SYMPATHY FOR THE DEVIL (COMPLETED)

CHAPTER NINE (First Time)

Muli ko siyang tiningnan nang malinis ko na ang babae. Napakunot ang noo ko dahil hindi pa rin nawawala ang dugo sa katawan niya. She was still bleeding. Agad kong tiningnan kung saan nanggagaling iyon. Sa dibdib at sa tiyan. Nang masusi kong tingnan ay napamura ako. She got two bullet wounds. Fuck this. Muli kong tinawagan si Declan pero hindi na siya sumasagot sa tawag ko. Marahan kong hinilot ang ulo ko at nag-iisip kung ano ang gagawin ko sa babae. She needed a fucking doctor. Pero kung dadalhin ko siya sa ospital, siguradong magkakagulo. Magkakaroon ng imbestigasyon. Malalaman ni Matthias na hindi ko itinapon ang babaeng ito. Her life would still be in danger kahit makaligtas siya.

Tumayo ako at dumiretso sa banyo. Binuksan ko ang medicine cabinet at kumuha ng Betadine, gauze, surgical forceps, scissors. 'Tangina. Bahala na kung anong mangyari sa gagawin ko. I've done this in missions. Sa mga kasama ko noon na nababaril. I knew how to do first aid sa mga gunshot wounds, but I didn't know if there were vital organs that were hit in her body.

Inilatag ko ang mga gamit sa kama. Lumabas ako ng kuwarto at dumiretso sa kusina tapos ay kinuha ang alcohol. Dinampot ko din ang bote ng cognac na nakita ko doon. Binitbit ko at bumalik ako sa kuwarto. Nilinis ko ng alcohol ang kamay ko tapos ang cognac ay ininom ko. I needed this para kumalma ako.

Napabuga ako ng hangin at tiningnan maigi ang tama ng babae sa tiyan. Left upper quadrant. Ano ba ang mga organs na narito? Kinapa-kapa ko at lalong madaming dugo ang lumabas sa butas na may tama ng bala. Damn it. I have to do this. Kinuha ko ang surgical forceps at nilinis din ng alcohol tapos ay ipinasok iyon doon para makuha ko ang bala. Bahagyang gumalaw ang babae. Tiningnan ko siya pero latag pa rin ang katawan. Sa tindi ng hirap na naranasan niya, malamang hindi na niya iindahin ang sakit nito. Kinapa-kapa ko para makuha ko ang bala. Shit. Where the fuck are you?

"There!" Para akong nakahinga ng maluwag nang makapa ko ang foreign object sa loob ng katawan niya. Pinilit kong kunin at nang hugutin ko ang surgical forcep ay napangiti ako nang makita kong nakaipit na doon ang bala.

"Fucking 9mm." Tiningnan ko pa iyon maigi at painis na inilagay sa kama. Agad kong tinakpan ng gauze ang sugat at sunod kong tiningnan ang tama niya sa dibdib.

This one was crucial. I didn't know if the bullet hit an artery. Nagdadalawang-isip ako kung gagalawin ko ito dahil baka mas lalong lang mag-cause ng matinding bleeding kapag ginalaw ko ang tama na ito. Iniisip kong hintayin na lang si Declan at magbabakasakaling tutulungan niya ako. Hindi naman siguro siya ganoong kasama at hindi intindihin ang pakiusap ko sa kanya. Ramdam naman siguro niya na talagang kailangan ko ng tulong.

But she was going to die kapag nagtagal pa. Panay ang agos ng dugo mula sa sugat. Dinampot ko ang bote ng cognac at tinungga iyon. Halos lunurin ko ang sarili ko para lang mawala ang kabang nabubuhay sa dibdib ko. One wrong move, I knew I am the one who was going to kill this woman.

"God. Please. Please. Help me with this one," panay ang buga ko ng hangin at muling dinampot ang surgical forceps. Pikit-mata kong ipinasok iyon sa sugat nang maramdaman kong may humawak sa kamay ko.

"Move. Now."

Nang tingnan ko ang nagsalita, iyon ang kaibigang doctor ni Declan. Si Mervin. Naroon din siya at seryosong nakatingin sa akin. Nagugulat sa nakikita niya.

Mabilis akong lumayo at agad na tiningnan ng doctor ang kalagayan ng babae. Napapailing ito at tiningnan ang pulso at mga sugat. Mabibilis ang bawat kilos. Kinuha ang mga gamit na dala at inilabas lahat tapos ay ina-assess ang tama ng bala.

"Two gunshot wounds. One in the abdomen and one in the chest. I took out the one in the abdomen. They used 9mm gun," sabi ko habang nakatingin sa doctor.