🌛 رمضان كريم 🌜
💞 💎 ياقوت 💎 💞
قدام المصبنة ديال باها كان جالس ابراهيم (باها)و الحاج عبد الجليل(بات ادريس)
ح.عبد الجليل: سي إبراهيم انا راه جيت عندك قاصدك والمقصود الله
ابراهيم: مرحبا اا لحاج الحاجة لي تخصر خاطرك ما كاينة
ح عبد الجليل: نتا كتعرف ولدي إدريس الأخلاق وحسن المعاملة وخدام تبارك الله من بعد ما كمل قرايتو ودبا راه دافع ف برطمة
إبراهيم: ايييه هادشي عارفو والله يزيد ويبارك
ح عبد الجليل: ايوة الإنسان لي عندو هادشي فلبلادنا كتبقا ليه حاجة وحدة
إبراهيم بحال ايلا بدأ يفهم: لي هي ا سي عبد الجليل
ح عبد الجليل تبسم بسخرية ضغيا طير الحاج وقال عبد الجليل: لي هي يكمل نصف دينو
إبراهيم مخنزر: ايوة الله يسهل عليه الكاضو المخير يجيه
ح عبد الجليل: حاجتنا عندك ا سي إبراهيم بغينا ياقوت ليه عروسة
إبراهيم باستنكار: شكون ياقوت؟؟!! ؟
ح عبد الجليل بدأ يطلع ليه الخز صابر ليه غير بزز: بنتك ا سي إبراهيم
ناض وقف إبراهيم كيتنطر ويكشكش غير بوحدو ووقف حتي سي عبد الجليل
إبراهيم: انا ا سي ما عندي بنات للزواج وكانشوف نيت لاش جيتي عندي ونتوما فهاد الحي تا واحد ما كيقول ليا حتى السلام مقاد تقول واكل ليكم رزقكم ساعة نتا عينك على ديك الفاجرة
ح عبد الجليل: أعوذ بالله من الشيطان الرجيم بنتك من اطيب خلق الله وكل
مخلاهش يكمل إبراهيم: ا سيدي عطيني بالتساع ما عندي بنات للزواج(شاف الناس تجمعو وزاد فغواتو) من اليوم هانتوما عرفتوها انا ما عندي بنات للزواج انا والد غير الرجال عندي ثلاثة الولاد فقط ولي كيعرف با يمشي يدعيه
سي عبد الجليل مشا لدارو كيحسبن ماعاجبو حال والناس فالحي كيشوفو اش هاد الأب واش هاد الأم واش ذنب ياقوت.
ياقوت لي لفوق من بعد ما دخلات للدار وبدلات حوايجها على نفس أنغام أمها كتغسل ماعن الفطور والغدا والgوتي ورادة طاجين لعشا ليهم حتى كتسمع صوت باها طلات من شرجم الكوزينة وسمعات الحوار فهمات بلي جاوها الخطاب وترفضو ماهتماتش ولكن عارفة رأسها غاتاكل قتلة من مينة
💞💎💞💎💞💎💞💎💞💎💞💎💞💎💞💎💞
والله يا ربي واش هاد المكتاب
أنت تقرأ
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
