز ياخد ابني وانساه ...الواطي قدر يستغل حاجتي للفلوس ...ماما لازم تعمل العملية بسرعة وده الحل الوحيد يا اسراء مقداميش حل تاني لازم أوافق.
-طيب واحمد يا مها هتعملي معاه ايه .
نظرت إليها مها بحزن وقالت :-
-هنفصل عنه وربنا يسعده مع غيري
...
ارتعشت كفي احمد وهو يقول دامعا :-عايزة تسبيني يا مها ...بعد الحب ده كله ...بعد ما عملت المستحيل عشان اهلي يوافقوا عليكي !.
قبضت مها علي كفها وهي تمنع نفسها من البكاء وقالت :-
-ايوة هسيبك يا أحمد...مديري عرض عليا الجواز واهو واحد غني ووسيم وهيعيشني عيشة ملوك ....لكن انت مجرد مدرس بتقبض ملاليم وانا مش هتحمل فقرك...فخلينا ننفصل بهدوء !
التمعت عينيه بالدموع وقال:-
-دلوقتي جاية تقولي كده ...مش عاجبك مستوايا ؟!! مش انتي اللي كنتِ بتقولي اني حتي لو كنت شحات هتبقي معايا
...بتقولي مش مهم الفلوس !.
زفرت بضيق مصطنع وقالت:
-كنت بكدب عليك ..خلاص ارتحت!.ثم خلعت دبلتها وهي تقول بصوت مختنق :-
-ربنا يوفقك مع الأحسن مني !ثم ركضت من أمامه وهي تخفي دموعها بصعوبة .
.يتبع
#صفقة_طفل
