💞💎ياقوت💎💞 ( مكتملة )

الجزء 34

                                       🌛 رمضان كريم 🌜

                                     💞 💎 ياقوت 💎 💞
                                            

وصلات للحي لي باقي الحركة ضايرة فيه بحال الى ماشي الحضاش ونصف ديال الليل هادي لقات محماد يالاه كيدخل داكشي لي عنده قدام المحل بمساعدة الحسن والحسين لي كيخرجو يعاونوه الى ما قاريينش فالصباح وقفات عليهم بابتسامة
ياقوت: بااا محماااد ااش خباارك الحسن الحسين لباااس عليكم
عقد حواجبه محماد ماموالفاش تعطل حتى لهاد الوقت: بتي ياااقوت ااش هااد الوقت هااح وتشووفك فااضمة
ياقوت بابتسامة مريرة البراني خايف عليها وامها هي لي مصيفطاها فهاد الوقت: باا محمااد كنت مع ماما عند خالتي فاطمة صايبت ليها شي حلوى اييوة وراه غادي تبات هي والدراري وصيفطاتني للدار
محماد عقد حواجبه مخلي الحسن والحسين مكملين وهو مكمل الحوار معاها: اييوة غاادي تباتي بووحدك حتى سي ابراهيم مزال ما رجع
ياقوت حمدات الله فخاطرها: مزييان نيت غدا راني فايقة بكري خاص نمشي للسطاج اا باا محمااد وغادي نبدا غدا انشاء الله
محماد فرح وما قداتو فرحة: ااا الحمد لله اا ربي كبير اا بنتي الله يسهل عليك الله ييسر لييك اا بنتي
ياقوت طبطبات على دراعه وتمشات مودعاه: سلم على خالتي فااضمة اا باا محمااد
دخلات للدار لي كان السقيل فيها غافلة على العيون لي مراقبينها لا هي ولا محماد لي لقا ولاده كملو سد كلشي بالقفولة ونزل الريدو ومشا لدارو هو ووليداته ما عارفينش اش مخبية هاد الليلة للكل
اما ياقوت طرقات البيبان حيت غير بوحدها فالدار حتى الناس لي كاريين عندهم راه ما كاينينش طلعات للسطح تاكدات واش الباب لي تما مسدود عاد هبطات طرقات الباب ديال الدار ومشات للبيت ديالها واخا ما كاين حتى واحد فالدار ما قرباتش ليهم لداكشي ديالهم حتى من الكوزينة مامشاتش ليها عمرات غير الماء من الكوزينة وصافي
اما لتحت جوج ديال الناس جايين لنفس الباب مسلتين من بعد ما تقطع الحس فالحي واحد فيهم توخر ملي بان ليه الخيال ديال شي حد سابقو بقا واقف كيشوف شكون لي داخل لديك الدار وسابقو ليها ومسلت بديك الطريقة جاه العجب وبقا مسلت حتى هو تابعو حتى يشوف اش بغا يدير وعاد يتدخل ديك الساعة
تحل الباب ديال الدار بعد عناء كبير كان جايب معاه ساروت باص باغ تو ودخل للدار باقي كيتسلت سد الباب ما كاملاش دقيقتين تبعو الشخص الثاني بنفس الطريقة
اما هي الفوق فالبيت بوحدها وجدات حوايجها لي غادي تلبس الغد ليه احسن ما عندها سروال قصير من لتحت سخون غرونة طالع على الصرة بصميطة ديالو فنفس اللون لاصقة فيه كاتجي طالعة وجدات معاه تريكو رمادي ديال الصوف الخفيف دي بوط ميني طالون قصار فالاسود مع صاك بصمطة رقيقة طويلة حتى هو نفس اللون ديال البوط دارت فيه الفلوس لي تحتاج ووراقيها لي قالو ليها باش يصايبو ليها البادج دارت مذكرة فين تبقا تنوطي المعلومات لي تحتاج
قفزات على صوت التقرقيب قلبها وقف وشداتها الرعدة بالخوف السبب لي مخليها تلصق فدارهم هو هذا يهم عليها شي حد وياخد ليها أغلى ما عندها شرفها وكرامتها