Lunar Academy: School For The Hunters

4. For the Family

Parang huminto ang mundo ko. Nanginginig ang buo kong katawan sa narinig ko. Tila napako ako sa kinatatayuan ko at hindi ako makagalaw.

Despite being outside, I'm having a hard time breathing. The pressure, the atmosphere—it's suffocating.

Nanaginip lang ba 'ko? Totoo ba itong mga naririnig ko? Hindi pinatay ni Helena si Addi? Tapos si Papa ang gustong pumatay sa kaniya?

Pero... bakit? Akala ko ba pamilya kami? Bakit papatayin ni Papa ang sarili niyang anak? Nasaan na si Addi ngayon?

Ang daming tanong sa isipan ko at hindi ko na lang mapigilang maiyak. This is too much-

"Are you playing hide and seek? Sali ako!"

Parang binuhusan ako ng malamig na tubig nang sumulpot sa gilid ko si Wyatt. Agad ding natigilan sa pagsasalita si Papa.

Literal na parang bumagal ang oras sa kabila ng mabilis na pagkilos ko.

Gumalaw ng sarili ang katawan ko at agad kong binuhat si Wyatt pabalik sa loob ng base. Agad akong tumakbo pabalik sa kwarto ko habang tumatawa si Wyatt.

"Are we playing tag, Scarlet?" natutuwang sambit niya.

I just faked a smile at him and continued running. Hindi rin nagtagal nang makarating kami sa kwarto ko. Habol-habol ko ang hininga ko nang ibaba ko si Wyatt.

"Laro pa tayo!"

Napasinghap ako sa sinabi niya. "W-Wyatt, gabi na ah, b-bakit nasa labas ka?" marahang tanong ko.

Parang aatakihin ako sa puso sa mga oras na iyon. Sana lang ay hindi kami nakita ni Papa.

"Hmm, nagwiwi ako eh. Tapos nakita ko si Papa sa bintana kaya lumabas ako. Tapos nakita kitang nagtatago. Are you playing hide and seek?"

Agad akong umiling sa sinabi ni Wyatt. "N-No, Scarlet just wanted to talk to Papa, pero he's busy eh. K-Kaya tomorrow na lang siya kauusapin ni Scarlet," sagot ko. Madaling naniwala sa akin si Wyatt.

"K-Kaya mag-isleep ka na ha? Gabi na," dagdag ko.

Isang tango ang sinagot niya sa akin at niyakap ako bago lumabas ng pintuan.

"U-Uhm wait, Wyatt!"

Huminto si Wyatt nang tinawag ko siya. "M-Magagalit sa atin si Papa kung lumalabas tayo ng gabi hindi ba? C-Can we make this our little secret?"

Nakangiti siyang tumango sa akin. "Yup!" aniya at tuluyan ng lumabas ng kwarto ko.

Malalim akong napabuntong-hininga nang sumara ang pinto. Hindi pa rin tumitigil sa panginginig ang mga kamay ko at pati na rin ang mabilis na pagtibok ng puso ko.

His words kept echoing in my head.

Papa... is willing to kill us for his plans. Akala ko ba... para sa amin ang mga plano niya?

Sobrang naninikip ang dibdib ko at sobrang bilis ng tibok ng puso ko. I didn't managed to sleep well that night... my mind won't stop overthinking.

Nagising ako kinabukasan sa nakasisilaw na liwanag na tumatagos sa bintana ko. Malalim ang mga mata ko habang nakasilip sa bintana.

Umaga na... pero hindi pa rin nawawala ang kaba na nararamdaman ko.

Tumunog ang bell sa labas hudyat na simula na ng agahan. Sabay-sabay kaming nag-aagahan, pati na rin ang mga nannies at si Papa.

Pilit kong binaliwala muna ang kaba ko at nag-ayos na 'ko para lumabas ng kwarto. I need to act normal to avoid suspicion. Kasabay nang paglabas ko ay ang pagtakbo ng mga bata sa hallway para mag-unahan ng pwesto sa Dining area. Hindi ako tumunganga lang doon at naglakad na rin ako papunta sa Dining area.