တစ်နှစ်မှာတစ်ခါပဲ ခရီးထွက်ဖို့အားလပ်ရက်ရတဲ့ အဖေနဲ့ ကလေးထွက်ဖို့ပြင်နေတဲ့ကလေးမလေးဟာ ခရီးသွားခါနီးမှာ လေယာဥ်မထွက်တဲ့အခါ သေလုမတတ်ငိုပါသတဲ့ ...
အမြဲမအားလပ်တဲ့ အမေက ကစားကွင်းလိုက်ပို့မယ်လို့ကတိပေးထားပြီး ကတိမတည်နိုင်တော့တဲ့အခါ ကလေးငယ်ဟာ အူလှိုက်သည်းလှိုက် ငိုပါ သတဲ့ ....
အလုပ်ရှုပ်ချစ်သူနဲ့ Movie date မယ့်ကောင်မလေးဟာ ရုပ်ရှင်ကြည့်ခါနီး မှာ ချစ်ရသူရောက်မလာလို့ ရင်ကွဲလုမတတ်ငိုပါသတဲ့ ...
xxxx
" မေ ကဘယ်သူ့ကိုကြိုက်နေတာလဲ "
" မေ က ဘောလုံးအသင်းထဲက တစ်ယောက်ကိုကြိုက်နေတာ ထင်တယ် "
" ဟုတ်တယ် team ထဲကမှန်းသေချာ ပေမဲ့ ဘယ်သူမှန်းမသိဘူး "
တိုးတိုးပြောသံတွေကိုကြားတဲ့အခါ မေ ခပ်ရေးရေးလေး ပြုံးလိုက်မိသည်။
" ပုံပြင် .. ဘာလို့ ငါ့ကို ဘောလုံးအသင်းထဲက တစ်ယောက်ကိုကြိုက်နေတယ်လို့ထင်ကြတာလဲ"
" နင်ကနေ့တိုင်းသွားကြည့်တာကို "
" ငါတစ်ယောက်တည်းမှမဟုတ်တာ "
" တူလား ~ ဘောလုံးပွဲကြည့်တဲ့ မိန်းကလေး ၂ဖွဲ့ရှိတယ် အားကစားကို အစတည်းက စိတ်ဝင်စားတဲ့အဖွဲ့ရယ် ၊ Team ထဲက ကောင်တွေရဲ့ ရည်းစားတွေရယ် "
" ဒါဆိုနင်ကရော ~"
"ငါက နင်ခေါ်လို့သာ လိုက်ထိုင်နေတာ အဲ့ကောင်တွေကိုလိုက်မှမကြည့်တာ ~ သူတို့လည်း ခေါင်းပါတယ် ဒီလောက်တော့တွေးတတ်မှာပေါ့ "
" ငါက မကြိုက်ပါဘူး "
" တော် ~ တန် ~ တိတ် နင်ကြိုက်နေတဲ့သူ နာမည်ပြောပြရမလား "
" ဆိုစမ်းပါအုံး "
" စွမ် "
" ဟဲ့ ~ တိုးတိုး "
" အမလေး ဒါများ မရှိဘူးလို့ငြင်းချင်သေး "
" နင် ဘယ်လို သိ "
" အမလေးလေ မသိမှ အံ့သြဖို့ကောင်းတာ Locker ထဲမုန့်ထည့်ပေးရတာနဲ့ အအေးထည့်ပေးရတာနဲ့ ၊ အာကစားပွဲကြောင့် အတန်းပျက်ရင် စာတွေ မိတ္တူကူးပြီး ခုံအောက်ထဲ ထားပေးရတာနဲ့ "
YOU ARE READING
Enjoy Being A Villain [ Completed ]
Teen FictionAlternative Title ဗီလိန်အဖြစ်မွေ့လျော်ခြင်း _ ဗီလိန္အျဖစ္ေမြ့ေလ်ာ္ျခင္း ***This fiction is own creation***