عندما تتنفس الكتب.. رواية للكاتبة/ندى محسن ♕Noody♕

الحلقة 12

#رواية_عندما_تتنفس_الكتب♡
للكاتبة/ندى محسن ♕Noody♕
متابعة لصفحتي هنا 👈#Nada_Mohsen

سالم بحنان وقلق
-مش عارف ايه اللي بيحصلك دا
نغم تضمه بإبتسامة شاردة وحب قاطعهم صوت كريم
-صباح الخير
نغم دفنت وجهها بسالم واغمضت عيناها بضيق
كريم بقلق مبتذل
-حمدلله على سلامتك يا نانا
نغم لم تنظر له
نادية ابتسمت
-الله يسلمك يا كريم...
كريم مد لها حقيبة
-خدي يا نونة دا علشانك
نادية تعجبت
-ليا انا دا ايه دا؟
فتحت نادية الحقيبة المزينة وجدت حلبه عريضة فتحتها وجدت قلادة من الذهب رقيقة وجميلة نظرت له بتعجب
-ايه دا يا كريم؟
كريم ابتسم
-سلسلة شوفتك فيها
نادية ابتسمت
-تسلملي يا روح قلبي
سالم نظر لها بحدة
-ملوش لزوم دا يا كريم
كريم بتأكيد
-دي حاجة بسيطة انت متعرفش غلاوة نونة عندي والله كفاية انها كانت سبب في اني ارتبط بنغم اللي قريب هتبقى مراتي تسمحلي يا عمي اقعد معاها شوية
سالم بعدم رضا
-ملوش لزوم يا كريم احنا كلنا قاعدين هنا
كريم اقترب منها فأبتعد عنها سالم وهي نظرت لكريم بضيق
كريم فتح علبة ومدها لها
-انتي لحد دلوقتي ملبستيش الخاتم بتاع الخطوبة بحجة اممم اقصد علشان بيتعبك الأنسيال دا بقى مش هيتعبك خالص
نغم نظرت له وهو ابتسم
-هاتي ايدك يا نغم
نغم هزت رأسها بنفي
محمد بضيق
-مش وقته دا يا كريم...
نور ذهبت تعد الشاي وهي تتوعد لكريم وضعت بالشاي الكثير من زيت الخروع
-نغم منعاني اتكلم ومش عارفة ليه بس دا مبيمنعش اني اضايقك لحد مفكر في مصيبة تاخدك قبل الفرح..بإذن الله يعني....
اتت بالشاي ونغم ترفض ان ترتدي هذا الأسوار
-اتفضل
كريم نظر لها بتهكم
-تتحسدي مش ناوية تسلوقيني بيها؟
نور نظرت لعبد ارحمن وابتسمت
-لا يا كريم دا انت حتى زي اخويا سوري بقى
مدته له ووزعت الشاي على الباقي وكريم يشربه وهو ينظر لنغم متفحصآ لها
-انتي حاسة بأيه دلوقتي؟
نغم لم تنظر له
نادية بإحراج
-نغم بيسألك
نغم نظرت لها ونظرت امامها
كريم بحزن مبتذل
-نغم انتي زعلانة مني؟؟
نغم لم تنظر له واغلقت عيناها
ومريم شرب الشاي سريعآ ونظر لنادية هامسآ
-ممكن تكلمي عمي....انا بس عايز اتكلم معاها بسرعة....
نادية هزت رأسها بتردد ورحلت
نور تتابع كريم بإبتسامة خبيثة ودلفت للحمام اغلقته وهي تنتظر بالداخل
-هخليك تتنطت يا كيمو متستعجلش يا كركر....يعععععع بني ادم مقزز...
نادية نادت على محمد وعبد الرحمن وارسلتهم ليأتوا بطعام وفواكه لنغم وبعد ذلك نادت لسالم لتتحدث معه
-سالم سيبه يقعد معاها شوية دا جنبنا يعني وخاطيبها وابن عمها دا ان عمها يعني اقرب حد ليها
سالم بضيق
-مخنوق منه مش عارف ليه مشوفتش منه حاجة وحشة بس مش مرتاح يا نادية.... دا ابوه كان دايمآ يشتكي منه فجأة كدا معانا بقى ملاك....
نادية بضيق
-بيحب بنتك يا راجل ومشوفناش منه حاجة وحشة
كريم اقترب جل بجوار نغم امسك بيدها فأفلتتها تنهد بضيق ووضع يده على قدمها وهو يتحدث
-انتي حاسة بأيه ايه اللي تاعبك؟
نغم حركت قدمها بتقزز حركة خفيفة ليندهش وينظر لها فتنظر له بغضب
كريم بذهول
-انتي حركتي رجلك حركة ضعيفة يعني بتتحسني
نغم ادارت وجهها ليعيد رأسها امامه ويهمس بغضب
-بردو هتفضلي عروسة احركها زي منا عايز لازم نتجوز في اقرب وقت هااانت هانت اووي...بس تعبك دا اللي بيعطلنا وبيديكي حجج كتير اوي يا نغم.....بس هانت مش هتطولي...