🌛 شمس الغريب 🌜
💞 💎 ياقوت 💎 💞
ملي صونات عليها صونات على زهرة لي بايتة فشي فندق حتى هي جات كتجري باغيا تشوف حتى هي خديجة ودايرين اليد فاليد باش يعاودو ليها كذبة لي تافقو عليها بجوج باش ما تحقد على حتى وحدة
مينة صونات على ياقوت لي رفضات فالأول أنها تجي حتى سمعات بلي القضية فيها خديجة اختها وبلي اللقاء غادي يكون فالزنقة حتى هي خرجات موجدة راسها وقصدات العنوان
إسراء لي هادشي لي حاضية جات لعند أمها كلها مزوقة بالضرب والعضان والبوسان القضية مخلطة كلها مخمجة حالتها حالة من بعد ما كانت كتفرج حتى طلع ليها داك اللايف وملي بانت ليها خديجة وقالت بنت اختها ما جا لبالها غير حفصة اختها
كدق وتعاود فالباب والناس كتشوف حتى طلات فاطمة:اسراااااء ااا مالكي مصبحة
غوتات باش تسمعها: لبسي حوااايجك وقولي ل بابا ولا كريم يجيو فضيحة ااا مي فضيحة
بالزربة هبطات مفيقة عباس وكريم لي يالاه دخل نوضوه وملي قالت ليهم اش شافت الدم بدا كيفور فذواتهم اش هادشي كيسمعو ما بغاتش دخل ليهم لراسهم ولكن حتى حفصة كدخل الشكوك اللهم يمشيو يحيدو الشك من عليهم
دقائق كان الكل وصل أولهم مينة وزهرة من بعدهم وصلات فاطمة وتريكتها شي كيشوف فشي مينة ما فاهمة والو هي وزهرة أما الباقي مصدومين جايين غير يتاكدو من الخبر
أما خديجة غير بانو ليها شيرات ليهم: كنقدم ليك عائلتي المحترمة الأم الحقيقية لي ما فقلبها لا رحمة لا شفقة لا حنان الأم لي رباتني لي كانت كتشوفني مونيكة ديالها وهادو خالتي وعائلتها (بانو ليها البوليس) هااا هما جااااو (قلبات عينيها للجهة الثانية وهي تصدم)
****** ****** ****** ****** ****** ******
هي خرجات من الدار للوجهة لي قالت ليها أمها خلات ليها شروق الطموبيل ديالها حيت هي وناهدة خداو الطموبيل ديال باباهم ومشاو للمطار باش يستقبلو عائلتهم لي غادي ينزلو اليوم استقبلوهم بالاحضان وأمهم كتقلب فيهم وتعاود ومن تما مشاو للدار ديالهم ملي جلسات ما قدراتش تنزل عينيها من على والديها باغيا تعرف شنو ممكن يكون سبب كره سكينة لعائلتها ما قنعاتهاش هضرة مصعب وبغات تحرى لراسها
شافت فباباها نيشان: بااااباااا بغيت نسولك
محمد بابتسامة: اييه اا بنتي اش حب الخاطر
ناهدة كتنغز فيها وهي والو: بغيت نسولك واش كان عندك من قبل شي مشكل مع عائلة رمزي
صرط ريقه محمد وشاف فمريم مراته لي كتشوف فيه حتى هي وتصرط ريقها دخلو التناوي لبناتهم: لا اا بنتي ما كاين حتى مشكل
حمرات عينيها شروق وصغراتهم فيهم: ولكن فعينيكم كيبان ليا كاينة شي حاجة
مريم زربات عليها: لاا اا بنتي ما كاين حتى شي مشكل غير جاب ليك الله
ناهدة باغيا تقلب الموضوع: ايييوة خليو الخدمة برا علاش كتجبدوها حتى فالدار (بابتسامة مرحة) باااباااا مااامااا شنو جبتو لينا معاكم هاد المرة هممم
مريم بسرعة: فكرتيني اا نهووودي (شافت فشروق) باش تعرفي باباك بالعكس عنده علاقة زوينة معاهم جاب كادو لمصعب وعثمان ولاد مسيو عبد الله رمزي رحمة الله عليه
شروق بمجاكرة: اذن عندكم مشكل مع مدام سكينة مراته
مريم بطول صبر: الله ااودي لالة سكينة الله يعمرها دار احمم وكانت بيناتنا علاقة زوينة حتى مرضات مسكينة
आप पढ़ रहे हैं
💞💎ياقوت💎💞 ( مكتملة )
रोमांसالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
