💞💎ياقوت💎💞 ( مكتملة )

الجزء 47

أصبحنا وأصبح الملك لله ولا حول ولا قوة الا بالله العلي العظيم
فاقت عظامها طايحين عليها بسباب الماعن لي حكات البارحة لبسات حوايجها هزات تيلي ديالها كتفكر واش تزعم وتبدله تشري واحد مزيان ولا تزيد تخبي الفلوس حتى بان ليها ايمايل من الشركة مفاده أنها خاص تمشي للشركة ديال الإدريسي ابتداءا من اليوم تحت إشراف الريسالي طبعا لي حتى هو غادي يبدا معاها تما فرحات بهاد الخبر واخيرا غادي تدخل للشركة ديال الادريسي من ابوابها الواسعة ربما حلمها هو هذا انها تخدم وتشتاغل معاهم ربما هذا غير سطاج وغير وقيتة ديال الشراكة مع رمزي لكن ما كيهمهاش هي كان ممكن تدخل تسطاجي عندهم لكن ما بغاتش حتى شي تدخل من طرف لا الحاجة ولا الحاج الادريسي
خرجات ونيشان للخدمة ديالها ولي طبعا غادي تكون هاد المرة فشركة الادريسي خدات طاكسي حيت ما غاديش تمشي للشركة ديال رمزي واخا الشركات جاو قراب شوية لبعض لكن ما بغاتش
وصلات واخيرا للباب الرئيسي ديال الشركة ديال الادريسي ونيشان للاستقبال لقات البنت لي لقات اليوم الاول ولي كانت ظناتها جايا على الميناج حتى تصدمات بالديبلومات لي عندها لقات باقي نفس البنت ما عقلاتش عليها لكن ياقوت ما تنساهاش
وقفات بشموخ ثاني وبابتسامة: صباح النور ختي الله يخليك مسيو الريسالي واش وصل ولا مزال
هزات فيها راسها ما عندها ما يدار لكن دايرة فيها مشغولة: احمم شكون نتي وعلاش بغيتيه
قاطعاتها ياقوت: ااناا الراضي ياقوت غادي نكون تحت الإشراف دياله للعرض لي غادي يكون مشترك بين الشركتين
وقفات البنت لي فالإستقبال بلا عوين غادي طيح غير بالخوف كيصحاب ليها شي كادر كبير فشركة رمزي وقفات وتوجهات هي وياها لواحد المجموعة كاينين كلهم فالإستقبال قدامهم حواسيب لكن قبل ما توصل ليهم لازمك تvاليدي لا كارط ديالك حيت الشركة مع الدخلة كتلقا ديك البنت الأولى ومن بعد كاينين دوك لي ماشين باش يvاليديو عاد كدخل لقلب الشركة نيت
فاليدات البنت بواحد لا كارط وخلات حتى ياقوت تدخل قصدات بيها المسؤولة على الاستقبال: مادام هاد الانسة هي لي من شركة رمزي مع مسيو الريسالي
هزات الأخرى راسها بابتسامة: انسة ياقوت الراضي
حركات راسها ياقوت بابتسامة: وي هي انا
تقدمات فاتجاه المصاعد لي تما كاينين شي ستة مصاعد: تفضلي معايا انسة ياقوت
خداو احد المصاعد وللطابق الأخير توجهو مع تحل الباب حلات ياقوت فمها كان طابق قمة فالروعة مكاتب زجاجية كلشي كيبان وهي كدور عينيها هنا وهنا واخا هي غريبة دخلات للشركة لكن حتى شي واحد ما كيهز راسه باش يبرgg كلشي مديها فخدمته وصلو آخر الرواق لي كان مقسوم جهة اليمين والاخرى اليسار كانو الحيوط بالعود والجلد الرفيعين جهة اليمين كضم مكاتب اخرى خاصة برؤساء الشركة واليسار كانت قاعة للاجتماعات كبيرة ولها اطلالة زوينة
وصلات المسؤولة دقات وحلات الباب ديال اول مكتب على اليمين حلاته ودخلات: مسيو الريسالي وصلات الانسة ياقوت
هز راسه الريسالي كان راجل فالاربعينات: مرحبا ب انسة ياقوت (ابتاسم) شحال ونتي فالشركة معانا ويالاه كتاب نشوفك (شير ليها لواحد المكتب على اليسار) هذا المكتب ديالك (شاف فالمسؤولة) وااش مسيو الإدريسي جا
المسؤولة بابتسامة: باقي اا مسيو الريسالي ملي يجي غادي تعلمو الكاتبة ديالو انشاء الله
انساحبات هي وياقوت توجهات للمكتب ديالها بقا شحال الريسالي كيشرح ليها بعض الاشياء وحتى هي مستمتعة بالمعلومات وفوقما قال ليها شي معلومة زوينة وجديدة كتقيدها فالمذكرة باش ما تنساهاش