خمسة وسبعين بارت .. ظالمي الهرجائي خلصت واجت النهاية
اول تعريف للرواية نزلتو كان ب 17/6/2020 وآخر بارت نزلتو ب -6/4/2021 عشر اشهر تقريبا كانت رحلتي مع الرواية ... رحلتي معكم ... رحلة من اروع تجاربي
تعرفت فيها على صديقات وخوات غاليين .. دائما كانوا معي
ودعموني بكلشي .. دائما وقفوا معي وكانوا سبب اني اوصل لهاد اليوم
ظالمي الهرجائي تعد اولى تجاربي بالكتابة بغض المظر عن يلي كتبتو قبل ... بعمري ما كنت رح اتخيل اني رح اكتب رواية !! وخصوصا بعمري هاد ... بعمري ما تخيلت انو رح يكون في للكتابة دور بحياتي .. بس دخلت الكتابة حساتي من اوسع أبوابها... هاي الابواب بلشت تفتح بالنسبة الي بشكل اكبر .. مثل اني اشارك بمسابقات كتابية بالمدرسة وعم شارك كمان
كنتو دائما سندي واثبتوا هاد الاشي بجدارة .. البنات يلي كانوا معي من بداية طريقي ولليوم والبنات يلي دخلوا جديد
بشكرككم وحدة وحدة على كل الدعم يلي قدمتولي اياه
بحبكم كتيير بدون استثناء
💫🌟💫🌟💫
اما بخصوص موضوع وردتني عنو أسئلة كتيرة ويلي هو
الرواية الجديدة
بصراحة انا عندي عدة افكار وبقدر ابلش رواية جديدة بقصة مختلفة تماما عن ظالمي الهرجائي
بس اذا قررت اني ابلش رواية جديدة ما رح تكون قبل نهاية شهر خمسة .. هاد قرار اخدتو بعد ما كنت مقررة اني ما ارجع برواية اساسا .. بس كتير بنات بدهم اني ابلش برواية جديدة وما اترك لهيك اخذت هاد القرار لعدة اسباب أهمها دراستي... هاي الفترة كنت اواجه صعوبة كبيرة بالدراسة بسبب انشغالي بالكتابة من جهة وامتحانات من جهة تانية
ولسبب تاني هو انو عنا عرس بشهر خمسة وهو عرس اخوي ويلي مجربة رح تعرف اديش هاد الاشي بياخد وقت من تحضيرات للعرس والسهرة وتجهيز البيت وكتير امور
اذا بلشت برواية جديدة هاي الفترة رح اظلمها واظلم حالي قبلها
وبعيدا عن كل الاسباب في سبب مهم كل كاتبة رح تفهمني فيه .. حابة آخد استراحة بعد تعب كتير كبير ... لانو بكل وقت فراغ إلي بعد دراسة كان يمتلأ بالكتابة بدون راحة .. حبي للكتابة وللرواية وإلكم هو يلي خلاني استمر بدون تراجع
الحمد الله خلصت بنجاح
هاد كلشي رح احكيه بالنسبة للرواية ... قراري بإني ما اترككم قائم بس هاي الفترة كتير صعب ... رح اضل معكم ما
رح اسكر حسابي .. رح اتفاعل معكم على الحلقات وبعدها عن النهاية للمسلسل ... رح انزل ستوريات ... حتى اذا صار معي وقت وبلشت بعد فترة بتخطيطات للرواية بحال ما صار معي اشي رح اشارككم بعض الاشياء بخصوصها
بتمنى انكم تضلوا معي وداعمين إلي لحتى فترة رجوعي على ساحة الكتابة لانو ما بتوقع رح ابلش برواية في حال ما كان في حدا
بحبكم كتيير بدون استثناء حبايبي الغاليين
