PET SYSTEM: BE THE FAMOUS PET OF ALL(Myanmar Translation)

Arc-1 (Jun Ren)

Unicode
CHAPTER-1.6

ပုံရိပ်ယောင်ကမ္ဘာကြီးကနေ့လည်ခင်းအချိန်မှာတော့ တိတ်ဆိတ်ငြိမ်သက်လို့နေသည်။ စိတ်ဝင်စားဖို့ကောင်းတာနဲ့ အငြင်းပွားစရာက တစ်ခုမှမရှိပေ။ လူတစ်ချို့ကဖိုရမ်တစ်ခုပြီးတစ်ခုကို ကူးပြောင်းကြည့်ရှုနေကြသည်။ ထိုကဲ့သို့ပျင်းစရာကောင်းတဲ့အ‌ခြေအနေတွေမှာဘဲ ရုတ်တရက်နတ်ဘုရားJun Renက တိုက်ရိုက်ထုတ်လွှင့်နေကြောင်း သူတို့၏ဖိုရမ်ပေါ်မှာ သတိပေးလာခဲ့သည်။

လူတိုင်းကအသက်ရှူတာကို ခဏလောက်ရပ်လိုက်မိကြပြီး သူတို့ကချက်ချင်းကို တတ်နိုင်သမျှထိုသတိပေးချက်ပေါ်ကို အမြန်နှိပ်လိုက်သည်။

[အား! အား!!! ငါ့ရဲ့နတ်ဘုရားလေးကတိုက်ရိုက်ထုတ်လွှင့်နေတယ်? ဘာတွေဖြစ်ကုန်တာလဲ?]

[ငါ့ဘဝမှာ ငါတစ်ခါမှဒီလောက်ထိအမြန်မနှိပ်ဖူးဘူး!*ရယ်နေသောemojiဖြင့်*]

[ငါဒီမှာတတ်နိုင်သမျှ ချက်ချင်းကိုရောက်လာပြီလေ! ခုနကအဖွဲ့တွေဘယ်ရောက်ကုန်ပြီလဲ?]

[အပေါ်မှာ!]

[အပေါ်မှာ!+၁]

[အပေါ်မှာဘဲ!+၂၀]

[ခနနေကြပါဦး ခနနေကြပါဦး! ငါတို့ရဲ့နတ်ဘုရားကဘယ်ရောက်နေတာလဲ?!]

သူတို့setting ကနေရှာကြည့်လိုက်တဲ့အခါမှာတော့ကင်မရာပေါ်မှာပေါ်နေတာက နတ်ဘုရားရဲ့ရုံးခန်းပင်။ ဇိမ်ခံကုလားထိုင်ရှိပြီး အနက်ရောင်ဖန်နံရံများမှတဆင့် ပြင်ပကမ္ဘာကနေရောင်ပြန်ဟပ်လို့နေသည်။ ကြည့်ရှုနေတဲ့လူဦးရေကလည်းအယောက်၁၀၀မှ ၁မီလီယံလောက်ထိအလျင်အမြန် တိုးလာခဲ့သည်။

[ဒီမှာဘာတွေဖြစ်နေကြတာလဲ?]

[နတ်ဘုရားကဘယ်မှာလဲ?]

Hostကသူ့အလှည့်ရောက်ပြီဖြစ်ကြောင်း သိလိုက်ရသည်။

သူမရဲ့ခန္ဓာကိုယ်လေးကိုအကြောဆန့်လိုက်ပြီး ရှေ့ခြေသည်းတွေကိုစားပွဲရဲ့အစွန်းမှာ ချထားလိုက်သည်။ အဲ့တာကကင်မရာပေါ်မှာ သကြားခဲလုံးလုံးလေးတွေနဲ့သွားတူနေသည်။

[ကြည့်လိုက်! အဲ့မှာတစ်ခုခုရှိနေတယ်!]

[အဲ့ဖြူဖြူနဲ့အရာကြီးက ဘာကြီးလဲ?]