حبيبه

#حبيبه 🦋 80

شيماء خدت نفس ودقت ع باب المكتب وخشت
هو كان عاطي للباب بظهره يعني لاف وجه جهة الشباك لي وراه
ادخل
شيماء خشت وتفاجأت لم شافت المكتب فاضي وفهمت من حركة الكرسي ان هو مايبيش ايبحت فيها ولا ايشوفها بما انها تاخرت كل هالفتره ع العمل
السلام عليكم
وعليكم السلام
شيماء نا الموظف...
وقاطعها ومخلاهش اتكمل كلامها لانه السكرتيرة عطته علم بوجودها
مفروض كنتي هنا من اسبوعين
وبما ان عندك خبره واشتغلتي قبل تو
عارفه ان دور مدير العلاقات العامه ميقلش اهميه عن دور المدير العام وتو بس اذكرتي ان عندك عمل وللازم اتجي
وبرايك ان مزال المنصب يستنى فيكي
شيماء استفزها كلامه
وجت تبي اترد عليه
بس انصدمت بلي شافته وقعدت حاله فهمها
وهو نفس الشي انصدم بالي شافه وما كملش جملته لي
هي .
نزلنكي لقسم الارش......
شيماء انت
مصعب انتي
وصبا من مكانه
وياويل شيماء منلي حست بيه وصارلها بعد جاء مقابلها
مصعب ،، قصدك انتي بنت خالت سامي
وانتي لي كنتي ماسكه الفرع لي برا وبعدين جيتي هنا
شيماء ،، ايوه
ونا اسفه لو عطلتكم
ولفت وقدمت شور الباب عشان تطلع
مصعب ،، استني
شيماء وهي ماسكه مقبض الباب
ومن دون ما تبحت فيه
نعم
نا وين شايفك قبل توا
شيماء ،، بس نا مش شايفتك
فلاش باك 💫💫
ام سامي،، عدي سلم ابنيتي لمي المربوعه راء
صاحب سامي طلع هو وياها وقال مهمش رادين الا ع الغداء
شيماء ،، حاضر هي ان شاءالله
كنت شيماء لاهيه في تنظيف المربوعه
بعد شافت جاكه شبابيه محطوطه ع الانتري
عجبها
لونها وطبست عليها ترفع فيها
اول ما رفعتها طاح منها الفون انزلت بجسمها عشان تاخده بس موصلتش فيه لانه في يدا سبقتها وحدته قبلها
لمحت شيماء صوره بنت كانت خلفية الفون ابتاعه
ارفعت اعيونه فصاحة اليد وشافت مصعب قدامها
لي قلبها دق اول ما جت عينها فعينه
بس هو مركزش عليه وخدا جاكته  من يدها
وهو يقول لو سمحتي الجايه  وطلع بسرعه
بس هو لمى طلع مطلعش بروحه
خدا قلب شيمو معاه بالذات لمى اسمعت صوته
ونبرة صوته لي كانت كلها رجوله
قمعزت شيماء ع الانتري وحطت ايديها على وجها
فجاه شمت ريحة عطره كانت عالقه فيديها
من مسكة الجاكه

فالوقت الحالي 🍂🍂

لو مفش شي عن اذنك
مصعب ،، وين
شيماء ،، اكيد  امروحه بعد كلامك لي قلته
مصعب بس نحن
شيماء ،، استغنيتو عني فهمت
مصعب ،، من قالك ان استغنيناء عنك
صح تأخرتي وسامي حكالي
بس متوقعتش اتكوني انتي لي حكيلي عليك
شيماء ،، والمعني
مصعب ،، عملك يستنى فيك
بس هالمره حتكوني فمكان ثاني لعند الموظف لي جاء مكانك يرد للفرع الاول
شيماء ،، مفش مشكله
مصعب عدا شور مكتبه ورفع سماعة الفون كلم السكرتيرة لي جت عنده
مصعب ،، لو سمحتي شيلي الانسه ....
وسكت
شيماء ،، شيماء
مصعب الانسه شيماء لمكتب الاستاذ هيثم  فقسم العلاقات لعند انفضولها مكتبها
السكرتيرة،، تمام.
مصعب ،، خلي خالد ايجيني
السكرتيرة، ، تمام
تفضلي معايا
عدت شيمو معاها
السكرتيره حيكون هنا مكتبك مع الاستاذ هيثم كيف ما فهمك الاستاذ مصعب
هيثم صديق مصعب واحمد كان مش فاهم من لي جت وحطوها معاه فالمكتب هي من وشن دورها
وكيف تقعد في مكتب زميله لي غايب عن الشغل
شيماء ،، تمام
قعدت شيماء فالمكتب
وهيثم  طلع من المكتب وعدا شور مصعب لي قعد ايفكر ليش هو تمسك بشيماء بعد شافها وليش مقدرش ايقوللها ان جاب غيرها رغم ان هو كان قايل الكلام هضا ل هيثم صديقه وزميله فالشغل وقاله عشان خاطر سامي لو جت حنحطها فالارشيف