💞💎ياقوت💎💞 ( مكتملة )

الجزء 17

                                 🌛 رمضان كريم 🌜
    
                              💞 💎 ياقوت 💎 💞
                                     

عائشة: نعام ا لالة عيطتي عليا
فاتي بلا حشمة ولا حياء ما قالت أكبر مني ما قالت هي لي رباتني ملي كنت صغيرة فاش ماماها كانت مقابلة الجمعيات والرحلات مع صحاباتها
فاتي: قولي واش قضيتو غراضكم من الصباح ومامي كتعيط عليك ونتي مافهمتش كديريها بلعاني واقيلة ولا شرفتي وصماكيتي نجيبو وحدة اخرة
عائشة مسكينة تزيرات بقا فيها الحال كلشي كيحترمها حتى ل هاد نص بلاصة هي وامها لي كينقصو منها
عبد المالك😡: واش نتي ما بقيتيش كتحشمي ولا جاب ليا الله
نورة:عبدو حبيبي البنت راه فيها غيي...
عبد المالك: لي بغا يفطر كيفيق فوقتو ماشي حتى للظهر لي هو وقت الغداء باركة من الفشوش ديالك الخاوي
ناضت فاتي زعفانة كتكره باها حيت هو مامضسرهاش ديما كيقمعها داكشي باش كترجم بلي مكيحملهاش رجعات لبيتها حلات تيلي بأن ليها عدد الميساجات فرحات ودخلات كتبات ليهم
فاتي💬: ايوة طاتي كاينة دبا ف paris كيما تتعرفو وانا ولا مامي لي كنتكلفو بشكون ينظف ليها القصر(كذابة خالتك عندها غا بنيقة) ايوة انا صيفتها بلا خلاص وانا كنصيفطهوم ديما مخلصين وشكون كاين فالقصر العقروشة ديال حماة طاتي ملي غا تعرفها من طرفي ما غاديش تيق بيها بلي ما خلصتهاش يعني ايلا قالت ليها خلصيني غادي تعيط على ل la police ايييوة ياقوووووت مشات فيها يا أما غادي تبات فالبنيقة ولا غادي تبات فالزنقة ملي تجي مامخلصاش ويجريو عليها عائلتها ههههههههههه ايوة كيف جيتكم
بنت1💬: اووووه لالا الصراحة صدمتيني هههههه دبا ياقوت مشات فيها
الولد1💬: المرة جاية ا لحوب صيفطيها عندي نوريها كيفاش خصها تخدم وبالخلاص

رضاو نفسياتهم المريضة اييه نفسية مريضة حيت لي كيشوف شي حد كيعيش قساوة الحياة من كل الجوانب وكيزيد عليه فهذا راه مريض وهزو كفوفكم ندعيو مع هاد الماركة بالشفاء العاجل حيت ايلا براو المجتمع غادي يبدأ يتنفس الحاصول نرجعو نشوفو الحاجة اش دارت مع ياقوت ملي دخلها الشك فيها
ح.زينب: أجي ا بنتي نسولك واش نتي نيت صيفطاتك فاتي
ياقوت: ااااه ا لالة واحق الله العلي العظيم (ياقوت خافت حيت الحاجة كدير فيها شوفات غراب)
ح.زينب: أمنا بالله ا بنتي بغيت غير نعرف فين كتعرفيها نتي بعدا
ياقوت: كتقرا معايا ا لالة

                 💞💎💞💎💞💎💞💎💞💎💞💎💞
فنظركم الحاجة غادي تيق ب ياقوت ولا لاء هممم اش بان ليكم