السلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜
رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
قطعات عليهم المساعدة حوارهم عاد نتابهو المساعدة: لالة زينب هاد البنت قالت بلي مساعدة جديدة زينب: مرحبا ا بنيتي ولكن انا ما طلبتش مساعدة جديدة هنا تزاد الزايد مع ياقوت خافت لا تكون فاتي غير كذبات عليها داكشي باش قررات تهضر قبل ما تولي فشي مشكل وهاد الناس باينة حجرتهم ثقيلة مامعاهمش اللعب ياقوت: لا ا لالة انا راه صيفطاتني فاتي قالت ليا بلي خالتها بغات خدامة لويكاند (قربات كتوريها فاتي والعنوان) زينب غوبشات ضغيا: هي ديك زطيو النحس ديال خالتها غاتجي ثاني(شافت فراجلها)هانتا ا لحاج يونس ها ولدك الغزال جاي هو ومراتو الطاوسة وانا آخر من يعلم ح.يونس: صافي ا لحاجة دبا غادي غير تمرضي راسك على والو زينب: فين مشات رحمة (المساعدة لي جات مع ياقوت) توصل لبنت دير شغلها رحمة اااا رحمة المساعدة جات كتزرب عندها: نعام ا لالة زينب: دي لبنت تشوف شغلها وداكشي لي كان مشات ياقوت تابعة رحمة رجعو جهة الدروج وداتها عطاتها مواد التنظيف ووراتها البيت باش تبدا وصاتها شنو دير وطمناتها ياقوت بلي عارفة شغلها عند الحاجة والحاج فالجردة الحاج يونس: يهديك الله يا هاد المرأة واش دبا هلال غاتعجبو هاد الحالة لي دايرة فراسك زينب: كون غير جا وليدي توحشتو ح.يونس: ها وليدك جاي مال مصطفى زينب: هاداك ولدك نتا واااا شوف ليك دبا هاد عيشة ولات تصيفط ديك المسلوقة ديال بنت ختها هي تصيفط لبنات لي يخملو ليها البيت ملي تبغي تجي مانعرفوهم علاش مطويين هادي دبا جات كلها ضرابي ما عرفناها منين ح.يونس" باينة مسكينة تكرفص عليها شي حد شوفي البنت كيف صغيرة وزينة غاتكون تزوجات بشي مصخوط لي زيدها تشقا فالديور زينب" أودي ايلا كان هاكا ودارت فيها ديك فاتي هاد الخير راه مايتسالهاش ولكن ماكانتيقش فيها انا ديك الزرمومية ح.يونس" هههههه الله يهديك ا زنووووبة رخفي غير نتي على راسك وكلشي يتعوض(باس ليها يديها من لداخل وبرا) زينب (خطفات يديها بالزربة وغطات وجهها بالزيف حشمانة): ويلي كون تحشم
💞💎💞💎💞💎💞💎💞💎💞💎💞💎💞 ها الما طاب وضو الهلال بان
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
