SYMPATHY FOR THE DEVIL (COMPLETED)

CHAPTER THIRTY-ONE (Nightout)

            Nag-book ako ng taxi at nagpahatid sa bar kung nasaan si Karl. Pagdating ko doon ay hindi ko pinansin ang mga sumisipol na lalaki sa akin. Dumiretso ako sa loob at nakakalula ang dami ng tao. Nakakahilo ang iba't-ibang ilaw sa loob. Ang ingay ng tumutunog na mga naglalakihang speakers. Sumasakit ang ulo ko at pakiramdam ko ay gusto ko nang kumaripas ng takbo palabas. Pilit akong kumalma at pumuwesto sa bar area. Humingi ako ng tubig sa bartender at nang maibigay iyon sa akin ay talagang inubos ko. Tapos ay ilang beses akong huminga ng malalim.

            Nang maramdaman kong okay na ako ay iginala ko ang paningin ko. Hinahanap ko doon si Karl. Napangiti ako nang makita ko siya na nasa isang sulok at napapaligiran ng mga babae. Tumatawa pa. Halatang lasing na lasing na. Parang hindi namatayan ng kapatid ang hitsura. Umorder ako ng scotch on rocks sa bartender at ito ang ibibigay ko kay Karl.

            Naghihintay ako sa ginagawa ng bartender nang maramdaman kong nagba-vibrate ang telepono ko. Sino kaya ang istorbong ito? Mahina akong napamura nang makita kong si Martin ang tumatawag doon. Parang ayaw ko nang sagutin. Kaya ko naman si Karl ngayong gabi.

            Pero ayaw huminto nang pag-vibrate ng telepono ko. I cancelled his call pero maya-maya ay text naman ang na-receive ko.

            Where are you?

            Napataas ang kilay ko sa text niya. At kailan pa naging interesado ang lalaking ito kung nasaan ako?

            With friends. Iyon na lang ang ni-reply ko.

            Where is that? We need to talk.

            Napangiwi ako tapos ay nagpipindot-pindot sa phone ko para sagutin siya.

            Next time, Martin. This meeting with my friends is important.

            Elodie, where the fuck are you? We need to talk now. This is important.

            Naparolyo ang mata ko. Maybe next time. I can't answer you anymore. My friends are calling me now.

            Ini-off ko na ang telepono ko para hindi na niya ako maistorbo pa. Sumenyas sa akin ang bartender at itinuro na okay na ang order ko. Kinuha ko sa bag ang isang sachet at kumuha doon ng isang tableta ng Rohypnol. Ang hirap makuha ang drug na ito. Talagang naghanap pa ako internet para lang makabili nito at kung saan-saang site ako itinuturo. I took one tablet and put it in the glass with scotch.

            I was preparing the drink when someone pushed me and knocked the glass. Napatingin ako sa paligid. May nag-aaway. Fucking bar fight. Pumuwesto ako sa gilid para hindi ako madamay sa nagkakagulong mga tao. Tumitingin ako sa gawi ni Karl pero wala itong pakialam sa nangyayari. Patuloy lang sa pakikipaglandian sa kasamang babae.

            Nahinto naman agad ng bouncer ang pangyayaring gulo at muli akong umorder ng scotch rocks. Nang tumingin ako sa gawi ni Karl ay napakunot ang noo ko nang makitang wala na siya sa puwesto niya. Nagpalinga-linga ako. Saan napunta ang lalaking iyon?

            Lumapit pa ako sa puwesto niya kanina pero wala ng tao doon kundi ibang mga babae na lang. Pumunta ako sa CR at kahit may mga tao sa restroom ng lalaki ay pumasok ako at hinanap ang lalaki doon. Shit. Wala din.

            Bumalik ako sa bar area at naupo doon. Patuloy pa rin akong tumitingin sa paligid sa pagbabakasakaling makita ulit doon si Karl. Pero wala talaga. Medyo naubos nga ang mga tao sa loob dahil nagkaroon ng gulo. Siguradong na-spook si Karl dahil sa nangyari kaya umalis. 

            Halos kalahating-oras din akong naghintay pero tingin ko ay hindi na babalik ang lalaki. Nagbayad na lang ako at tumayo na. Sumiksik ako sa makapal na tao para makalabas at sinubukan ko pa rin na hanapin si Karl sa paligid pero wala na talaga.