ဗီလိန်ရဲ့ လမ်းပြကြယ်

အပိုင်း(၂၄)

ဒီနေ့ PEဆရာက ဘယ်လို ထူးဆန်းတဲ့ မီးခိုးမှိုင်းအတိုက်ခံထားရတာလဲဆိုတာ ဘယ်သူမှ မသိကြဘူး။ အတန်းတစ်ချိန်က ၄၅မိနစ်ကြာတယ်။ အတန်းactivity လုပ်ပြီးသွားတဲ့ အချိန်မှာတော့ အတန်းချိန်ပြီးဖို့ ၅မိနစ်ပဲကျန်တော့တယ်။

ဒီအတန်းတစ်ချိန်လုံး PEဆရာ စီစဥ်ထားတဲ့ activityတွေကို ဆော့ရင်းပဲ အချိန်ကုန်ခဲ့ရတယ်။

စာသင်ခန်းထဲပြန်ပြီး စာဖတ်ချင်နေတဲ့ ချောင်လန်တစ်ယောက်လဲ အချိန်ကိုကြည့်လိုက်တယ်။ နောက်ဆုံးတော့ အချိန်မရှိတော့လို့ အတန်းထဲပြန်မသွားတော့ဘဲ ခေါင်းလောင်းမြည်မဲ့အချိန်ကိုပဲစောင့်လိုက်တော့တယ်။

အချိန်ကလဲ၅မိနစ်ပဲကျန်တော့တာ ဆိုတော့ အားလုံးလဲ ဘယ်မှမသွားကြတော့ဘဲ လမ်းလျှောက်ရင်းစကားတွေပြောနေကြတယ်။ အထူးသဖြင့် အခုဒီမှာ ကျောင်းရဲ့ ဆယ်လီတွေရှိနေတဲ့အချိန်မှာပေါ့။

ဥပမာပြောရရင် ကောင်လေးတွေကြိုက်ကြတဲ့ စုန့်ယောင်လိုမျိုး၊ ပြီးတော့ ကောင်မလေးတွေအများစုကို ဆွဲဆောင်နေတဲ့ ချန်ယောင်းရန်တို့ ဟောင်ရင်တို့လိုမျိုးပေါ့။ အားလုံးရဲ့ အာရုံက ဒီလူ၃ယောက်ပေါ်မှာပဲရှိနေကြတယ်။ အားလုံးက သူတို့၃ယောက်ရဲ့ လှုပ်ရှားမှုတိုင်းကို စောင့်ကြည့်နေကြတယ်။

ဒါပေမဲ့ နှစ်ဝက်စာမေးပွဲအပြီးမှာ အဲ့ဒီ့ ၃ယောက်အဖွဲ့ထဲကို နောက်တစ်ယောက် ထပ်ပေါင်းထည့်ခံလိုက်ရတယ် .... အဲ့တစ်ယောက်က ချောင်လန်ပေါ့။

အထက်တန်းပထမနှစ်တစ်နှစ်လုံးမှာ အဆင့်၁..... ဒီ title က အမြဲတမ်းကိုပဲ လူတွေရဲ့ အာရုံကို ဆွဲဆောင်နိုင်တယ်။ ကျောင်းသားတော်တော်များများက သူတို့ကို ကြည့်ဖို့အတွက် အတန်းတွေထဲကနေထွက်လာကြတာဖြစ်တယ်။ ချောင်လန်လဲဒီမှာရှိနေတာကိုသိကြတော့ ကျောင်းသားတော်တော်များများက ချောင်လန့်ကိုလဲ စောင့်ကြည့်နေကြတယ်။

" ချောင်လန်.... သူမက ဟိုနားက ponytailခပ်မြင့်မြင့်လေးစည်းထားတဲ့ ကောင်မလေးလေ "

" သူမက စာမေးပွဲမှာ ငါ့ထက် အမှတ်က ၁၀၅မှတ် တောင်များတာ။ သူမက အရမ်းမိုက်တာပဲ။ ဒါပေမဲ့ သူမက အရမ်းကြီးတော့ မလှပါဘူး။ "