💞💎ياقوت💎💞 ( مكتملة )

الجزء 62

                                   🌛 شمس الغريب 🌜

                                  💞 💎 ياقوت 💎 💞 
                                        

ما عطاهاش وقت الشيء لي خلاها تزيد خلفة مع الطريق وهو وأخيرا خوات ليه الطريق للمكتب حيا الكاتبات وبسرعة دخل للمكتب كانت واقفة كطل على الشارع من نيتها كتسنى الطموبيل دياله توصل السيدة ما عارفاش بلي راه من وراها هو مع تغلغلت ريحته فجيوبها الأنفية بغات دور تشوف حتى كتلقى راسها وسط دراعيه وراسها عند صدره لأنه كان خلفها مباشرة
توترت وحنيكاتها حمارو ما عرفاتش كيفاش تتصرف: احممم حممم هلال
بهمس نبرة مع بحة كتخليها غير كدخل وتخرج فالهضرة: بما أنك كتعرفي تختاري الحاجيات ديالي وكيعجبني الحال اش بان ليك تختاري شي يوم لي نتقدم فيه ليك ويفرحني
ياقوت: غداا
بكثرة الضغط لي دار ليها ما عرفاتش واش هي لي قالت ديك ' غدا ' ولا شي حد معاهم فالمكتب أما هلال غوبش ويااااه يا لجمال تغوبيشته كله على بعضه حلو في جميع حالاته
هلال تحنى هامس فودنيها: شفتي ما كتعرفيش الحاجات لي كيفرحوني أنا ما كرهتش دبا تكوني ملك هلال على اسمه اسمك مكتوب ومعاه عايشة وهاد الوقفة كانت تكون بطريقة أخرى
عرفات هلالات كاملين بالحق هذا لي خرج ليها اليوم إلى بقا دائما هكا غادي يخرج ليها العقل بالمرة ساحت السيدة واش جاب ما يجمعها بقات مبنجة وهي كتخايل كيفاش كانت غادي تكون هاد الوقفة راه باين السيد اشكيقصد من كلامه
ملي بانت ليه ما غاديش تهضر باقي: ولكن ماشي مشكل نصبر أنا حتى لغدا انشاء الله ونجي نتقدم ليك رسميا
خلاها واقفة وعطاها بالظهر بابتسامة عريضة وهي دارت تابعاه محاولة منها تبدل أقوالها: احمممم هلال راني مزال ما وجدت شي حاجة شوو (كان جلس فالمكتب دياله) حتى من با محماد ما قلت ليه باقي والو باش يجي وشروق حتى هي (بترجي) هلال عفااااك خلي غير من بعد 3 اياااام
هلال شاف فيه مصدوم: 3 اياااام واش من نيتك لا بزاااف (كيتكلم ببرود) سيري قضي أغراضك خودي اليوم روبو
خرجات عينيها: ولكن عندي ملفات ضروري نكملهم اليوم
بلا مبالاة تحلفي عليه ماشي هلال وهو لي كيموت على الخدمة وكيكره لي ماكيتقنش خدمته: ماشي مشكل اراي ليا الخدمة لي عندك أنا نديرها وسيري قضي شغلك
تبسمات بصدمة: غير كضحك ياك اا هلال (جلسات فالكرسي مقابلة معاه وهو خدام مامسوقش) عارفني ما غاديش نقدر نلحق كلشي غدا يااك
شاف فيها بابتسامة ثقيلة: لا عارفك قادرة وأصلا ما غاتحتاجيش توجدي شي حاجة وجدي غير راسك وصافي
بلقات فيه عينيها وزاد كمل هو بحال إلى ما قال والو: يالاه جيبي ليا الملفات راه نتي لي كتعطلي دبا ومزال ليك بزاف ديال الحاجات
وقفات قافزة كتهرول فاتجاه المكتب بان ليها السيد ما كيضحكش كتجمع فالملفات والتيلي فيديها كتهضر مع شروق ومن بعدها خديجة باش تخليها تحس بلي راه كتشاورها كاخت وبلي باغيا ضيق ديك المسافة لي بيناتهم وفعلا خطتها غادية بنجاح اما هلال غير خرجات من عنده صونا على ح.زينب لي حتى هي ما عجبتهاش الزربة
ح.زينب: اهاااه يااك اا ولدي يهديك الله اش غادي يخليني نلحق نوجد دبا اا ولدي الله يهديك وأنا عاد كنت كنقول ليك البنت ديال التكبيرة مشيتي درتي لينا هاد الزربة
هلال بهدوء كبير: أنا نتكلف بكلشي غير ارتاحو نتوما اا الحاجة
خرجات عينيها ح.زينب هي لي باغيا تختار: لوااااه صاافي غير خليني أنا نتكلف
جا مصطفى من وراها ودار ليها حركة بيديه باش ما تقول والو تسناها حتى قطعات: صاافي اا الواليدة أنا نبقا معاك تقضاي على خاطرك ونعاونك إلى بغيتي حيت هلال راه ما قال ليا والو ولكن بغيت نعاونه بلا ما يعرف
ح.زينب أول مرة يبقا فيها ولدها: راه قال ليا نقولها ليك اا ولدي واخا نمشي أنا وياك الله يرضي عليك
فعلا مصطفى غلط ماشي غلط واحد ولا جوج اغلاط كثار هما وملي بغا يندم ما بقا عرف على اشمن غلط يندم واش على اغلاطه مع والديه ولا مع مراته لي تحت التراب ولا مع ولده ولا مع راسه هو نيت لكن أول اغلاط كيحاول يصلح هي علاقته مع رب العالمين أولا حيت إلى تصلحات علاقته مع الله فربي غادي يسر ليه ويسهل صلحه مع عائلته عامة ومع راسه على وجه الخصوص