နောက်ဆုံးမှာတော့ သူတို့ရှေ့မှာမြင်နေရတာက နတ်ဆိုးကလန်ရဲ့ တားမြစ်နယ်မြေဖြစ်တဲ့ကျောက်သားတံခါးတစ်ခုပဲဖြစ်ပါတယ်။ရှေးကျလှတဲ့ကြီးမားတဲ့ကျောက်သားတံခါးကြီးကိုမြင်ရတဲ့အခါ တံခါးရဲ့နောက်ကနေ သူ့ကို တစ်စုံတစ်ခုက လက်ယက်ခေါ်နေသလိုခံစားရပြန်တယ်။
"တံခါးရဲ့အနောက်မှာ"
"နတ်ဆိုးဘုရင်တစ်ယောက်တည်းသာလျှင်ဝင်နိုင်တာပါ၊ကျွန်မနဲ့ ဆရာတော် စစ်ခုန်း တို့ ဒီကနေပဲစောင့်နေပါ့မယ်"
လုဟန် ခေါင်းတစ်ချက်ညိတ်ပြလိုက်ပြီး ခြေလှမ်းဖို့ပြင်နေတုန်းမှာ စစ်ခုန်း ရဲ့တားဆီးခြင်းကိုခံလိုက်ရတယ်။
"မင်းရဲ့စိတ်ကိုငြိမ်ငြိမ်ထားပြီး မင်းရဲ့ချီပင်လယ်ကို အာရုံစိုက်ထား၊ပြီးရင် တံခါးရဲ့နောက်မှာ တစ်ခုခုထူးခြားတာရှိလားဆိုတာ အာရုံခံကြည့်လိုက်"
နတ်ဆိုးတွေရဲ့ အန္တာရာယ်ကိုသိမြင်ခံစားနိုင်မှုအာရုံကအရမ်းထက်မြက်လွန်းပါတယ်။ဒါ့ကြောင့် စစ်ခုန်း အခုလိုအကြံပေးခဲ့တာဖြစ်တယ်။
လုဟန် က စစ်ခုန်း ရဲ့ စကားတွေကိုခဏစဉ်းစားလိုက်ပြီးကျောက်တံခါးနောက်ကွယ်မှာရှိတဲ့အရာတွေကသူ့အတွက်အန္တရာယ်ကင်းပြီးအလွန်အရေးကြီးကြောင်းအတည်ပြုနိုင်ခဲ့တယ်။
လုဟန် က မင်ရဲ့အလောင်းနှင့်အတူတားမြစ်နယ်မြေထဲကို ၀င်သွားခဲ့တယ်။ပထမဦးဆုံးအနေနဲ့ မြေခွေးဘုရင်ရဲ့အဆိုအရ မြေခွေးမျိုးနွယ်စုရဲ့သင်္ချိုင်းနေရာကိုရှာလိုက်ပြီးမင်ရဲ့ အရိုးတွေကို ထည့်လိုက်တယ်။ မင်ရဲ့အရိုးတွေကို ထည့်လိုက်တာနဲ့မြေခွေးကလန်ရဲ့ဘိုးဘေးတွေရဲ့နတ်ဆိုးစွမ်းအားတွေက အရိုးတွေကိုပင့်မြှောက်စေခဲ့ပြီး တားမြစ်နယ်မြေနဲ့ပေါင်းစည်းသွားစေခဲ့တယ်။
ခဏလောက်ကြာတဲ့အခါ တစ်စုံတစ်ယောက်က လုဟန် နားကိုကပ်ပြီး တီးတိုးရေရွတ်သွားတဲ့အသံလိုမျိုးကြားလိုက်ရတယ်။
"ကျေးဇူးအများကြီးတင်ပါတယ်"
အဲ့အချိန်မှာပဲ လုဟန် ရဲ့စိတ်ထဲကို တားမြစ်နယ်မြေနဲ့ပတ်သတ်တဲ့အချက်အလက်တွေဝင်ရောက်လာခဲ့တယ်။စွမ်းအင်ဉပဒေသတွေက နတ်ဆိုးမျိုးနွယ်တွေရဲ့တားမြစ်နယ်မြေကို အားဖြည့်ထောက်ပံ့ပေးပြီး နတ်ဆိုးနယ်မြေမှာရှိတဲ့ မျိုးနွယ်စုကလန်တိုင်းရဲ့အသက်စွမ်းအားကို ထောက်ပံ့ပေးထားတာဖြစ်တယ်။အဆင့်တက်ခြင်းကိုကျရှုံးခဲ့တဲ့ ကြီးမြတ်တဲ့နတ်ဆိုးတွေက တားမြစ်နယ်မြေကို ပြန်လာကျလေ့ရှိပါတယ်။သူတို့ရဲ့ စွမ်းအင်တွေကို စွမ်းအင်ဉပဒေသဆီကို ပြန်ပေးအပ်လိုက်ပြီး နတ်ဆိုးနယ်မြေကိုဆက်လက်စောင့်ရှောက်ပေးကျတယ်။
YOU ARE READING
How to die as heavy as mount Tai
Adventureဝိညာဉ်သန့်စင်ရေးရာဌာနရဲ့ အလုပ်သင်သစ်လေး Lu heng ရဲ့ တာဝန်ထမ်းဆောင်ခြင်းများ
အခန်း(31)ပြိုင်ဘက်ကင်းပါရမီရှင် နတ်ဆိုးပါ့ရှယ်
Start from the beginning