السلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜
رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
مينة😠😲: فين دايعة ا لالة تاتة 9 هادي عاد جاية داخلة معنديش انا دار الدعارة ياقوت مبغاتش تصادع معاها جات داخلة خوتها قالبين داك السيجور سفاه على علاه زادت باغا تمشي لبيتها مها واقفة فالقوس مامخليالهاش دوز مينة 😈مبسمة بشر: فاين مسرية غادية راه شهر دخل بسيمانة ونتي مزال مخلصتي الالة مغنبقاش انا مسكناك وكنعلف فيك البراني خلص كراه ونتي مزال ياقوت حطت لميكات فالأرض وعينين مينة كيتفحصوهم باغا تعرف اش فيهم جبدات من شكارة لفلوس لي كانت موجدة عارفاها غاتوقف عليها جبدات 600 درهم مدتها ليها ياقوت: ها عشرالاف ديال الكرا والفاين ريال ديال الضوء والماء مينة خطفاتهم من يديها كتعاود الحساب: غايخصك تزيدي الف ريال ضوء ولا كايجي غالي ونتي كل نهار دوش دوش فين كتفسدي بقاي دوشي لاش تجيبي ليا حرامك هنا ياقوت ضحكات على رأسها هادشي علاش هضرت الناس مكضرهاش حيت القاصح كتسمعو من أقرب الناس ليها لي خاص يدافعون عليها مشات للبيت لي حدا الكوزينة حلاتو بالساروت ودخلات وسداتو كان بحال برطمة صغيرة فيه كلشي لي يقدر يطيح ليك على البال دورات عليه عينيها على اليمين فالحيط لي متكي على الكوزينة دايرة بحال كونطوار من القنت للقنت غير هو بالخشب فيه ثلاث بيبان حاطة فيه ميعنات باش تخدم ومواد التنظيف وفوق منو كاين ريشو صغير ديال الضوء دايراه بالتخبية عليهم والإلكترونيات لي عندها وتحت وفجنب ديال داك الكنطوار كاين الشرجم الأول دايرة تحت منو بوطة متوسطة مع ريشو صغير مقابل معاهم كاين واحد البيرو قديم مع كرسيه أما الجهة اليسرى من البيت كان فيها سرير ديالها ديال بلاصة حداه كاين كوافوز فيه فيوزة وكاين كتاب *فن اللا مبالاة* مقابل ليه كاين ماريو جوج بيبان واحد منهم كان مراية وتحت من الماريو كاين صندوق ديال الخضر لي صبغاتو وزوقاتو كتحط فيه صبابطها جنب الماريو كاين شبكة ديال الحوايج تقدمات وسط البيت مشات للمكتب حطت شكارة عاد زادت للماريو جبدات بيجامة سروال موv والفوق ديالها بيج فيه نونوس بلون سروال مشات لكوافوز حلات الباب لي فيه لتحت جبدات واحد لاتروس توجهات تاني لباب البيت خرجات وسداتو بساروت ثاني عاد مشات لطواليط طرفات حالتها مشطات شعرها لي كيوصل نص فظهرها ضوراتو باتشا ضورات عليه زيف حياتي مطروز وتوضات هزات تاني لوازمها وجات خارجة حتى بانت ليها تاني واقفة ليها قدام الكوزينة مينة: اااا لالة سلطانة ياكما نجيب ليك دقايقية باك جوج مرات يجي يسول على الgوتي ونصدرو ووليداتي من صباح وهما يتسناو دوك التمارين تشرحي ليهم انا راه ماقريتكش حتى لباك باش تنفخي عليا قريتك باش تراجعي ليا مع ولادي فقط
💎💞💎💞💎💞💎💞💎 لا حول ولا قوة إلا بالله العلي العظيم علاش هادشي فنظركم همم 😔😔 ابدعو
Oops! This image does not follow our content guidelines. To continue publishing, please remove it or upload a different image.
