[ ကျုံရှစ်ဟန်ရှီ ရှောင်းရှန်းကျွင်း / ရှန်းစစ် ( ရှန့်ချွမ် နှင့် စစ်ဝမ်) ]
နီးကပ်သင်ကြားပို့ချပေးနေသည့် ရှစ်ဇွင်းဖြစ်သူကြောင့် ရိပေါ်ရဲ့ဓားရေးမှာ အရင်သုံးနှစ်ကထက်စာလျှင် ပိုပြီးတိုးတက်လာသည်။
ချီစွမ်းအင်ပြည့်ဝသောဟော်ရှန်းချင်းတောင်ဖြစ်တာကြောင့် လှုပ်ရှားသည်ဖြစ်စေ ၊ ငြိမ်သက်သည်ဖြစ်စေ ကိုယ်ထဲသို့စွမ်းအင်များလှည့်ပတ်စီးဆင်းနေလေသည်။
လူပျိုဝင်ခါစအသက်ဆယ့်ခုနှစ်နှစ်ကောင်လေးရဲ့ ဓားရေးလေ့ကျင့်ပုံက လိပ်ပြာလေးတစ်ကောင်နှယ်လှပတင့်တယ်နေခဲ့သည်။
ဓားရေးလေ့ကျင့်နေသည်ကိုစောင့်ဆိုင်းပေးနေသော ဟွမ်မြောင်နှင့်ရှန်းစစ်။ ငှက်ဝါလေးအားမထိတထိသွားသွားစနေသော ရှန်းစစ်မှာ ဟွမ်မြောင်ရဲ့ခြေသည်းဖြင့်ခဏခဏတွန်းထုတ်ခြင်း ခံရသော်လည်းအနားသို့ကပ်နေဆဲ။
ဟွမ်မြောင်ရဲ့နူးညံ့သောအမွှေးက ရှန်းစစ်အတွက်ဆော့စရာလိုပင်။
တပည့်ဖြစ်သူဓားရေးလေ့ကျင့်ရင်း ကိုယ့်ကိုယ်ကိုထိခိုက်မိမှာစိုးလွန်နေသောရှစ်ဇွင်းက သစ်သားဓားကိုချက်ချင်းပြုလုပ်ပေးလေသည်။ ထို့ကြောင့် ရိပေါ်နှင့်အတူဓားရေးမလေ့ကျင့်ရသောရှန်းစစ်မှာ ဟွမ်မြောင်ဘေးကပ်ကာဆော့နေခြင်းဖြစ်သည်။
ဓားရေးလေ့ကျင့်လိုက် ၊ ချီစွမ်းအင်လှည့်ပတ်နည်းအားဆင်ခြင်လိုက်ဖြင့် မအားလပ်သောရိပေါ်။ တပည့်နည်းတူအလုပ်များနေသည့် မြို့တံတိုင်းအားပြန်လည်ပြင်ဆင်ဖာထေးနေသော
ရှစ်ဇွင်း။
" တဖြည်းဖြည်းအကြိမ်ရေစိပ်လာတာပဲ "
လက်ထဲမှချီစွမ်းအင်များကိုရုတ်သိမ်းလိုက်ပြီး တောင်ဆီသို့ပြန်မည့်အချိန်တွင် ပြိုပျက်တော့မတတ်လှုပ်ခါလာသည့်မြို့တံတိုင်း။
လက်ပုံစံအမျိုးမျိုးကိုပြုလုပ်ကာ ချုပ်နှောင်မန္တာန်အားရွတ်ဆိုနေသော ကျုံရှစ်။
ရှေးဟောင်းစာလုံးပေါင်းများစွာက ကျုံရှစ်လက်ထဲမှထွက်လာကာ မြို့တံတိုင်းအနှံ့ပြေးကပ်ကုန်ကြသည်။ စုတ်ချက်လှပသည့်စာလုံးများမှာ အကျည်းတန်သောမြို့တံတိုင်းပေါ်တွင် ပွင့်ဖူးနေသည့်ငွေရောင်ကြာပန်းလေးသဖွယ်။
DU LIEST GERADE
Please Shizun , Don't Eat Mud !
Sonstiges⚠NOT TRANSLATION⚠ Type : Xianxia Novel. Pairing : Wang YiBo, Xiao Zhan. [ YIZHAN ] Starting Date : October 14 2020 Chinese Name - 请师尊，不要吃泥。 English Name - Please Shizun, Don't Eat Mud! Other Name - I'm His Master. Author - PlumWhite_Blossom . Story...
