Me and the Worst Section

CHAPTER 48

Chapter 48: The couple and the bitters

Rue

MASIGLA akong napabangon sa kama at nag-ayos. Narinig kong tumunog ang phone ko nang makalbas sa cr. Mabilis akong lumapit doon at binasa ang text.

From: Z pangit <3
Good morning babe. I love you.

Malapad akong napangiti at nagtipa. Pinigilan kong huwag ngumiti pero hindi talaga e. Iba na yata ang tama ko sa Z na 'to.

To: Z pangit <3
Good morning din babe. I love you too.

Kinikilig kong pinindot ang send button at nilagay na sa vanity table ang phone. Nag-ayos na ako at naghanda papuntang school. Time check 6:23 AM pa lang ng umaga. Nag-ayos ako ng buhok at blinower 'yon at tinali paitaas. Naglagay din ako ng powder kasi 'yon lang ang alam ko. Hindi naman ako marunog mag full make-up. Hindi ko na kailangang mag-lipstick dahil mapupa naman ang mga labi ko.

Ilang ulit akong nagpabalik-balik sa salamin para makita amg sarili kung ayos na ba talaga ako. Ngayon lang ako naging conscious sa tanang buhay ko. Ganito yata kapag inlove ano? Gusto mo palaging maganda ka dahil sa taong mahal mo.

Pupunta na sana ako sa pinto pero bumalik ulit ako sa salamin. Isa na lang talaga. Kinuha ko na rin ang phone ko at nilagay sa bulsa ko. Kamuntik ko nang makalimutan.

Bumababa na ako at dumiretso sa kitchen. Nagluluto pa lang ng si Kuya. Ilang minuto lang ay hinain niya na ang mga niluto sa mesa.

Mayro'ng pritong isda, bacon, hotdog at sunny side up. Agad akong kumuha ng plato at kumain.

"Ayos na ayos ah? Ngayon lang kitang nakitang ganyan. Ang pangit mo pala no?" Pang-iinis sa 'kin ni Kuya.

Sinamaan ko siya tingin habang ngumunguya. "Bakit masama bang mag-ayos ha? Kung pangit ako mas pangit ka! Tandaan mo kambal tayo kapatid!" Untag ko.

"Ampon ka lang. Hindi kita kapatid. Wala akong kapatid na pangit!" Pilit niya.

Inis kong sinubo ang hotdog. Masyadong maganda ang araw ko para lang sirain ng isang 'to. Huwag kang papaapekto Rue. Huwag!

"Nga pala...may taong naghihintay sa 'yo sa labas. T'ss. Kanina pa 'yon nando'n. " Biglang anito.

Kita mo 'to magsasabi na nga lang parang labag pa sa loob. Napipilitan lang? Teka! Ano raw?

Tumibok ng husto ang puso ko. Wala pa mang pangalang nabanggit pero parang alam ko na kung sino.

"Bakit hindi mo sinabi?!" Inis kong sabi ay mabilis na kinain lahat ng nasa plato at nilagay 'yon sa sink.

"Sinabi ko na ngayon lang. Bingi ka ba?!" Pamimilosopo nito sa 'kin. Napairap lang ako at uminom ng tubig.

"Whatever Kuya! Ang sungit sungit mo! May mens ka yata!" Irap kong sabi. Aalis na sana ako sa kitchen pero napatigil ako ng magsalita siya.

"Rue..."

"Hmm?"

"Take care."

"Luh? Ikaw ba 'yan kuya? Nagdidiliryo ka 'ata?" Gulat kong sabi.

"Tsk! Umalis ka na nga! Pumunta ka na ro'n kay Zinnon! Baka pagnainip 'yon ako pa ang pagbuntungan ng galit! Tsk." Taboy niya sa 'kin pero napangisi ako. Ako na naman ang mang-aasar. Lintik lang ang walang ganti.

"Uyyyy! Okay na kayo? Ha kuya? Okay na kayo? Bati na ulit kayo? Ha? Uyyy!" Tawa kong sabi.

"Alis na!" Singhal niya.

Tatawa tawa akong umalis pero bago 'yon lumapit ulit ako sa kanya na nasa sink at niyakap patalikod. Naramdaman ko pang natigilan siya saglit.

"Bati na kayo ah? H'wag na ulit kayong mag-away kung hindi ako makakalaban mo. Ingat ka rin kuya at sorry pala dahil inaaway kita palagi," sabi ko at kumalas na sa pagkakayakap sa kanya. Nakita ko pang napangiti siya kaya napangiti na rin ako.