Sa Bawat Araw

Ang Lunch. Bow.

Pagkatapos ng ilang minuto ay sumilip na naman si Tarra sa office ko. Nakakatrauma na yang pasilip silip niya eh.

"Ate, meron na naman pong naghahanap sa inyo."

"Papasukin mo na. " Naiirita kong sagot. Sino na naman ba ito?

"Hi Amara." Bigla namang lumamig sa office ko. Ang hangin. It's Wilson.

"What brings you here?" Araw ba talaga ngayon ng mga mahilig mang-inis? Talagang nagsabay pa silang dalawa ha.

"I just brought you these. " Nilapag niya ang flowers sa desk ko. "And i was wondering if i can take you out for lunch?" Na naman???? Lunch, ano bang meron sa lunch ha?

"Umm. Maybe i'll think about it. " Sinagot ko nalang para lumabas na siya.

"I hope you'll say yes. See you later." Ang sarap batuhin eh. Lalabas nalang ng opisina, lumalabas pa rin ang kahanginan eh.

Ano Amara? Teenager ka ba? Andami mong manliligaw ah. Well, kahit na maghintay sila dyan, kaya kong maglunch mag-isa.

~~~~~~~~~~

It's 11:30 and i'm going to order food for lunch. And I'm going to eat with myself.

"Mam, meron pa po kayong isa pang bisita. " Napapikit nalang ako dahil nagtitimpi na ako kaya tumayo na ako sa upuan ko at lumabas.

"Sino bang naghahanap sa akin?" Napalingon ako sa mga waiting chairs sa labas at nakitang nandoon pa rin sila Alexander at Wilson. Napalingon din sila sa akin dahil sa lakas ng boses ko. Eh sa naiinis na ako eh. Bakit ba hindi sila nagsabay sabay pumasok sa office ko? Kailangan pang isa-isa.

"Ay ate, paakyat palang daw po eh. Kakatawag lang ng front desk. " Naghintay ako sa pinto at nakita ko naman na nakangiti sa akin yung dalawang lalaki sa upuan. Hay nako. Bahala kayo dyan.

Alexander's POV

I've been waiting here for 30 minutes. Napagkamalan pa kami ng secretary ni Amara na manliligaw niya. Mukhang nabasted din itong katabi ko.

"Sino bang naghahanap sa akin?" Napalingon kaming dalawa dahil sa lakas ng boses ni Amara pagbukas niya ng pinto ng office niya. Napalingon din siya sa amin at tinaasan kami ng kilay. Hay Amara. Still haven't changed.

Mukhang may hinihintay siya that's why she's standing in front of her door. Maya maya pa ay may dumating na babae. I think she's around 14-15 years old. She looks familiar though.

Napatingin naman ako kay Amara at nakita kong sobrang laki ng ngiti niya nung nakita niya yung babaeng yon.

"Calli! What are you doing here?" Tanong ni Amara sa kanya.

"Hi Calli!" Bati naman ng secretary ni Amara.

"Nagdala po ako ng lunch. Hehehe. Tinawagan ko na po kanina si ate Tarra. Sabi ko po surprise. Hahaha. " Pagpapaliwanag nung Calli.

"Sandali lang." Amara said and walked towards us.

"I'm sorry. Pero may kasama na akong maglunch. Maybe next time. Thank you sa paghihintay." At pumasok na sila sa office ni Amara.

"Wow. Napataob tayo nung bata. " Natatawa kong sabi. Ayos lang naman sa akin. Hindi ko naman siya pinipilit. At mukhang close naman na sila nung batang yun.