[ လော်ဟွားနယ်မြေ ၊ လဲ့အန်းချောက်ကမ်းပါး ]
အစီအရင်ထဲဝင်ရောက်လာသည်နှင့် ရိပေါ်နံဘေးတွင်ရှန့်ချွမ်ထွက်ပေါ်လာတော့သည်။
ခြေချလိုက်သည့်အချိန်သင်းပျံ့လှသောမက်မွန်ပန်းရနံ့က ရိပေါ်နဲ့ရှန့်ချွမ်အားလွှမ်းခြုံလာလေသည်။
" ငါးနှစ် "
" ငါးနှစ်ကမျက်တောင်တစ်ခတ်စာလေးကို ဘာတွေသက်ပြင်းချနေရတာလဲ "
ရိပေါ် ရှန့်ချွမ်အားမျက်စောင်းဖြင့်ကြည့်ပြီးမှ မျက်နှာလွှဲကာသက်ပြင်းထပ်ချလိုက်သည်။
' စကားမများရဘူး ၊ ရန်မဖြစ်ရဘူး ၊ ရှစ်ဇွင်းပြောတာနားထောင်ရမယ်။ '
ခွန်းတုံ့မပြန်လာသောကြောင့် ရှန့်ချွမ်မျက်ခုံးပင့်မိသွားပေမဲ့ အထူးအဆန်းတော့ဖြစ်မနေ။
" တောင်သခင်သုံးယောက်က တပည့်တွေကိုစောင့်ကြပ်ဖို့နေရာယူထားလောက်ပြီ။ မင်းကသူတို့နဲ့အတူတူလေ့ကျင့်လို့မဖြစ်တာသိတယ်မလား။"
မိမိအရှေ့တွင်ရှိနေသည့် ဂိတ်တံခါးလေးခုအားကြည့်လို့။
" ကျွန်တော်ကမြောက်အရပ်ကတံခါးကိုသွားရမှာမလား "
မီးဝိညာဥ်သွေးကြောဖြစ်ပေမဲ့ဆီးနှင်းတွေထူထပ်ကာအေးခဲသော လော်ဟွားနယ်မြေရဲ့မြောက်အရပ်သို့ ဘာကြောင့်သွားပြီးလေ့ကျင့်ခိုင်းမှန်း ရှန့်ချွမ်မမှန်းဆတတ်ပေ။
' အပြာရောင်မီးဝိညာဥ်သွေးကြောက မီးဒြပ်စင်တစ်ခုတည်းကျင့်ကြံနိုင်တာမဟုတ်ဘူး။ ရေဒြပ်စင်ကိုပါကျင့်ကြံနိုင်တယ်။ မီးသဘာဝကိုဖိနှိပ်ဖို့အတွက်အေးခဲတဲ့နေရာမှာပဲ လေ့ကျင့်လို့ရမယ်။'
ဒီကျုံရှစ်ကိုငါနည်းနည်းလေးမှကိုနားမလည်နိုင်ဘူး။ မီးဆိုလည်းမီးပေါ့ ၊ ဘာကိစ္စရေကိုပါအထူးတလည် ဂရုစိုက်နေမှန်းမသိဘူး ￣へ￣
ရှန့်ချွမ်မှာအတွေးများနေတုန်း ရိပေါ်ကတော့လက်ဖဝါးအလယ်တွင် စွမ်းအင်ချီများစုဝေးစေလျက် ဂိတ်တံခါးကိုဖွင့်ဖို့ကြိုးပမ်းနေသည်။
" ဒီအင်းကွက်ကပန်းချီသဘောတရားပါပါနေတယ် ကြည့်ရတာယင်ယန်တောင်သခင် အိုက်ရှန်းကျွင်းကရေးဆွဲထားတဲ့ပုံပဲ။ "
YOU ARE READING
Please Shizun , Don't Eat Mud !
Random⚠NOT TRANSLATION⚠ Type : Xianxia Novel. Pairing : Wang YiBo, Xiao Zhan. [ YIZHAN ] Starting Date : October 14 2020 Chinese Name - 请师尊，不要吃泥。 English Name - Please Shizun, Don't Eat Mud! Other Name - I'm His Master. Author - PlumWhite_Blossom . Story...
