سكريبت 💖💖
-يا ابني دي واحدة قتلت جوزها عارف يعني ايه قتلت جوزها يعني مجرمة عايز تتجوزها ازاي بس
زفر بضيق وهو يرد :
يا ماما كانت ساعتها مريضة نفسيا وخفت يعني مكانتش واعية للي بتعمله
ردت امه عليه مسرعة:اديك قلتها مريضة نفسيا يعني مجنونة ...عايز تتجوز مجنونة يا حسام ...عايز تحرق قلبي عليك
زفر حسام بضيق وقال :والله نور مش مجنونة هي كانت مريضة زي اي حد وخفت
- لا مش مريضة زي اي حد هي كانت مختلة عقليا وقاتلة متسلسلة...فاهم يعني ايه يعني ممكن لو اتهورت وغلطت فيها هتقتلك
-يا امي بقولك خفت ...خفت ...انا دكتورها وبقولك اهو خفت...
ضربت والدته كف علي كف وقالت :
يا ابني انت ناوي تجلطني بقا تسيب بنت خالتك عشان تتجوز مجنونة
قلب عينيه بملل وقال :بنت خالتي جاهلة عايزاني انا الدكتور اتجوز واحدة جاهلة
ابتسمت امه بسخرية وقالت:لا العفو .. تتجوز واحدة جاهلة مينفعش لكن ينفع تتجوز واحدة مجنونة
تنهدت بتعب ثم اكملت :
عموما يا حسام براحتك شيلتك وشيلها لوحدك بس اياكي تجيبهالي هنا لا هي ليها دعوة بيا ولا انا ليا دعوة بيها !.
......
فتح الرجل عينيه ليجد نفسه معلقا رأسا علي عقب ...اخذ يصرخ بخوف فجأة أتاه صوت أنثوي :ششش مطلعش صوت
نظر لتلك المرأة متوسطة الطول شعرها احمر وترتدي بدلة سوداء وتمسك سكين ...لقد تذكرها تلك الفتاة التي كان سيخون زوجتة معها ...ابتلع ريقه وقال :انتي بتعملي ايه يا مجنونة انتي
ابتسمت نور وقالت :انا هفهمك اصل انا اكتر حاجة بكرهها في حياتي الخاينين وانت كنت هتخون مراتك معايا واكيد خنتها مع غيري يبقي تستحق تموت
ذعر الرجل وقال :لا لا متقتلنيش ابوس ايديكي مش هعمل كده تاني بس سيبيني وانا مش هقول لحد حاجة .
مطت نور شفتيها وقالت :it is too late dear ثم دفعت السكين وضربته في قلبه مباشرة وقالت :بكره الخاينين دوول ميستحقوش الحياة زي جوزي الله يحرقه...
.انتفضت بقلق عندما رن أحدهما جرس المنزل ... خلعت قفازاتها ورمتها ثم خرجت من الغرفة وهي تغلقها بالمفتاح
..ثم اتجهت للباب ونظرت من العين السحرية لتجد حسام اخذت عده أنفاس ثم فتحت الباب لتبتسم وهي تجده أمامها
-ازيك يا روحي .قالها حسام وهو يضمها إليه ويدخل
ابتسمت نور وقالت :اتفضل اقعد واحكيلي عملت ايه مع طنط
توتر حسام وقال :وافقت بس
- بس طلبت متعاملش معاها معلش صعب انا واحدة قتلت جوزي وكنت مريضة نفسيا اكيد هتقلق مني ...متقلقش يا حسام مرة في مرة هتتقبلني
ابتسم حسام وامسك كفها :عشان كده انا بحبك لأنك بتتفهمي الكل.
كادت أن ترد ولكن صوت لشئ ضخم وقع جعل الكلمات تتوقف في حلقها.
نظر حسام لمصدر الصوت ليجدها الغرفة المقابلة...الغرفة القابع بها جثة الرجل الذي قتلته نور ...
حسام بذهول :ايه ده ...انا رايح اشوف
توترت نور وقالت :طنش تلاقيه مشمش القط بتاعي بيلعب شوية انا بحبسه عشان عارفة انك مبتحبش القطط
حسام بشك:لا ده مش مشمشم انا رايح اشوف ونهض حسام واقترب من الغرفة ...تحفزت نور وامسكت سكين ثم .....
#احبطبت_قاتلة
لون جديد شوية عليا تحبوا نكمل
