🌛 شمس الغريب 🌜
💞 💎 ياقوت 💎 💞
كانت ممدة على السرير لي باللون الأبيض لا هو ولا الجدران ديال الغرفة لي كانت فيها يديها مربوطة بعدة أجهزة لمراقبة الوضع ديالها عاد السيروم لي مدوز ليها الإحتياجات ديال الجسم ديالها تحل الباب ودخلو بجوج تحت صدمة شروق لي الصدمة لجمات ليها لسانها ما عرفات ما تقول حدها هبطو دموعها بلا حس كأنهم شلال وكتسول مصعب غير بعينيها أو كطالب بشي تفسير مقنع
بعدما استجمعت نفسها وقواها واخا تنخصيصة كطلع: شنو وااقع معاها اشنو وقع ليها مصعب بهدوء: مزال ما عرفتش طاحت فالشركة وجابوها هنا لا كلينيك وعلمو الشركة ديالنا بحكم سطاجير ديالنا
حركات راسها شروق بالنفي: ما يمكنش يكون هادشي وقع غير هكاك
باقي كيتحاورو تحل الباب ودخل الطبيب لي تبع حالتها ملي دخلات وهي بداو عويناتها كيتحلو ببطء وكأنه الضوء كيعميها كتسمع الهضرة وهي قادرة تميز صوت من أكيد راه غابت على الوعي غير شي نصف ساعة ماشي أيام أو شهور ولا أعوام
قدرات ياقوت تحل عويناتها أخيرا نطقات بتحشرج فصوتها: شروق الماا اا شروق عطيني نشرب
لبات ليها الطلب بسرعة واخا يديها كيشطحو شوية وتشخشخ ليهم داكشي تحكمات فراسها بصعوبة وبللات ليها حلقها لي حسات بيه ناشف واخا كانت فاقدة الوعي إلا أنها كانت فصراع نفسي بينها وبين راسها عندها خوف رهيب من أنها تكون مريضة بالرهاب أو أي مرض نفسي هادشي كيخليها كترعد غير بوحدها
شروق من بعد ما تأكدت بلي صاحبتها صحصحات: شنو وقع معاك اا حبيبتي أنا عارفة بلي ما يمكنش هادشي غير يجي ويوقع معاك
طولات فيها ياقوت الشوفة: ما تشغليش بالك أنا براسي وما عرفتش كيفاش وقع ليا
دارت شروق للطبيب: غادي نعرف غير صبري (عاد حاورات الطبيب لي خلعاته نبرتها) اا دكتور شنو وقع معاها
الطبيب: كنظن غير الإرهاق لي قدر يدير فيها هاد الحالة ما كاينش شي حاجة كتستدعي الخوف
الكل: شكرا دكتور
*** *** *** *** *** *** *** *** *** *** *** ***
فنفس لا كلينيك غير هي فالمستعجلات قدر يخرج الطبيب ويطمنهم بلي عتقها وبلي راه بخير عاد قدرو يطلعو أمام غرفة عادية لي تحولات ليها حفصة إبراهيم سلت من تما قبل لا تشوفو وتجيها شي نوبة عصبية وتفكر بلي كاين وفعلا قبل ما تشوف حتى شي حد تسمع غواتها يمكن فداك الايطاج كامل
حفصة بالغوات بلحوحتها خرجات: علاااااااااااش اااااهءهءههءهءءههء علاش ما خليتونيش نموووت اهءههءهءهء اانااا بغيييت نموت ما نستاهلش نعيش بغيت نموووووت بغيييت نمووووووت بغيت نمووت بغي ت نموت ب غ ي ت نم و وو وو ت
صوتها بدا تدريجيا كينقص حتى الانعدام بسبب الإبرة لي دقو ليها الممرضين بسرعة فالسيروم خلاوها تسكت بالمرة وخرجو طمنوهم ثاني طالبين منهم يتوقعو بلي غادي قدر يتكرر هادشي أكثر من مرة
عباس بعصبية: سير قول لراجلها يجيب ليها ولدها ويجي يشوف مراته لعل وعسى يكون شي مشكل بسيط هو سبب هادشي
هبط كريم عينيه مزال ما بغا يتفهم ليه هادشي لي وقع: إلى مشيت دبا غادي نسبق يدي اللهم خلي تال من بعد
فاطمة جالسة كتضرب ففخاضها: بنتي كي الوردة تابعاها غير العين خليت للناس الله يا ربي (صونا تيلي ديالها) الو مالكي حتى نتي (- -) حتى نجي واش أنا ف ياقوت دوورك (- -) ها خالتك معايا حتى نجي
مينة قلبها كان ضرب ملي سمعات اسم بنتها وفضولها ما هناها: مال ياقوت اا فاطمة ختي
نهضات فيها: وااش أنا فياقوت أنا فبنتي اهءهءهه بنتي لي غادي نترزا فيها
طبطبات عليها مينة: صاافي اا ختي صافي
YOU ARE READING
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
