ချန်ယောင်းရန်က ရုတ်တရက် ခေါင်းကိုမော့လိုက်တယ်။
ချောင်လန်က....... ထန်းမော့နဲ့တူတူထိုင်ချင်တာလား??? ချန်ယောင်းရန် သူ့နားမှာ ပြဿနာရှိနေတာလားလို့တောင် ခံစားသွားရတယ်။
ချောင်လန်က တစ်ကယ့်ကို အတည်ပေါက်ကြီးပြောနေတာပါ။
သူမ ထန်းမော့နဲ့ တစ်ခုံထဲထိုင်ချင်တယ်။ အဲ့ဒါဆို သူမ သူနဲ့ ပိုပြီးနီးကပ်လာဖို့ အခွင့်အရေးရနိုင်မှာလေ။
ထပ်ပြောရရင် သူမကို တစ်လနီးပါးလောက် လှောင်ပြောင်လာတဲ့အတန်းဖော်အုပ်စုတွေနဲ့ထိုင်ရမှာထက်စာရင် ထန်းမော့က ပိုကောင်းသေးတယ်။
" ဆရာ တစ်ကယ်တော့ ထန်းမော့က အားလုံးပြောသလိုမဟုတ်ပါဘူး။ သမီးသူနဲ့စကားပြောဖူးတယ်။ သူက စကားနည်းတာပဲရှိတာပါ။ သမီးတစ်ကယ် ထန်းမော့နဲ့ တစ်ခုံထဲထိုင်ချင်တာပါ။ သမီးနောက်နေတာမဟုတ်ပါဘူး ဆရာ။ " ချောင်လန်က စိတ်ရင်းအမှန်နဲ့ပြောလိုက်တယ်။
အတန်းပိုင်ဆရာက တုံ့ဆိုင်းနေတယ်။ " ဒါပေမဲ့ အရင်လပတ်စာမေးပွဲပြီးတုန်းက ပြောထားတာက ခုံနေရာတွေကို အဆင့်အလိုက်ထိုင်ရမယ်လို့လေ။ အဆင့်တွေအရဆိုရင် သမီးက ချန်ယောင်းရန်နဲ့ တစ်ခုံထဲမှာ ထိုင်ရမှာလေ။ "
ချောင်လန်က သူမမျက်နှာပေါ်က ရွံရှာနေမှုကိုတော့ ထိန်းချုပ်လိုက်နိုင်ပေမဲ့ စိတ်ထဲက ငြင်းပယ်မှုကိုတော့ မထိန်းချုပ်နိုင်ဘဲ ထုတ်ပြောလိုက် မိတယ်။ " ဆရာ သမီးကို ချန်ယောင်းရန်နဲ့ တစ်ခုံထဲမှာ ပေးမထိုင်ပါနဲ့နော် "
ချန်ယောင်းရန်က ထိန်းချုပ်မှုမရှိဘဲ ရုံးခန်းထဲကို ပြေးဝင်လာတော့မတက်ဖြစ်သွားရတယ်။
ချောင်လန်ဘာလို့ ငြင်းပယ်ရတာလဲဆိုတာ အတန်းပိုင်ဆရာတောင် ရှုပ်ထွေးသွားရတယ်။
" ဘာလို့လဲ "
" ..... ဘာအကြောင်းမှတော့မရှိပါဘူးဆရာ။ ဒီတိုင်း သမီးသူနဲ့ မထိုင်ချင်ရုံပါပဲ။ သူကလဲ သမီးနဲ့ ထိုင်ချင်မှာ မဟုတ်ဘူး။ "
ဆရာက သူတို့ တစ်ယောက်နဲ့တစ်ယောက် ရန်ဖြစ်ထားတယ်လို့ ထင်သွားတယ်။ ပြီးတော့ လေးနက်စွာပြောလိုက်တယ်။ " အဲ့တာဆို ချောင်လန် သမီး ကိုယ့်ကိုယ်ကို သီးခြားကြီး ခွဲမနေသင့်ဘူးလေ။ "
YOU ARE READING
ဗီလိန်ရဲ့ လမ်းပြကြယ်
Romanceဝတ္ထုစာအုပ်ထဲကို ဝိဉာဉ္ကူးပြောင်းလာတဲ့ ချောင်လန်တစ်ယောက် သူမရဲ့ နေရာက ဇာတ်လိုက် မင်းသားကို ကြိုက် မိသွားတဲ့ ဗီလိန်နေရာကဆိုတာ သိသွားတဲ့အချိန်မှာ သူမ ဘယ်လို ကံကြမ္မာကိုပြောင်းလဲမလဲ.... သူမရဲ့ ရှေ့ရေးတက်လမ်းအတွက် ဘယ်လို ပြင်ဆင်မှုတွေလုပ်မလဲ.... ပြီးတေ...
အပိုင်း(၁၈)
Start from the beginning