Legends: Mythical Glory (Season, #2)

111: Terra Sacratua

111: Terra Sacratua

"I have already sent a signal to them." Sabi ni Van habang hawak ang mapa na itinawala kay Celestial. Good heavens, buti na lang hindi ito nasira nang lumaban si Celestial sa ilalim ng tubig. Basa nga lang ngunit safe pa rin naman dahil matibay ang lagayan nito. Hindi makatingin si Celestial kay Van dahil muntik niya nang masira ang importanteng bagay na 'yon.

"Maaari ko bang itanong kung bakit hindi ninyo kasabay ang iba niyong kasama?" Tanong niyong sirenang tumulong sa kanila kanina. Dinala sila nito sa kanilang teritoryo. Hindi naman pala sila laging nasa ilalim ng tubig. May lungga rin ang mga sirena sa dalampasigan.

"Long story," tipid na tugon ni Van. Hindi mai-kwento ang kapalpakan na nagawan ni Celestial sa paggawa ng portal. Kung iisipin ay halos nakatulong naman ito, nawalan nga lang sila ng koneksyon sa kanilang mga kasamahan na hindi rin mabuting bagay.

"Ako nga pala si Mayo. I'm the Princess of Northern Mermayde," pagpapakilala ng babae. "This is my sister, Sora." Tukoy nito sa babaeng kasama, iyon ang babaeng nanguna sa paglaban sa mga masasamang sirena.

"Greetings, your highness." Pagbati ni Van. "I'm Giovanni Marcus, the first prince of the Kingdom of Eufrata."

"Welcome to our humble home, your royal highness." Pagbati naman ni Mayo.

Nakatulala lang si Celestial, hindi alam kung pano magpapakilala. Iniwasan niya ang tingin ni Van at nakuha naman iyon kaagad ng Prinsipe na iniba na lang ang usapan.

"You know we are in a hurry. We need to get to the border as soon as possible to get the hydor stone. Pagdating ng aming kasamahan ay dederetso na kami doon, pero kailangan namin ng tulong mo." Walang paligoy-ligoy na sabi ni Van. "Evil sirens are everywhere, and I believe they are stronger here than any places in the land of Beryllus."

Tumango si Mayo. "Yes, sirens and mermaids are the strongest when they're in Mermayde. Or should I say when they are from Mermayde. It's our origin and territory, kaya naman doble ang lakas namin. Wala nang napapadpad na lalaking hunter sa lugar namin dahil walang nakakalabas na buhay kagagawan ng masasamang sirena. Kung napansin ninyo, mabilis na nanghina ang Prinsipe, sa lugar kasing napuntahan ninyo ay nababalot ng kapangyarihan ng evil sirens kaya mahihirapan talagang maka-recover ang sinumang lalaki doon."

"Kaya pala," bulong ni Celestial.

"Even the wolves, kapag sinusubukan nilang sumalakay sa amin ay doon namin sila dinadala. Sa lugar na iyon kasi'y magiging mahina ang kalalakihan dahil isinumpa ang lugar na 'yon. At dahil doon ay pinamugaran na sila ng evil sirens dahil mabilis silang makahanap ng biktima roon." Pagpapatuloy ni Mayo.

"Thank you for helping us," ani Van. "Nais ko sanang sabihin ang aming pakay at humingi ng tulong."

"About that," tugon ng Prinsesa. "Ikinalulungkot kong sabihin pero wala sa amin ang hydor stone. Para sa kaligtasan ng bato at para na rin sa aming kapayapaan, inilayo ang batong iyon sa Mermayde." Sabi nito.

Ibinaba ni Van ang mapa at itinuro ang lugar na target nila. "Don't worry, hindi dito ang pakay namin. Sa boundary. Ayon sa aming nakalap na impormasyon, naroroon ang bato."

"Sa pagkakaalam ko'y nasa Mermayde..." Singit ni Sora. "Ipagpaumanhin ninyo ang aking biglaang pagsingit ngumit ang alam ko'y nasa Mermayde ang bato."

"Iyon din ang alam ko," dagdag ni Mayo.

Umangat ang kilay ni Van. "Sigurado ka ba? Kakasabi mo lang na wala sa inyo."

"Ang ibig kong sabihin hindi namin mismo hawak ang bato ngunit nasa Mermayde. Nang nasa amin kasi ang bato, araw-araw kaming ginugulo ng Abyss. Kaya naman itinago ang batong 'yon sa lugar kung saan pili lamang ang nakakapasok ngunit walang nakakalabas na buhay." Sabi ni Mayo.