ဗီလိန်ရဲ့ လမ်းပြကြယ်

အပိုင်း(၂)

ဒါပေမဲ့ ကြည့်ပြီးသွားတော့ သူ စိတ်ကောင်းဝင်နေတာတွေပျောက်သွားပြီး မျက်နှာတစ်ခုလုံး စိမ်းသွားတယ်။

စာရွက်က လုံးဝဗလာကြီး။ ဘာမေးခွန်းမှလဲ မဖြေထားဘူး။

ချောင်လန်က သူ့ဟာကို လုပ်ပေးမထားဘူး။ ချင်းယန်က ချက်ချင်းပဲ သူ့ခေါင်းကို လှည့်လိုက်ပြီး ချောင်လန့်ကို စူးစူးရဲရဲစိုက်ကြည့်လိုက်တယ်။

ချောင်လန်က ချင်းယန်ရဲ့ ဒေါသကြောင့် နီရဲနေတဲ့ မျက်နှာကို မမြင်လိုက်ဘူး။ ဒါပေမဲ့ ချောင်လန်ရဲ့ဘေးမှာ ထိုင်တဲ့ deskmate ကတော့ မြင်လိုက်တယ်။ ပြီးတော့ ချောင်လန်ရဲ့ လက်ကို သာသာလေးတို့လိုက်တယ်။

ချောင်လန်က ခေါင်းကို မော့လိုက်တော့ ချင်းယန်ရဲ့ လူသားစားတော့မဲ့ အကြည့်ကို တွေ့လိုက်ရတယ်။ သူမက ချက်ချင်းပဲ ချင်းယန်ကို 'နင်ရူးနေလား' ဆိုတဲ့ အကြည့်နဲ့ပြန်ကြည့်လိုက်ပြီး ခေါင်းကို ပြန်လှည့်လိုက်တယ်။ ပြီးတော့ ချင်းယန်ကိုဘယ်တော့မှ ထပ်ပြီး မကြည့်တော့ဘူး။

ချင်းယန်က ရှော့ခ်ရသွားတယ်။ Fuck .. အခု ချောင်လန်က သူ့ကို လှောင်သွားတာလား???

ဒီအချိန်မှာ ဆရာသာရှိနေလို့သာပေါ့။ မဟုတ်ရင် ချင်းယန်က ချောင်လန့်ဆီ ပြေးသွားပြီး ဆွဲထိုးမိမှာတောင် ကြောက် မိတယ်။

ချင်းယန်ရဲ့ ဘေးက သူငယ်ချင်းကလဲ အံ့ဩသွားတယ်။ ချောင်လန်ကပုံမှန်ဆိုရင် သူတို့ကို ဖားဖို့လောနေကျလေ။ ဒီနေ့တော့ နဲနဲထူးဆန်းနေတယ်။ ဒါပေမဲ့ သူက ချင်းယန်လောက်တော့ စိတ်မလွတ်သွားသေးဘူး။ အဲ့အစားသူက ချင်းယန်ကို သူ့ရဲ့စာရွက်ကိုပေးလိုက်ပြီး " အဲ့တာကို စိတ်ထဲထားမနေနဲ့ဦး။ ဒါကိုသာ မြန်မြန်ကူးရေးစမ်းပါ။ လောင်လျှိုကဒီကိုမကြာခင်ရောက်လာတော့မှာကွ။ "

ချင်းယန်က သူ့ရဲ့ လူသတ်တော့မယ့်အကြည့်ကို ပြန်ရုတ်လိုက်ပြီး ချောင်လန်ကို တစ်ချက်ထပ်ကြည့်လိုက်တယ်။ ပြီးတော့မှ ဘောပင်ကို ကိုင်ပြီး အဖြေတွေကို ထိတ်ထိတ်ပျာပျာ ကူးရေးတော့တယ်။

ကူးနေရင်းနဲ့လဲ ချောင်လန်ကို စိတ်ထဲကနေ မကျိန်ဆဲပဲမနေနိုင်ဘူး။ ချောင်လန်ကြောင့် သူဒီလို ကူးနေရတာ!! ဒီအတန်းသာပြီးသွားလို့ကတော့ သူ......