💞💎ياقوت💎💞 ( مكتملة )

الجزء 20

                                  🌛 رمضان كريم 🌜

                                 💞 💎 ياقوت 💎 💞
                                       

ياقوت: خالتي الحاجة بسلامة عليكم انا خاصني نمشي
ح.زينب:ايوة شفتي كيف خارجة منك بحال العسل ما سخيتش بيك ولكن دبا عندنا نيم ديال تيلي وقت ما عيطت عليك أجي ونتي وقت ما حتاجيتي شي حاجة وماعيطتيش نتقلق منك
ح.يونس: ودبا ولات بحال بنتنا وحنا بحال جدها وجدتها ايلا ماجاتش تشوفنا غادي نتقلقو منها
ياقوت مشات باست ليهم يديهم: لا حاشا غادي نجي نشوفكم ولكن ماتقلقوش مني
مدات ليها ح.زينب ظرف مسدود حطاتو ليها فالصاك وعنقاتها
ح.زينب: ابنتي شيفور يوصلك وبدون اعتراض حيت راه طاكسي صعيب تلقايه هنا يجيبك ولكن صعيب تلقايه يرضك
مشاو معاها كلهم حتى لباب الفيلا عاد توجهات الدروج لقات شيفور ركبت حداه وعطاتو اسم الشارع الكبير وصلها هبطات من بعد ما شكراتو بان لها إدريس واقف فالدخلة ديال الحي ما عطاتش الأمر أهمية حتى وصلات حداه ووقفها
إدريس كان محكم فأعصابو لأقصى درجة: ياقوت شكون هاداك لي وصلك
ياقوت شافت فيه بنظرة واش معايا واش من نيتك حيت عمر شي حد هضر معاها فالحي
ادريس بالغوات: شكون هداك ا ياقوت
ياقوت: راك ماشي خلعتيني بهاد الغوات لي كدير ولكن نيت خصني نوضح معاك شي أمور أولا ماشي صوقك شكون وصلني ثانيا عطيني بتيساع ماتبقاش كل مرة شاري ليا صداع كل مرة ناكل قتلة باطل سمعتي فوت جرتي ايلا بغيتي تزوج عطا الله لبنات انا ماشي ديال الزواج براكة عليا غير همي ما تزيدنيش حتى نتا عفاك
ادريس: شفتي لا نتي لا واليديا ولا حتى واليديك غادي تحرموني من زواجي بيك وعقلي فين قلتها ليك
ياقوت مشات وخلاتو مناقصاهش ماشي هو اللول ولا الأخير لي كيجي يخطبها ولكن هو لي داير كيخيط الخراز حتى خلا والديها يشكو واش بيناتهم شي حاجة اما إدريس خلاتو غا ينفجر هو من صغرو كيموت عليها أي حاجة كيديرها فحياتو حتى كيفكر ليهم بزوج حتى فاش كبر ولا كيخرج مع صحابو كانو ديما كيديو معاهم البنات كانو كيقولو ليه ايلا كانت شي وحدة فييغج وكنتي سببها تزوجها كان كيقول ليهم واخا تحمل gاع طيحو ولا تمشي هي وياه ومنتزوجش بيها انا مرتي مضمونة

ياقوت وصلات لعند با محماد سلمات عليه ودخلات عند فاضمة شرحات للدراري شي حاجات ما كانوش فاهمينهم عطاتها عشاها لي كان عبارة على بيصارة فهاد شتاء
فاضمة من الكوزينة كتهضر: واش باقي عندك زيت العود ا ياقوت
ياقوت: ايييه ا خالتي فاضمة باقي قولي عفاك لبا محماد يعطيني غير 1/2 لتر حليب وواحد الخبيزة باش نفطر وفرماجة
فاضمة: نقوليه غير الحليب والفرماج راه الخبز درت ليك 2 gريصات
ياقوت باست ليها على يديها من بعد ما جلسات حداها وجبدات صاكها حلات الظرف لي عطاتها ح.زينب قدام فاضمة حتى كيتصدمو بجوج كان ظرف فيه 5000 درهم شافو فبعضياتهم

                 💞💎💞💎💞💎💞💎💞💎💞💎💞
ولا تقنطوا من رحمة الله يمكن ما تلقاش الخير ف القريب ولكن ربي كيدير ليك ناس ف طريقك لي كيزيدو لحياتك حلاوة
العائلة زوينة إلى كانت عائلة نيت ماشي غير حاملين لنفس الاسم والدم